Dorothy Movie Backlash: కీర్తి సురేష్ 'డోరతి' టైటిల్ ఆంతర్యం ఏమిటి? సోషల్ మీడియాలో ఎందుకీ రచ్చ!

Dorothy Movie Title Backlash: 'డోరతీ' చిత్రానికి కార్తీక్ సుబ్బరాజ్ దర్శకత్వం వహించగా.. స్టార్ హీరోయిన్ కీర్తి సురేష్, రిషి కాంత్, సనత్ ప్రధానపాత్రల్లో నటించారు. ఈ చిత్రం కథాంశం 1990వ దశకంలో తమిళనాడులోని మధురై పట్టణ సమీపంలో ఉన్న ఒక గ్రామంలో జరిగినట్లు తెలుస్తోంది. కథ ప్రకారం సమాజంలో భాగమైన కథానాయకుడు, కథానాయిక, ప్రతినాయకుడు, ప్రతినాయకుడి వద్ద పనిచేసే సేవకుడు వీరందరినీ సమాజంలో అంతర్భాగంగా వెండితెరపై చాలా అందంగా ఆవిష్కరించినట్లు సినీ విశ్లేషకులు చెబుతున్నారు.

ఇంటర్నెట్‌లో వివాదం ఏంటి?
ఈ సినిమా విడుదలైన తర్వాత సినిమాపై, నటీనటులు, కథాంశంపై విమర్శకుల నుండి మంచి స్పందన లభించింది. అయినప్పటికీ.. LGBTQ+ ప్రజలకు వ్యతిరేకంగా వ్యాఖ్యలు ఉన్నాయంటూ వస్తున్న ప్రచారంపై చిత్రబృందం షాక్‌కు గురైంది. దీంతో ఈ సినిమా గురించి ఇప్పుడు సోషల్ మీడియాతో తెగ చర్చ జరుగుతోంది. ఈ వివాదాస్పద పరిణామాల నేపథ్యంలో.. ఈ సినిమా టైటిల్ 'డోరతి' అనే పేరుకు అర్థం ఏంటో తెలుసుకునేందుకు చాలామంది ఆసక్తి చూపిస్తున్నారు.

'డోరతీ' పేరుకు అర్థం ఇదే!
అయితే ఈ చిత్రంలో కథానాయిక కీర్తి సురేష్ అసలు పేరు ఏమిటో చెప్పకపోయినా.. ఆమె ముద్దుపేరు మాత్రం 'డోరతీ' అని పేర్కొన్నారు. 'డోరతీ' అనేది గ్రీకు భాష నుండి ఉద్భవించిన పదం అని తెలుస్తోంది. గ్రీకు భాషలోని రెండు పదాల కలయిక వల్ల ఈ పదం ఏర్పడినట్లు చెబుతున్నారు. 'డోరన్' అంటే బహుమతి.. 'థియోస్' అంటే దేవుడు అని అర్థం వస్తుందట. ఆ విధంగా ఈ రెండు పదాలను కలిపితే డోరతి అంటే 'దేవుని బహుమతి' అనే అర్థం వచ్చేలా ఉంటుందని సోషల్ మీడియాలో చర్చించుకుంటున్నారు. అయితే ఈ పేరును ఇంగ్లాండ్‌‌లో 15వ శతాబ్దం నుండి వాడుకలో ఉండగా.. అమెరికాలో కూడా 1904 నుండి చాలా మంది ఉపయోగిస్తున్నట్లు సమాచారం.

సినిమా పాత్రలు.. టైటిల్ ఆంతర్యం.. 
'డోరతి' అనే పేరుకు, సినిమా కథకు ఒక విశిష్టమైన అర్థం, ఆసక్తికరమైన సంబంధం ఉన్నట్లు తెలుస్తోంది. 'డోరతీ' సినిమాలో ఒక ట్రాన్స్‌జెండర్ పాత్ర కనిపిస్తుంది. ఆ పాత్రకు 'దేవుడిచ్చిన వరం' అని అర్థం వచ్చేలా 'డోరతీ' అని పేరు పెట్టినట్లు తెలుస్తోంది. అదే విధంగా హీరోయిన్ కీర్తి సురేష్‌ను కూడా ఓ దేవతలాగా తెరపై చూపిస్తున్నారు. టైటిల్‌పై బయట ఎన్ని అర్థాలు వచ్చినా.. సినిమా చూసిన తర్వాతే ఆ టైటిల్‌కు కథాంశానికి సంబంధం తెలుస్తోంది.