Annapurna Yojana 3000: మోదీ పుట్టినరోజు నాడు మహిళలకు శుభవార్త..అకౌంట్లోకి రూ.3,000..ముహూర్తం ఫిక్స్!

Annapurna Yojana 3000 Rupees: బెంగాలీ దినపత్రిక 'ప్రతిదిన్' నివేదిక ప్రకారం, అన్నపూర్ణ యోజన కింద సెప్టెంబర్ 17న అర్హులైన మహిళల ఖాతాల్లోకి నేరుగా రూ. 3,000 జమ చేయనున్నారు. ఆగస్టు నెలతో పోలిస్తే సెప్టెంబర్‌లో దాదాపు 10 లక్షల మంది అదనపు లబ్ధిదారులు ఈ పథకంలో చేరారు. దీంతో మొత్తం లబ్ధిదారుల సంఖ్య 1.58 కోట్లకు చేరుకుంటుందని పశ్చిమ బెంగాల్ ముఖ్యమంత్రి సువేందు అధికారి వెల్లడించారు. ఈ పథకం ప్రారంభమైనప్పటి నుండి లబ్ధిదారుల సంఖ్య గణనీయంగా పెరుగుతూ వస్తోంది. జూన్ నెలలో కేవలం 28 లక్షల మందిగా ఉన్న మహిళల సంఖ్య, జూలై నాటికి 1.19 కోట్లకు పెరిగింది. ఆగస్టు, సెప్టెంబర్ నెలల్లో ఇది మరింత విస్తరించింది.

పథకం అర్హతలు, సవరించిన నిబంధనలు
ఈ పథకానికి సంబంధించి ప్రభుత్వం ఆగస్టులో సవరించిన అర్హత ప్రమాణాలను ప్రకటించింది.
వయోపరిమితి: 25 నుండి 60 ఏళ్ల మధ్య వయస్సు ఉన్న మహిళలు మాత్రమే ఈ పథకానికి అర్హులు.
ఆదాయ పరిమితి: నెలకు రూ. 10,000 కంటే ఎక్కువ సంపాదిస్తున్న మహిళలు లేదా వార్షిక ఆదాయం రూ.12 లక్షలకు పైగా ఉన్న కుటుంబాలకు చెందిన మహిళలు ఈ పథకానికి అనర్హులు.

ఇతర భత్యాలు: వైకల్య భత్యం లేదా PM-కిసాన్ వంటి ప్రభుత్వ సహాయాలు పొందుతున్న మహిళలు కూడా ఇతర అర్హతలు ఉంటే ఈ పథకం కింద లబ్ధి పొందవచ్చు
తేడా మొత్తం చెల్లింపు: రూ. 3,000 కంటే తక్కువ మొత్తంలో ఇతర ప్రభుత్వ భత్యాలు పొందుతున్న మహిళలకు, ఆ వ్యత్యాస (తేడా) మొత్తాన్ని అన్నపూర్ణ పథకం కింద అందజేస్తారు.

గ్రామీణ మహిళలకు ఊరట, చెల్లింపు ప్రక్రియ..
గ్రామీణ ప్రాంతాల్లోని మహిళలకు ప్రభుత్వం కీలక వెసులుబాటు కల్పించింది. మూడు గదుల కంటే ఎక్కువ ఉన్న ఇల్లు లేదా 50 డెసిమల్స్ కంటే ఎక్కువ భూమి ఉందనే కారణంతో గ్రామీణ మహిళలను అనర్హులుగా ప్రకటించరని స్పష్టం చేశారు. గతంలో మూడు గదుల కంటే పెద్ద ఇల్లు ఉన్న కారణంగా డబ్బు అందలేదని వచ్చిన ప్రశ్నలను పరిశీలించిన ప్రభుత్వం, ప్రస్తుతం వారిని కూడా పథకం పరిధిలోకి తీసుకురావడంతో గ్రామీణ లబ్ధిదారుల సంఖ్య పెరిగింది.

ఈ పథకాన్ని భారతీయ జనతా పార్టీ (BJP) తన ఎన్నికల మేనిఫెస్టోలో ప్రకటించింది. పశ్చిమ బెంగాల్‌లో అధికారంలోకి వచ్చిన తర్వాత దీనిని అమలు చేయడం జరిగింది. దరఖాస్తులను పరిశీలించి ధృవీకరించిన తర్వాత ఆర్థిక శాఖ జిల్లా వారీగా నిధులను బదిలీ చేస్తుంది. ధృవీకరణ ప్రక్రియ పూర్తయిన వారికి ప్రతి నెలా రెండవ వారంలో వారి ఖాతాల్లో నేరుగా నగదు జమ అవుతుంది.

Also Read: "భారత్, చైనా, అమెరికా వల్లనే వరదలు వచ్చాయి": నేపాల్ ప్రధానమంత్రి బాలేంద్ర షా!

ALso REad: ఏపీ, తెలంగాణ ప్రజలకు చల్లని కబురు..బంగాళాఖాతంలో అల్పపీడనం..భారీ వర్షాలకు హెచ్చరిక!