రోడ్డుపై 15 అడుగుల కింగ్ కోబ్రా హల్‌చల్.. వామ్మె, వీడియో చూడండి!

15 Foot King Cobra Viral Video: ప్రపంచంలోనే అత్యంత ప్రమాదకరమైన.. విషపూరితమైన పాముల్లో కింగ్ కోబ్రా ఒకటి.. ఒక్కసారి కాటు వేస్తే ఏనుగైన క్షణాల్లో మరణించి తీవ్రమైన విషం దీని సొంతం.. అలాంటి భారీ కోబ్రా రోడ్డుపైకి వస్తే పరిస్థితి ఎలా ఉంటుందో ఊహించడానికి చాలా భయమేస్తోంది. తాజాగా ఒక రద్దీ రోడ్డుపై దాదాపు 15 అడుగుల భారీ కింగ్ కోబ్రా ప్రత్యక్షమై వాహనదారులను భయాందోళనకు గురిచేస్తోంది. తాజాగా దీనికి సంబంధించిన వీడియో సోషల్ మీడియాలో ఊహించని స్థాయిలో వైరల్ గా మారింది.

వైరల్ అవుతున్న వీడియో వివరాల్లోకి వెళితే.. అటవీ ప్రాంతానికి ఆనుకొని ఉన్న ఒక ప్రధాన రహదారి పక్కనే సుమారు 15 అడుగుల పొడవున్న భారీ కింగ్ కోబ్రా కనిపించింది.. రోడ్డు దాటే క్రమంలో అది వాహనాలకు అడ్డంగా ప్రయాణించడం మీరు ఈ వీడియోలో చూడొచ్చు. రోడ్డుపై వేగంగా దూసుకొస్తున్న బైకులతో పాటు కార్ల కింద పడి ఆ జీవి చనిపోయే ప్రమాదం ఉండడంతో.. వాహనదారులపై అది ఎక్కడ దాడి చేస్తుందో అనే తీవ్ర ఆందోళన నెలకొంది..

సరిగ్గా అదే సమయంలో అక్కడికి చేరుకున్న ఒక స్నేక్ క్యాచర్.. ఆ ప్రమాదకరమైన పామును సురక్షితంగా రక్షించేందుకు రంగంలోకి దిగాడు. ఆ రోడ్డుపై వాహనాల రాకపోకల మధ్య వెళ్లేందుకు ప్రయత్నిస్తున్న కోబ్రా తోకను ఎంతో చాకచక్యంగా పట్టుకున్నాడు.. అయితే, ఈ సమయంలో ఆ పాము ఆగ్రహానికి గురై వెంటనే ఒక్కసారిగా వెనక్కి తిరిగి పడగ విప్పి మరి బుసలు కొట్టేసింది. ఆ యువకుడి పై పలుసార్లు కాటేసేందుకు కూడా ప్రయత్నించింది.

ఆ క్షణంలో ఏ చిన్న తప్పు జరిగిన ప్రాణాలకే ముప్పు వాటినే పరిస్థితి ఏర్పడింది. రోడ్డుపై వెళ్తున్న వాహనదారులతోపాటు అటు కుండా నడుచుకుంటూ వెళ్తున్నవా ఈ దృశ్యాన్ని చూస్తూ భయాందోళనకు గురైనట్లు తెలుస్తోంది.. పాము ఎన్నిసార్లు దాడికి ప్రయత్నించినప్పటికీ ఆ స్నేక్ క్యాచర్ ఏ మాత్రం భయపడలేదు.. ఆయనకున్న ఎక్స్పీరియన్స్ తో పాముకాటుకు గురికాకుండా తప్పించుకుంటూ మరి ఆ పాము వెనక భాగాన్ని పట్టుకొని ఎంతగానో నియంత్రిస్తున్నాడు..

అనంతరం ఆ భారీ కోబ్రాను పట్టుకొని.. ఒక సంచిలో బంధించి దట్టమైన అడవి ప్రాంతంలో విడిచిపెట్టినట్లు తెలుస్తోంది. అయితే ఈ వీడియో మధ్యలోనే అయిపోవడంతో.. ఆ పామును దట్టమైన అడవిలో విడిచిపెట్టారని విషయంపై క్లారిటీ లేదు. కానీ వారు దానిని పట్టుకొని సురక్షితమైన ప్రదేశంలో వదిలిపెట్టినట్లు తెలుస్తోంది. ఈ వీడియో చూసిన సోషల్ మీడియా వినియోగదారులు వారి అభిప్రాయాలను కామెంట్లు చేస్తున్నారు..