PMAY అర్బన్-1.0పై కేంద్రం బిగ్ అప్‌డేట్.. ఏపీలో 3.71 లక్షల ఇళ్లు రద్దు.. కారణం ఇదే!

AP PMAY urban houses cancelled: ప్రధానమంత్రి ఆవాస్ యోజన (PMAY - అర్బన్)-1.0 పథకం అమలుపై కేంద్ర ప్రభుత్వం కీలక స్పష్టతనిచ్చింది. ఆంధ్రప్రదేశ్ రాష్ట్రంలో 2024 కంటే ముందే మంజూరైనప్పటికీ.. ఇప్పటివరకు ఎలాంటి నిర్మాణాలు ప్రారంభించని దాదాపు 3.71 లక్షల గృహాలను రద్దు చేస్తున్నట్లు వెల్లడించింది.

ఏపీలోని ప్రధానమంత్రి ఆవాస్ యోజన అర్బన్ 1.0 పథకానికి సంబంధించి కేంద్రంలోని మోదీ ప్రభుత్వం కీలక స్పష్టతనిచ్చింది. రాష్ట్రంలో 2024 కంటే ముందు మంజురై.. ఇప్పటి వరకు ఎలాంటి నిర్మాణాలు ప్రారంభించని దాదాపు 3.71 లక్షల గృహాలను కేంద్రం రద్దు చేసింది. అయితే కేంద్రం తీసుకున్న ఈ అనూహ్య  నిర్ణయంతో తీవ్ర కలకలం రేపుతోంది. పీఎంఏవై అర్బన్ 1.0 స్కీమ్ గడువు వాస్తవానికి 2024 డిసెంబర్ తో ముగియాల్సి ఉంది. కానీ రాష్ట్రాల విజ్నప్తి మేరకు కేంద్ర ప్రభుత్వం ఈ గడువును ఇప్పటికే రెండు సార్లు పొడిగించింది. అయినా కూడా నిర్దేశిత తుది గడువును 2026 జులై నాటికి కూడా క్షేత్రస్థాయిలో ఎలాంటి నిర్మాణాలు చేపట్టకపోవడంతో కేంద్రం ఈ గ్రుహాలను రద్దు చేస్తున్నట్లుగా కేంద్రం స్పష్టం చేసింది.

కేంద్ర ప్రభుత్వం తీసుకున్న ఈ నిర్ణయంతో అప్రమత్తమైన ఏపీ సర్కార్..రద్దు చేసిన ఇళ్లపై పున పరిశీలన కోరుతూ.. కేంద్రానికి విజ్నప్తి చేసింది. రాష్ట్రంలో జియో ట్యాగింగ్ పూర్తయిన 1.27 లక్షల ఇళ్లను తిరిగి పునరుద్ధరించాలని ఏపీ కోరింది. మిగిలిన గ్రుహాలను కొత్తగా అమల్లోకి వచ్చిన పీఎంఏవై 2.0 పథకంలోకి మార్చాలని కేంద్రానికి విన్నవించినట్లుగా తెలుస్తోంది. ఈ అంశంపై కేంద్రం ఎలా స్పందిస్తుందనేది ప్రస్తుత రాష్ట్రంలో చర్చనీయాంశంగా మారింది.