దశాబ్దాల చీకట్లకు చెక్.. స్వాతంత్య్రం తర్వాత తొలిసారి కరెంట్ వెలుగులు.. ఈ దీపావళి నిజంగా స్పెషల్!

Diwali Miracle News: మన దేశానికి స్వాతంత్య్రం వచ్చి.. దశాబ్దాలు అవుతున్నప్పటికీ.. ఆధునిక ప్రపంచం సాంకేతిక విప్లవంతో ముందుకు దూసుకుపోతున్నా... ఇప్పటికీ చీకట్లోనే కాలం వెళ్లదీస్తున్న మారుమూల గిరిజన పల్లెలకు ఎట్టకేలకు అద్భుతమైన శుభవార్త అందింది. పశ్చిమ బెంగాల్‌తో పాటు ఆంధ్రప్రదేశ్‌లోని కొన్ని మారుమూల గ్రామాలు విద్యుత్ వెలుగులతో దీపావళి జరుపుకుంటున్నాయి.. దశాబ్దాల తరబడి కొనసాగిన చీకటి బతుకులకు ఇక వెలుగు లభించబోతోంది.. విద్యుత్ తీగలు ఆ గ్రామాలను తాకడంతో.. ఈ ఏడాది పండుగ ఆ గిరిజనుల జీవితాల్లో రెట్టింపు ఉత్సాహాన్ని నింపుతూ వస్తోంది. అయితే, ఈ పండగ సందర్భంగా వెలుగులు పొందిన గ్రామాలేవో? వీటికి సంబంధించిన పూర్తి వివరాలు ఇప్పుడు మనం తెలుసుకుందాం..

పశ్చిమ బెంగాల్‌లోని హుగ్లీ జిల్లా... చక్రా గ్రామానికి స్వాతంత్య్రం వచ్చిన తర్వాత మొట్టమొదటిసారిగా విద్యుత్ సౌకర్యం లభించడం విశేషం.. ఇప్పటివరకు కిరోసిన్ దీపాలతో పాటు వెలిగి వెలగని.. కొవ్వొత్తుల వెలుగుల్లోనే రాత్రులను గడిపిన 400 ఆదివాసీ కుటుంబాల ఇళ్లలో మొదటిసారిగా బల్బులు వెలిగాయి.. చీకట్లను వీడి ఇళ్లన్నీ విద్యుత్ వెలుగులతో నిండటంతో అక్కడి వారు మిఠాయిలు పంచుకుంటూ సంబరాలు చేసుకున్నారు. విద్యుత్ సరఫరా మొదలు కావడంతో చిన్నారుల చదువులకు తీవ్ర ఇబ్బందులు తొలగిపోయాయని అక్కడి గ్రామస్తులు చెబుతూ వస్తున్నారు. ఈ ఏడాది దీపావళి తమకు సరికొత్త ఆశలతో పాటు డబుల్ హ్యాపీనెస్‌ను అందించిందని వారు హర్షం వ్యక్తం చేస్తూ వస్తున్నారు.

అంతేకాకుండా ఆంధ్రప్రదేశ్‌లోని మన్యంలో కూడా కొన్ని గూడేల్లో దీపావళి వెలుగులు నిండాయి. అల్లూరి సీతారామరాజు జిల్లాలోని మారుమూల గూడెంలో నవంబర్ 4న మొట్టమొదటిసారిగా విద్యుత్ సరఫరా మొదలైందట.. కొండ కోనల మధ్య బయటి ప్రపంచానికి దూరంగా.. కటిక చీకట్లో జీవిస్తున్న గిరిజనులకు విద్యుత్‌ అంటే ఏమిటో తెలిసి వచ్చింది. కరెంట్‌ రాకతో గ్రామస్తులు ఆనందంగా ఉన్నారు. రాత్రి సమయాల్లో విషపురుగులతో పాటు వన్యప్రాణుల భయం నుంచి రక్షణ లభించడంతో పాటు.. మౌలిక వసతులకు ఈ అద్భుతమైన పరిణామం తొలి ముందడుగు అని స్థానికులు ఆనందం వ్యక్తం చేస్తూ వస్తున్నారు..

అయితే, మారుమూల అటవీ ప్రాంతాల్లో విద్యుత్ సౌకర్యం రావడం కేవలం బల్బులు వెలగడానికే పరిమితం కాదు.. ఇది గ్రామీణ విద్యాభివృద్ధికి.. మొబైల్ కనెక్టివిటీకి, ఆర్థిక కార్యకలాపాల విస్తరణకు బాటలు వేస్తుందని నిపుణులు తెలుపుతున్నారు.. తరతరాలుగా ఎదురుచూసిన ఆ గిరిజనుల నిరీక్షణ ఫలించి.. పండుగ వేళ వారి ఇళ్లల్లో వెలుగులు నిండటం నిజమైన అభివృద్ధికి నిదర్శనంగా నిలుస్తూ వస్తోంది..