Hyderabad Rains: నిండా మునిగిన నగరం.. హైదరాబాద్‌లో భారీ వర్షం లైవ్‌ అప్‌డేట్స్‌

హైదరాబాద్ నగరంలో భారీ వర్షం కురుస్తున్న నేపథ్యంలో అధికార యంత్రాంగం పూర్తిస్థాయిలో అప్రమత్తంగా ఉండాలని ముఖ్యమంత్రి ఆదేశించారు. హైదరాబాద్ పరిధిలోని మూడు మున్సిపల్ కార్పొరేషన్ల కమిషనర్లు, హైడ్రా, పోలీసు కమిషనర్లు పరస్పర సమన్వయంతో పనిచేస్తూ పరిస్థితిని ఎప్పటికప్పుడు పర్యవేక్షించాలని సూచించారు. ప్రధాన రహదారులు, జంక్షన్లు, కాలనీల్లో వర్షపు నీరు నిలిచిపోకుండా తక్షణ చర్యలు చేపట్టాలని సీఎం ఆదేశించారు. లోతట్టు ప్రాంతాల్లో వెంటనే సిబ్బంది, యంత్రాలను రంగంలోకి దించాలని సీఎం సూచనలు చేశారు.

హైదరాబాద్‌ శివారు ప్రాంతాల్లో కూడా భారీ వాన పడుతోంది. సంగారెడ్డి జిల్లాలో ఉరుములు మెరుపులతో భయానక వాతావరణం ఏర్పడింది. నల్లని మేఘాలు కమ్ముకున్నాయి. పటాన్‌చెరు, రామచంద్రాపురం, బీహెచ్ఈఎల్, అమీన్‌పూర్, అశోక్ నగర్ పరిసర ప్రాంతాల్లో కుండపోత వర్షం పడింది. దీంతో లోతట్టు ప్రాంతాలు జలమయమయ్యాయి. కాగా ఈ వర్షానికి భారీగా ట్రాఫిక్‌ జామ్‌ ఏర్పడింది.

Heavy Rain In Hyderabad.. దిల్‌సుఖ్‌నగర్‌ ప్రాంతంలో
హైదరాబాద్‌లోని సైదాబాద్, ఐఎస్ సదన్, మాదన్నపేట, దిల్‌సుఖ్‌నగర్, కొత్తపేట, మీర్‌పేట్, బాలాపూర్, బడంగ్‌పేట్, మలక్‌పేట్, చాదర్‌ఘాట్, చంపాపేట్, సంతోశ్‌ నగర్ పరిసర ప్రాంతాల్లో  కుండపోత వర్షం పడింది.

Heavy Rain In Hyderabad Live Updates.. ప్రధాన ప్రాంతాల్లో..
హైదరాబాద్‌లోని అన్నీ ప్రాంతాల్లో భారీ వర్షం పడుతోంది. నగరం మధ్యలోని ముషీరాబాద్, చిక్కడపల్లి, ఆర్టీసీ క్రాస్ రోడ్స్, హిమాయత్‌నగర్, నారాయణగూడ, ఆబిడ్స్, కోఠి, బేగంబజార్, నాంపల్లి, లక్డీకాపూల్‌ తదితర ప్రాంతాల్లో కుండపోత వర్షం పడింది.

Hyderabad Rains: కూకట్‌పల్లి ప్రాంతంలో..
హైదరాబాద్‌లోని హైదర్‌నగర్, నిజాంపేట్, జేఎన్టీయూ, కూకట్‌పల్లి, వివేకానందనగర్, జగద్గిరిగుట్ట తదితర ప్రాంతాల్లో వర్షం కురుస్తుంది. ఇన్నాళ్లు ఎండతో అల్లాడిన ప్రజలకు ఒకసారిగా వాతావరణం మేఘామృతమై ఉరుము మెరుపులతో కూడిన భారీ వర్షం కురవడంతో ఉపశమనం పొందారు. వర్షం రావడంతో విద్యార్థులు, ఉద్యోగులు తీవ్ర ఇబ్బందులు ఎదుర్కొంటున్నారు.