మణిపూర్ నుంచి సోమాలియా వరకు.. 101 గంటల్లో ప్రయాణం పూర్తి చేసిన చిన్న పక్షి గురించి తెలుసా?
Alang Falcon Viral News: అలాంగ్ పక్షి గురించి ఎంతమందికి తెలుసు? ఇది అత్యంత వేగవంతంగా ప్రయాణం చేసే వాటిల్లో ఒకటి. అయితే, అనేక వాతావరణ పరిస్థితులు ఎదుర్కొని ఏకంగా 5700 కిలోమీటర్ల ప్రయాణాన్ని కేవలం 101 గంటల్లో మాత్రమే చేరుకోగలిగింది. ఈ పక్షికి సంబంధించిన మరిన్ని వివరాలు మనం ఇప్పుడు తెలుసుకుందాం..
Alang Falcon Viral News: ప్రకృతి ఒడిలో వింతలు విశేషాలకు అస్సలు కొదవ ఉండదు. అందులోనూ వలస పక్షుల ప్రయాణానికి సంబంధించిన సామర్థ్యం ఎప్పుడు శాస్త్రవేత్తలతో పాటు పక్షుల ప్రేమికులను ఆశ్చర్యానికి గురి చేస్తూనే ఉంటుంది. తాజాగా అటువంటి ఓ అద్భుతమైన ఘటన వెలుగులోకి వచ్చింది. కేవలం అరచేతి అంత సైజు ఉండే చిన్న అలంగ్ అని ఫాల్కన్ జాతికి చెందిన పక్షి.. తన శరీర పరిణామానికి మించిన సాహసాన్ని చేసి అందరినీ ఆశ్చర్యపోయేలా చేసింది. అసలు ఈ పక్షి ఏం చేసింది? సోషల్ మీడియాలో వైరల్ అవ్వడానికి గల కారణాలేంటి? దీనికి సంబంధించిన అన్ని వివరాలు మనం ఇప్పుడు తెలుసుకుందాం..
భారతదేశంలోని ఈశాన్య రాష్ట్రమైన మణిపూర్ నుంచి బయలుదేరిన ఈ అలాంగ్ పక్షి.. ఆఫ్రికా ఖండంలోని సోమాలియా దేశానికి చేరుకుంటుందట.. ఈ క్రమంలో ఇది ఏకంగా 5700 కిలోమీటర్ల సుదీర్ఘ దూరాన్ని కేవలం 101 గంటల్లో మాత్రమే చేరుకోవడం విశేషం. అత్యంత ఆశ్చర్యకరమైన విషయం ఏమిటంటే. . ఈ సుదీర్ఘ ప్రయాణంలో అది ఎక్కడ ఆగదట. విశ్రాంతి తీసుకోకుండానే.. ఆహారం కోసం ఒక్క క్షణం నేలపై వాలకుండానే.. విశాలవంతమైన అరేబియా సముద్రాన్ని సైతం దాటుకుంటూ తన గమ్యస్థానానికి చేరుకుంటుందట..
ఈ ప్రయాణాన్ని పూర్తిచేసిన అలాంగ్ పక్షి బరువు కేవలం 150 గ్రాములు మాత్రమే ఉండడం విశేషం. ఇంత తక్కువ బరువు ఉన్న ఒక చిన్న జీవి, ఎంతో ప్రతికూలమైన వాతావరణ పరిస్థితులతో పాటు సముద్రపు గాలులను తట్టుకుంటూ నాలుగు రోజులకు పైగా నిరంతరం రెక్కలు ఆడిస్తూ ప్రయాణించడం ప్రకృతి అద్భుతాలలో ఒకటిగా నిపుణులు అభివర్ణిస్తూ వస్తున్నారు . ఇలాంటి సాహసాలు చేసే పక్షులు ఇప్పటివరకు ఎక్కడా లేవని చెబుతూ వస్తున్నారు..
వలస పక్షుల జీవన విధానంతో పాటు వాటి ప్రయాణ మార్గాలపై లోతనే పరిశోధన చేస్తున్న వైల్డ్ లైఫ్ ఇన్స్టిట్యూట్ ఆఫ్ ఇండియా శాస్త్రవేత్తలు ఈ అరుదైన రికార్డును నమోదు చేశారట.. పరిశోధనలో భాగంగా శాస్త్రవేత్తలు అలాంగ్ తో పాటు అపపాంగ్ అనే మరో పక్షికి కూడా అత్యాధునిక సాటిలైట్ ట్రాకింగ్ పరికరాలను అమర్చారు. వీటి ద్వారా ఆ పక్షుల కదలికలతో పాటు వేగవంతాన్ని, అవి ప్రయాణించే దిశలను నిరంతరం పర్యవేక్షిస్తున్నారు..
ఈ ట్రాకింగ్ డేటా ద్వారా వలస పక్షులు ఎదుర్కొంటున్న సవాళ్లతో పాటు వాతావరణ మార్పుల ప్రభావాన్ని అర్థం చేసుకోవడానికి శాస్త్రవేత్తలకు ఎంతగానో ఉపయోగపడుతుంది.. మణిపూర్ వంటి ప్రాంతాల్లో స్థానిక, అటవీశాఖ అధికారులు ఈ పక్షుల సంరక్షణకు తీసుకుంటున్న చర్యాల ఫలితంగానే ఈరోజు ఇటువంటి అద్భుతమైన ప్రయాణాలు సాధ్యమవుతున్నాయని పర్యావరణ వెత్తలు హర్షం వ్యక్తం చేస్తూ వస్తున్నారు. నిజంగానే పిట్ట కొంచెం ప్రయాణం గణం అనే నానుడికి ఈ పక్షి నిలువెత్తు నిదర్శనంగా నిలుస్తూ వస్తోంది.