AP MPTC ZPTC Results: ఏపీలో కౌంటింగ్ వేళ హైటెన్షన్.. పలుచోట్ల వాహనాల దగ్దం.. ఇరువర్గాలపై పోలీసుల లాఠీ చార్జ్..
zptc mptc poll results in ap: ఏపీలో పలు జిల్లాలలో ఎంపీటీసీ, జెడ్పీటీసీ కౌంటింగ్ కేంద్రాల వల్ల ఉద్రిక్తతచోటు చేసుకుంది. దీంతో పోలీసులు రంగంలోకి దిగి ఇరువర్గాల్ని చెదరగొట్టారు. ప్రస్తుతం కౌంటింగ్ పై ఏపీ వ్యాప్తంగా ఉత్కంఠ నెలకొంది.
High tension in ap zptc and mptc election counting: ఆంధ్ర ప్రదేశ్ లో ఇటీవల జరిగిన ఎంపీటీసీ, జెడ్పీటీసీ ఎన్నికల కౌంటింగ్ మొదలైంది. ఉదయం 7 గంటల నుంచి అధికారులు బ్యాలెట్ బాక్సులను ఓపెన్ చేసి కౌంటింగ్ ప్రక్రియను చేపట్టారు. ఈ క్రమంలో గతంలో మున్సిపాలిటీ కౌంటింగ్ వేళ ఏ విధంగా అయితే ఉద్రిక్తత తలెత్తిందొ ఇప్పుుడు కూడా అదే విధంగా ఏపీలోని పలు జిల్లాల్లో ఉద్రిక్తత వాతావరణం కొనసాగుతుంది. కర్నూలు జిల్లా ఆలూరులో కౌంటింగ్ కేంద్రం వల్ల టీడీపీ వర్సెస్ వైసీపీ కార్యకర్తల మధ్య తోపులాట జరిగింది. పరస్పరం వ్యతిరేకంగా నినాదాలు చేసుకున్నారు. దీంతో రంగంలోకి దిగిన పోలీసులు ఇరు వర్గాల్ని చెదరగొట్టారు. ఈ ఘటనలో ఇద్దరు వైసీపీ ఏజెంట్లకు గాయాలయ్యాయి.
ఒక్క ఏజెంట్‌కే కౌంటింగ్ కేంద్రంలో అనుమతివ్వడంపై పార్టీల నేతల అభ్యంతరం వ్యక్తం చేస్తున్నారు. మరోవైపు నంద్యాల జిల్లా ఆళ్లగడ్డలో ఎన్నికల కౌంటింగ్ సమయంలో వైసీపీ నాయ‌కుల కార్లు, బైక్‌ల‌ను టీడీపీ శ్రేణులు నిప్పుపెట్టినట్లు వైసీపీ నేతలు ఆరోపణలు చేస్తున్నారు. ఆలూరు కౌంటింగ్ హాల్ వద్ద .. ఆర్వోల నుంచి ఏజెంట్ పాస్‌లు పొందిన వైయస్ఆర్సీపీ ఏజెంట్లను లోపలికి పోలీసలు అనుమతించక పోవడంతో వైసీపీ ఏజెంట్లు ఆందోళనలు వ్యక్తం చేశారు.
తిరువూరు శ్రీవాహిని ఇంజినీరింగ్ కళాశాలలో ఎంపిటిసి, జడ్పీటీసీ ఎన్నికల కౌంటింగ్ హాల్లో కరెంట్ కట్ అయ్యింది. దీంతో కౌంటింగ్ ప్రక్రియకు అంతరాయం ఏర్పడింది. ఉద్రిక్తత పరిస్థితుల నేపథ్యంలో.. ముచ్చుమర్రిలో సిద్ధార్థ్ రెడ్డిని పోలీసులు హౌస్ అరెస్ట్ చేశారు. ఆయన ఇంటి వద్ద బందోబస్తు చేపట్టారు. ఇక ఏపీలో పరిషత్ ఎన్నికల పోస్టల్ బ్యాలెట్ ల లెక్కింపులో టీడీపీ ముందంజలో దూసుకునిపోతుంది.
