Singareni Student Suicide: సింగరేణిలో షాకింగ్ ఘటన.. లైంగిక వేధింపులు ఇంటర్న్ విద్యార్థిని ఆత్మహత్య.!.

Singareni intern Engineer student commits suicide: కేంద్ర, రాష్ట్ర ప్రభుత్వాలు ఎన్ని కఠిన చట్టాలు తీసుకొచ్చిన కామాంధులు మాత్రం మారడంలేదు. ప్రతిరోజు అత్యాచారం ఘటనలు నిత్యం వార్తలలో ఉంటున్నాయి. ఈ క్రమంలో పసిపాపల నుంచి పండు ముసలి వరకు ప్రతి ఒక్కరు వేధింపులకు గురౌతున్న ఘటనలు నిత్యం వార్తలలో ఉంటున్నాయి. ఈ నేపథ్యంలో పెద్ద పల్లి జిల్లా గోదావరి ఖనిలో దారుణ ఘటన వెలుగులోకి వచ్చింది. లైంగిక వేధింపులతో సింగరేణి ఇంటర్న్ విద్యార్థిని ఆత్మహత్య చేసుకుంది.  ఈ ఘటన స్థానికంగా తీవ్ర వివాదంగా మారింది.

పెద్దపల్లి జిల్లా గోదావరిఖనిలో డిప్లొమా పూర్తి చేసి, ఈసెట్ ద్వారా ఉస్మానియాలో ఇంజనీరింగ్ సీటు సాధించి, ఇంటర్న్‌షిప్ కోసం ఈ ఏడాది సింగరేణి సంస్థలో  చేరింది. అయితే..అదే కాలేజీలో ఓవర్ మ్యాన్ రవికుమార్ ఆమెపై కన్నేశాడు. తరచుగా ఆమెను వేధింపులకు గురిచేస్తుండేవాడు. దీనిపై ఎన్నిమార్లు చెప్పిన అతను వేధింపులు ఆపలేదు. 

ఈ క్రమంలో కాలేజీ యాజమాన్యంకు చెప్పిన కూడా పట్టించుకోలేదు. దీంతో  యువతి సూపర్ వైజర్ రవికుమార్, నవీన్ ల వేధింపులకు తాళలేక పురుగుల మందు తాగి   ఆత్మహత్యకు పాల్పడింది. ఇది గమనించిన కాలేజీ సిబ్బంది ఆమెను ఆస్పత్రికి తరలించారు. ఈ క్రమంలో చికిత్స పొందుతూ యువతి దుర్మరణం చెందింది. ఈ ఘటనతో యువతి తల్లిదండ్రులు ఆస్పత్రికి చేరుకుని గుండెలు పగిలేలా రోదించారు. తన కూతురికి నవీన్ , రవీ కుమార్ లు వేధిస్తున్నారని చెప్పిన సిబ్బంది పట్టించుకోలేదన్నారు. ఈ క్రమంలో బాధితురాలి తండ్రి పోలీసులకు ఫిర్యాదు చేశాడు.

 అప్పటికే  రవి, నవీన్ లు ఇద్దరు పరారయ్యారు.  కేసు నమోదు చేసుకున్న పోలీసులు విచారణ చేపట్టారు. మరోవైపు బాధితురాలు చనిపోయే ముందు రాసిన సూసైడ్ నోట్ వెలుగులోకి వచ్చింది.  దానిలో తనను రవీకుమార్, నవీన్ లు ఏవిధంగా హింసించారో, వేధింపులకు గురిచేశారో రాసుకొచ్చింది. ఈ ఘటనతో దళిత సంఘాలన్ని సింగరేణి కాలేజీ వద్దకు చేరుకున్నాయి. 

విద్యార్థిని ఆత్మహత్యకు బాధ్యులైన సింగరేణి అధికారిపై చర్యలు తీసుకోవాలని కుటుంబ సభ్యులు, దళిత సంఘాల ఆధ్వర్యంలో కార్పొరేషన్ ఆఫీస్ రహదారిపై మృతదేహంతో బైఠాయించి ధర్నా చేపట్టాయి. ఈ ఘటనతో ఒక్కసారిగా ఆ ప్రాంతం తీవ్ర ఉద్రిక్తంగా మారింది.