SOCIAL MEDIA

Newsletter

PARTNER SITES
Select Language Select State

తెలంగాణలో మార్చి 18 నుంచి టెన్త్‌ పరీక్షలకు SSC బోర్డ్‌ షెడ్యూల్‌ విడుదల..

Telangana SSC Board: తెలంగాణలో పదో తరగతి వార్షిక పరీక్షలకు షెడ్యూల్‌ దాదాపుగా ఖరారయ్యింది. వచ్చే ఏడాది మార్చి 18వ తేదీ నుంచి నిర్వహించేందుకు పాఠశాల విద్యాశాఖ షెడ్యూల్‌ రూపొందించింది. అంతేకాదు ఫీజు చెల్లింపు సహా ఇతర అంశాలకు సంబంధించిన వివరాలను వెల్లడించింది.

Written By TA Kiran Kumar Sharma
Published: Nov 22, 2026, 07:17 IST | Updated: Nov 22, 2026, 07:22 IST
Image Credit: 10th Exams (Source/ZEE Telugu News)
Join

SSC Board Exam Schedule: తెలంగాణలో పదో తరగతి పరీక్షల వార్షిక షెడ్యూల్‌ను ఎస్ఎస్‌సీ బోర్డ్ వెల్లడించింది.  షెడ్యూల్‌ను అనుమతి కోసం  రాష్ట్ర ప్రభుత్వానికి పంపింది. ముఖ్యమంత్రి  రేవంత్‌రెడ్డి ఆమోదంతో త్వరలో అధికారికంగా షెడ్యూల్‌ను విడుదల చేయనున్నారు. ప్రధాన పరీక్షలు ఏప్రిల్‌ 10వ తేదీతో ముగుస్తాయి.

ఆరు సబ్జెక్టులు.. ఏడు పేపర్లు.. 
ప్రధాన పరీక్షల ప్రారంభం నుంచి ముగింపు వరకు 24 రోజుల సమయం ఉంది. పదో తరగతిలో ఆరు సబ్జెక్టులకు ఏడు పేపర్లు ఉండటంతో ఏడు రోజులు పరీక్షలు రాయాల్సి ఉంటుంది. విద్యార్థులపై ఒత్తిడి తగ్గించేందుకు సీబీఎస్‌ఈ తరహాలో పరీక్షల మధ్య వ్యవధిని గతేడాది పెంచారు. ఆ విధానాన్ని ఈ సారీ కొనసాగిస్తున్నారు.

పరీక్ష ఫీజు చెల్లించేందుకు ఫైన్‌ లేకుండా ఈ నెల 26 వరకూ గడువు  

పదో తరగతి పరీక్షలకు దాదాపు 5.25 లక్షల నుంచి 5.50 లక్షల మంది హాజరుకానున్నారు. ఆలస్య రుసుం లేకుండా పరీక్షల ఫీజు చెల్లించేందుకు ఈ నెల 26 వరకు గడువు ఉంది. అప్పటి ఫీజు చెల్లించవారికి అపరాధ రుసుముతో మరో వారం రోజులు గడువు ఇవ్వనున్నట్టు అధికారులు చెప్పుకొచ్చారు. మొత్తంగా అర్ధ వార్షిక పరీక్షలు దగ్గర పడుతున్న సమయంలోనే పదో తరగతి షెడ్యూల్ చేశారు. మరోవైపు పదో తరగతికి సంబంధించిన మరిన్ని కొత్త విధి విధానాలను త్వరలో ఖరారు చేయబోతున్నట్టు అధికారులు తెలిపారు.

 

Add Zee News as a Preferred Source
TAGS:

About the Author

కిరణ్ కుమార్ శర్మ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి  వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాల్లో ఎక్స్‌పర్ట్. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది.
Read More

ZEENEWS TRENDING STORIES