BSNL BYO OTT Builder: BSNL యూజర్లకు బంపర్ ఆఫర్..రూ.549కే 4000 జీబీ డేటా..25కు పైగా ఓటీటీలు ఉచితం!

BSNL 549 BYO OTT Builder Plan: సాధారణంగా బ్రాడ్‌బ్యాండ్ ప్రొవైడర్లు అందించే ఫిక్స్‌డ్ ఓటీటీ ప్యాకేజీలకు భిన్నంగా, వినియోగదారులు తమ వ్యక్తిగత ప్రాధాన్యతలకు తగినట్లు డిజిటల్ వినోదాన్ని పొందేందుకు బీఎస్ఎన్ఎల్ ఈ 'BYO OTT Builder' అనే ఫీచర్‌ను ప్రవేశపెట్టింది. దీని ద్వారా జియో హాట్‌స్టార్, సోనీ లివ్, జీ5, లయన్స్‌గేట్ ప్లే, హోయ్‌చోయ్ వంటి 25 కంటే ఎక్కువ ప్రముఖ ఓటీటీ ప్లాట్‌ఫామ్‌లలో అవసరమైన వాటి సబ్‌స్క్రిప్షన్ సొంతం చేసుకోవచ్చు. అయితే, అన్ని ఓటీటీ సేవలు ప్రతి ప్లాన్‌లోనూ ఉచితంగా లభించవని, ఏ ప్లాన్‌పై ఎంత చెల్లించాలి? ఏయే సబ్‌స్క్రిప్షన్లు అందుబాటులో ఉంటాయనే వివరాలను ముందుగా నిర్ధారించుకోవాల్సి ఉంటుంది.

వివిధ ఫైబర్ ప్లాన్ల వివరాలు..
వినియోగదారుల విభిన్న అవసరాలకు అనుగుణంగా బీఎస్ఎన్ఎల్ పలు ఆకర్షణీయమైన ప్లాన్లను అందుబాటులో ఉంచింది.

1) రూ. 549 ప్లాన్: గరిష్ఠంగా 60 Mbps వేగంతో 4000 GB హైస్పీడ్ డేటా లభిస్తుంది. నిర్దేశిత పరిమితి ముగిసిన తర్వాత 4 Mbps వేగంతో ఇంటర్నెట్ కొనసాగుతుంది.

2) రూ. 699 ప్లాన్: 100 Mbps వేగంతో 4000 GB డేటా లభిస్తుంది. ఆపై 4 Mbps వేగం అందుబాటులో ఉంటుంది.

3) రూ. 799 ప్లాన్: 150 Mbps స్పీడ్‌తో 4000 GB డేటా లభిస్తుంది. రోజువారీ డేటా కోటా దాటిన తర్వాత 10 Mbps వేగం వస్తుంది.

4) రూ. 999 ప్లాన్: అత్యధిక వేగాన్ని కోరుకునే వారి కోసం 200 Mbps హైస్పీడ్‌తో ఏకంగా 5000 GB డేటా లభిస్తుంది. అనంతరం 10 Mbps వేగంతో బ్రౌజింగ్ చేసుకోవచ్చు.

రూ. 549 ప్లాన్ ఎవరికి అనుకూలం?
తక్కువ బడ్జెట్‌లో నమ్మకమైన బ్రాడ్‌బ్యాండ్ కనెక్షన్ కోరుకునే వారికి రూ. 549 ప్లాన్ చక్కటి ఎంపికగా నిలుస్తుంది. ఇళ్లలో సాధారణ వెబ్ బ్రౌజింగ్, విద్యార్థుల ఆన్‌లైన్ తరగతులు, సోషల్ మీడియా వినియోగం, సాధారణ వీడియో స్ట్రీమింగ్ అవసరాలకు 60 Mbps వేగం చక్కగా సరిపోతుంది.

ఒకవేళ ఒకేసారి పలు పరికరాల్లో అత్యున్నత నాణ్యతతో వీడియోలు వీక్షించాలన్నా లేదా పెద్ద ఫైళ్లను డౌన్‌లోడ్ చేయాలన్నా అధిక వేగం గల ప్లాన్లను పరిశీలించడం శ్రేయస్కరం.

ఓటీటీ సేవలను యాక్టివేట్ చేసుకునే విధానం..
ఈ ప్రయోజనాలను పొందడానికి వినియోగదారులు బీఎస్ఎన్ఎల్ అధికారిక ఓటీటీ పోర్టల్‌ను సందర్శించాలి. అందుబాటులో ఉన్న ఓటీటీ వేదికలు, ప్యాకేజీలను పరిశీలించి అవసరమైన సేవలను ఎంపిక చేసుకోవచ్చు. వర్తించే ధరలు, నిబంధనలను నిర్ధారించుకున్న తర్వాత సబ్‌స్క్రిప్షన్‌ను సులభంగా యాక్టివేట్ చేసుకోవచ్చు. పూర్తి సమాచారం కోసం వినియోగదారులు సంస్థ అధికారిక వెబ్‌సైట్ http://www.bsnl.co.in ను సంప్రదించవచ్చు.

(గమనిక: పైన పేర్కొన్న సమాచారం కేవలం పాఠకుల ఆసక్తి మేరకు మాత్రమే పొందుపరిచింది. ఇది ఎలాంటి ప్రమోషనల్ ఆర్టికల్ కాదు. దీన్ని అనుసరించే ముందు మార్కెట్లో ఉండే ఎంపికల్లో ఉత్తమమైనది ఎంచుకోవడం మేలు.)