Tirumala: భక్తులతో కిక్కిరిసిపోయిన తిరుమల.. సర్వదర్శనానికి ఏకంగా 30 గంటలు.. అసలు కారణం ఏమిటంటే..?..

Huge devotees crowd in Tirumala temple: తిరుమలలో ప్రస్తుతం భక్తులు రద్దీ కొనసాగుతుంది. ముఖ్యంగా వీకెండ్ లు, వరుసగా సెలవుల నేపథ్యంలో రద్దీ ఏమాత్రం తగ్గడంలేదు. ఈ క్రమంలో వైకుంఠం క్యూకాంప్లెక్స్ లు భక్తులతో నిండిపోయి, శిలాతోరణం వరకు క్యూలు కట్టారు. మరోవైపు  టీటీడీ ఇటీవల పెరిగిపోయిన రద్దీ నేపథ్యంలో 1 , 5 తేదీల్లో వీఐపీ దర్శనాలను రద్దు చేసింది. 

సామాన్య భక్తులకు ఎక్కువగా దర్శనాలు అయ్యేలా టీటీడీ ఈ విధంగా చర్యలు తీసుకుంది. తిరుమలలో ఎక్కడ చూసిన గోవింద నామస్మరణలతో భక్తులు గంటల కొద్ది క్యూలైన్ లలో వేచి ఉంటున్నారు. టీటీడీ సైతం.. భక్తులకు ఇబ్బందులు కలగకుండా.. శ్రీవారి సేవకులతో నిరంతరం తాగునీరు, అన్నప్రసాదంలను నిరంతరం అందిస్తుంది.  ఇకమంగళవారం ఒక్కరోజే 77,082 మంది భక్తులు స్వామివారిని దర్శించుకున్నట్లు టీటీడీ గణాంకాలు చెబుతున్నాయి. వీరిలో 34,039 మంది భక్తులు తలనీలాలు సమర్పించుకున్నారు.

 భక్తులు సమర్పించిన కానుకల ద్వారా శ్రీవారి హుండీ ఆదాయం రూ.4.22 కోట్లుగా నమోదైంది. భక్తుల రద్దీ దృష్ట్యా అందరూ సంయమనం పాటించి, టీటీడీ సిబ్బందికి సహకరించాలని అధికారులు ఒక ప్రకటనలో కోరారు.

అదే విధంగా చిన్నారులు, వృద్ధులతో తిరుమల దర్శనాలకు వచ్చే వారు తగిన జాగ్రత్తలు పాటించాలని టీటీడీ ఒక ప్రకటనలో కోరింది.  అదే విధంగా దర్శనాలు, వసతులపేరిట సదుపాయం కల్పిస్తామని.. గుర్తుతెలియని దళారులు, కొత్తవాళ్లను నమ్మి మోసపోవద్దని టీటీడీ అలర్ట్ జారీ చేసింది.