9000mAh బ్యాటరీతో OnePlus 16.. 200MP కెమెరా, Snapdragon చిప్‌తో అదరగొట్టనుందా?

OnePlus 16 Launch: ప్రముఖ స్మార్ట్‌ఫోన్‌ తయారీ కంపెనీ వన్‌ప్లస్ మార్కెట్‌లోకి దిమ్మతిరిగే స్మార్ట్‌ఫోన్‌ను విడుదల చేసేందుకు సిద్ధమైంది. దీనిని కంపెనీ వన్‌ప్లస్ 16 పేరుతో అందుబాటులోకి తీసుకు రాబోతోంది. ఇది ఎన్నో రకాల ప్రీమియం ఫీచర్స్‌ను కూడా కలిగి ఉంటుంది. అంతేకాకుండా అద్భుతమైన కెమెరా సెటప్‌తో అందుబాటులోకి రాబోతోంది. అయితే, ఇప్పటికే ఈ మొబైల్‌కి సంబంధించిన ఫీచర్స్‌ కూడా లీక్‌ అయ్యాయి.. అవేంటో దానికి సంబంధించిన పూర్తి వివరాలు ఇప్పుడు తెలుసుకుందాం..

వన్‌ప్లస్ 16 ఫ్లాగ్‌షిప్ ఫోన్ కోసం చాలా కాలంగా ఎదురు చూస్తున్న మొబైల్‌ లవర్స్‌కి త్వరలోనే గుడ్‌ న్యూస్‌ రాబోతోంది. దీనిని కంపెనీ అత్యంత తొందరలోనే లాంచ్‌ చేయబోతున్నట్లు తెలుస్తోంది. దీనిని కంపెనీ వివిధ కలర్‌ ఆప్షన్స్‌లో ప్రీమియం లుక్‌లో తీసుకు రాబోతోంది. ముఖ్యంగా దీని డిజైన్‌ చాలా ప్రీమియంగా ఉండబోతోంది.

వన్‌ప్లస్ 16 విడుదల తేదీ..
వన్‌ప్లస్ 16 స్మార్ట్‌ఫోన్‌ తేదిని కంపెనీ త్వరలోనే విడుదల చేయబోతున్నట్లు ప్రకటించింది. దీనిని కంపెనీ అక్టోబర్‌ మొదటి వారంలో లాంచ్ చేసే ఛాన్స్‌లు ఉన్నట్లు తెలిపింది. దీనిని కంపెనీ మొదట చైనా మార్కెట్‌లోకి విడుదల చేసి, ఆ తర్వాత ఇతర దేశాలకు సంబంధించిన మార్కెట్‌లోకి అందుబాటులోకి తీసుకు వచ్చే అవకాశాలు ఉన్నట్లు తెలుస్తోంది.

వన్‌ప్లస్ 16 రంగు వేరియంట్లు..
వన్‌ప్లస్ 16 మొబైల్‌ను కంపెనీ టుమారోస్ స్టార్‌లైట్‌తో పాటు డార్క్ ఫారెస్ట్, మార్స్ మాస్టర్‌పీస్ అనే మూడు కలర్‌ ఆప్షన్స్‌లో అందుబాటులోకి తీసుకు వచ్చేందుకు సిద్ధమైంది. ఇందులోని మొదటి కలర్‌ మోడల్‌ చాలా ప్రత్యేకంగా ఉండబోతున్నట్లు తెలుస్తోంది. అంతేకాకుండా ఈ కలర్‌ పగటిపూట ఫోన్ సాధారణంగా కనిపించినా.. రాత్రిపూట మాత్రం చాలా అద్భుతంగా ఉంటుందని తెలుస్తోంది.

వన్‌ప్లస్ 16 స్పెసిఫికేషన్లు 
ఇటీవలే లీక్‌ అయిన వివరాల ప్రకారం.. వన్‌ప్లస్ 16 స్మార్ట్‌ఫోన్‌ ఎన్నో రకాల అద్భుతమైన ఫీచర్స్‌ను కలిగి ఉండబోతున్నట్లు తెలుస్తోంది.. వీటిలో చాలా వరకు వివిధ సర్టిఫికేషన్ల ద్వారా కూడా అందుబాటులోకి వచ్చాయి. టిప్‌స్టర్ అభిషేక్ యాదవ్, ఈ ఫోన్ విడుదలకు ముందే.. వివిధ స్పెసిఫికేషన్లన్నింటినీ లీక్‌ చేశారు..

వన్‌ప్లస్ 16 స్మార్ట్‌ఫోన్‌ BOE X4 డిస్‌ప్లేతో విడుదల కాబోతున్నట్లు తెలుస్తోంది. అంతేకాకుండా 165Hz రిఫ్రెష్ రేట్ సపోర్ట్‌తో కూడిన స్క్రీన్‌తో ఇది లాంచ్‌ కాబోతోంది. గేమింగ్‌ ప్రియుల కోసం ఇందులో స్నాప్‌డ్రాగన్ 8 ఎలైట్ జెన్ 6 ప్రో ప్రాసెసర్‌ను కూడా కలిగి ఉంటుంది. అలాగే గ్రాఫిక్స్ కోసం.. ఈ ఫోన్‌లో అడ్రెనో 850 GPUతో పాటు కలర్‌ఓఎస్ 17తో అందుబాటులోకి రాబోతోంది.. వన్‌ప్లస్ 16 స్మార్ట్‌ఫోన్‌ మోస్ట్ పవర్‌ఫుల్ 200MP ప్రధాన కెమెరాను కూడా కలిగి ఉండే అవకాశాలు ఉన్నట్లు తెలుస్తోంది. దీంతో పాటు అదనంగా 50MP అల్ట్రావైడ్ కెమెరా కూడా ఉన్నట్లు సమాచారం.. మూడవ సెన్సార్‌గా 50MP పెరిస్కోప్ జూమ్ కెమెరాతో అందుబాటులోకి రాబోతోంది.. ఇది మోస్ట్‌ పవర్‌ఫుల్ 9000mAh బ్యాటరీని కూడా కలిగి ఉంటుంది. అంతేకాకుండా  100W వరకు వైర్డ్ ఫాస్ట్ ఛార్జింగ్‌ సపోర్ట్‌తో లాంచ్‌ అవుతుంది.