Visakha Vande Bharat Sleeper: ఆంధ్రప్రదేశ్‌కు మరో వందేభారత్ రైలు.. విశాఖ-బెంగళూరు వందేభారత్ రూట్, టైమింగ్ ఫిక్స్!

Visakha Bengaluru Vande Bharat Sleeper: విశాఖపట్నం నుండి బెంగళూరు మధ్య కొత్తగా వందేభారత్ స్లీపర్ రైలు సేవలను అందుబాటులోకి తీసుకురావడానికి సన్నాహాలు జరుగుతున్నాయి. ఈ కొత్త స్లీపర్ సర్వీస్ ప్రారంభమైతే రెండు ప్రాంతాల మధ్య ప్రయాణ సమయం గణనీయంగా తగ్గుతుంది. సాధారణ రైళ్లలో ప్రయాణానికి 18 నుండి 20 గంటల సమయం పడుతుండగా, ఈ వందేభారత్ స్లీపర్ ద్వారా కేవలం 14 గంటల్లోనే గమ్యస్థానానికి చేరుకోవచ్చు. వారానికి ఆరు రోజులు నడిచేలా రూపొందించిన ఈ రైలు షెడ్యూల్, కీలక స్టేషఅన్ల సమయ వేళలు కూడా ఖరారయ్యాయి.

ప్రస్తుతం ఆంధ్రప్రదేశ్ నుండి బెంగళూరు వైపు వెళ్లే ప్రధాన రైళ్లకు ప్రయాణికుల నుంచి డిమాండ్ నిరంతరం పెరుగుతోంది. ప్రస్తుతం విశాఖపట్నం నుండి బెంగళూరుకు నడిచే సాధారణ రైళ్లలో ప్రయాణించడానికి దాదాపు 18 నుండి 20 గంటల సమయం పడుతోంది. ఈ ప్రయాణ సమయాన్ని తగ్గించేందుకు ప్రవేశపెడుతున్న నూతన వందేభారత్ స్లీపర్ రైలు అందుబాటులోకి వస్తే ప్రయాణికులు కేవలం 14 గంటల వ్యవధిలోనే బెంగళూరు చేరుకోవచ్చు. ఈ రైలును వారానికి 6 రోజులు (ప్రతి సోమవారం మినహా) నడిపేలా అధికారులు ప్రతిపాదనలు సిద్ధం చేశారు.

విశాఖపట్నం నుండి బెంగళూరు రైలు సమయ వేళలు..
ఈ వందేభారత్ స్లీపర్ రైలు విశాఖపట్నంలో రాత్రి 08:15 గంటలకు బయలుదేరుతుంది. ఆ తర్వాత రాత్రి 08:45 గంటలకు దువ్వాడ స్టేషన్‌కు చేరుకుంటుంది. అక్కడి నుండి బయలుదేరి అర్ధరాత్రి 01:05 గంటలకు కృష్ణాకెనాల్ స్టేషన్‌కు, తెల్లవారుజామున 04:40 గంటలకు నంద్యాలకు చేరుకుంటుంది. అనంతరం ఉదయం 07:30 గంటలకు ధర్మవరం మీదుగా ప్రయాణించి ఉదయం 10:00 గంటలకు బెంగళూరు చేరుకుంటుంది.

బెంగళూరు నుండి విశాఖపట్నం తిరుగు ప్రయాణ వేళలు..
తిరుగు ప్రయాణంలో ఈ రైలు బెంగళూరులో రాత్రి 08:00 గంటలకు బయలుదేరుతుంది. మార్గమధ్యంలో రాత్రి 10:30 గంటలకు ధర్మవరం, అర్ధరాత్రి 01:02 గంటలకు నంద్యాల స్టేషన్లకు చేరుకుంటుంది. ఆ తర్వాత తెల్లవారుజామున 04:55 గంటలకు కృష్ణాకెనాల్, ఉదయం 09:15 గంటలకు దువ్వాడ మీదుగా ప్రయాణించి ఉదయం 10:00 గంటలకు విశాఖపట్నం చేరుకునేలా రైల్వే శాఖ షెడ్యూల్ ఖరారు చేసింది.

Also Read: రైలు ప్రయాణికులకు అలర్ట్..రేపు హైదరాబాద్ వెళ్లే పలు రైళ్లురద్దు..అక్కడ స్పెషల్ రైలు

Also Read: ప్రియుడికి KTM బైక్ గిఫ్ట్ కోసం సొంత ఇంట్లోనే దొంగతనం..19 ఏళ్ల కాలేజీ యువతి అరెస్ట్!