Yadagiri Gutta Temple: యాదగిరి గుట్టలో కుప్పకూలిన షెడ్లు.. పదిమందికిపైగా భక్తులకు తీవ్ర గాయాలు.. వీడియో..
Shed collapsed in yadagirigutta: కార్తీక మాసం ఉత్సవాల నేపథ్యంలో యాదాద్రి కొండపై ఏర్పాటు చేసిన టెంట్లు ఒక్కసారిగా బలమైన గాలులతో కుప్పకూలీపోయాయి. ఈ ఘటనలో పదిమందికి పైగా భక్తులు తీవ్రగాయాలపాలయ్యారు.
Shed collapsed tragedy in yadagirigutta Temple: యాదాద్రి భువనగిరి జిల్లా యాదగిరిగుట్ట కొండపై పెను విషాదం చోటు చేసుకుంది. కార్తీక మాసం సందర్భంగా ఆలయ అధికారులు ప్రత్యేకంగా భక్తుల కోసం ఐరన్ షెడ్డూల్ని ఏర్పాటు చేశారు. ఈ క్రమంలో దశమి నేపథ్యంలో యాదాద్రికి భారీగా భక్తులు తరలివచ్చారు. భారీగా ఈదురు గాలులు రావడంతో ఐరన్ షెడ్డు ఒక్కసారిగా కుప్పకూలీపోయింది. దీంతో క్యూలైన్ లో భక్తులు తీవ్రంగా గాయపడ్డారు. ఈ ఘటనతో కొండపై ఒక్కసారిగా గందరగోళ వాతావరణం తలెత్తింది.
పది మంది భక్తులు ఈ ఘటనలో తీవ్రంగా గాయపడ్డారు. వెంటనే అప్రమత్తమైన సిబ్బంది అంబులెన్స్ లను కు సమాచారం అందించారు. గాయపడ్డ భక్తులకు సపర్యలు చేశారు. క్షతగాత్రులను దగ్గరలోని ఆస్పత్రులకు తరలించారు.
ఈ ఘటనలో యాదాద్రి దర్శనాలకు వచ్చిన వారంతా భయాందోళనలకు గురయ్యారు. మరోవైపు బాధితుల కుటుంబ సభ్యులు తమ వారికి గాయాలు కావడంతో కన్నీళ్లు పెట్టుకున్నారు.ఈ ఘటనపై ఆలయ ఉన్నతాధికారులు విచారణకు ఆదేశించారు.