Sarvapitru Amavasya 2026: సర్వపితృ అమావాస్య ఎప్పుడు..?. పితృ పక్షాల్లో ఈ రోజుకు ఉన్న ప్రాముఖ్యత ఏమిటంటే..?..
Pitru paksha pinda Pradhan: చాలా మంది అమావాస్య రోజున పిండ ప్రదానాలు చేస్తారు. ఈ రోజున పూర్వీకులకు చేసే దానాలు, శాంతులు మంచి ఫలితాలను ఇస్తాయని చెబుతుంటారు.
Sarvapitru Amavasya 2026 date tithi tradition: హిందూ సంప్రదాయాల్లో పితృ పక్షానికి అత్యంత ప్రాముఖ్యత ఉంది. ప్రస్తుతం సెప్టెంబర్ 26 నుండి ప్రారంభమై, అక్టోబర్ 10న సర్వ పితృ అమావాస్యతో ముగుస్తుంది. ఈ క్రమంలో 15 రోజుల పాటు పిండ ప్రదానాలుచేస్తారు. ముఖ్యంగా చనిపోయిన పూర్వీకులు ఈ పదిహేను రోజుల పాటు భూమిమీదకు వస్తారని వారికోసం పిండ ప్రదానాలు, తిలతర్పణాలు, దానాలు చేయాలని పండితులు చెబుతున్నారు.
సాధాణంగా నదీతీరాల్లో శ్రాద్దకర్మలు చేయడం వల్ల విశేషమైన శుభఫలితాలు కలుగుతాయని జ్యోతిష్యులు చెబుతుంటారు. చనిపోయిన వారి తిథి రోజున శ్రాధ్దకర్మలు చేయాలి. ఈసారి మనం అక్టోబరు 10న సర్వపితృ అమావాస్యను జరుపుకుంటాం. ఒకవేళ కుదరని వాళ్లు సర్వపితృ అమావాస్య రోజున కానీ పిండ ప్రదానాలు , శ్రాద్దకర్మలు చేయాలని పండితులు చెబుతుంటారు.
ఈరోజు భక్తితో మధ్యాహ్నం 12 తర్వాత పిండ ప్రదానం మొదలు పెట్టాలి.
తిలతర్పణాలు, దశదానాలు మొదలైనవి చేయాలి. శ్రాద్ద పిండాలను నదుల్లో వేయడం లేదా ఆవులకు పెట్టడం కానీ చేయాలి. మిగత రోజుల్లో కంటే సర్వ పితృ అమావాస్య రోజున చేసే పిండప్రదానం, దానాలు, తిలతర్పణంకు అత్యంత విశేషమైన పుణ్య ఫలం దక్కుతుందని జ్యోతిష్య పండితులు చెబుతుంటారు. అందుకే చాలా మంది సర్వ పితృ అమావాస్య రోజున శ్రాద్దకర్మలు చేస్తారు.
శాస్త్రాల ప్రకారం, ఈ రోజున బ్రాహ్మణులకు అన్నదానం చేస్తారు. పేదలకు దానధర్మాలు, పుణ్యకార్యాలు చేస్తారు. ఒకవేళ ఎవరైతే తమ పూర్వీకుల తేదీలు తెలియని వారికి ఆ రోజున శ్రాద్ధం సమర్పిస్తారు. చనిపోయిన పూర్వీకులు సూక్ష్మ రూపంలో వచ్చి భోజనం చేస్తారని చాలా మంది నమ్మకం.
ఈ రోజున ఆవులు, చీమలు, కుక్కలు, కాకులకు ఆహారం పెట్టాలి. ఈ రోజున పూర్వీకులకు అన్నదానం చేయడం ద్వారా వారి ఆత్మలకు శాంతి చేకూరుతుందని, వారి అనుగ్రహం వారి సంతానంకు మంచి ఫలితాలు కల్గుతాయని పండితులు అనాదీగా చెబుతుంటారు.
