TDP సీనియర్ నేత మాజీ మంత్రి యనమల రామకృష్ణుడికి అస్వస్థత..

Ex AP Minister Yanamala Ramakrishnudu Health Update: గత కొంత కాలంగా అంతగా యనమల రామకృష్ణుడు తీవ్ర అనారోగ్యంతో బాధపడుతున్నారు. అందుకే ఈ సారి క్యాబినేట్‌లో ఆయనకు చోటు దక్కలేదు. మరోవైపు పార్టీ కార్యక్రమాలకు దూరంగా ఉంటున్న ఆయన అనారోగ్యం పాలు కావడంతో కుటుంబ సభ్యులు కాకినాడలోని ఓ ప్రైవేటు హాస్పిట‌ల్‌లో తరలించి వైద్యం అందిస్తున్నారు. మరోవైపు డాక్లర్లతో మాట్లాడి యమమల ఆరోగ్య పరిస్థితిని అడిగి తెలుసుకున్నారు సీఎం చంద్రబాబు నాయుడు.

ఆసుపత్రికి చేరుకున్న రాజ్యసభ ఎంపీ సానా సతీష్ బాబు...ఆయనకు అందుతున్న ట్రీట్‌మెంట్‌ను పర్యవేక్షిస్తున్నారు. ఆయన ఆరోగ్య పరిస్థితికి సంబంధించి వైద్యుల నుంచి హెల్త్ బులెటిన్ రావాల్సి ఉంది. యనమల రామకృష్ణుడు విషయానికొస్తే.. ఈయన 1983లో ఎన్టీఆర్ తెలుగు దేశం పార్టీ స్థాపించినప్పటి నుంచి పార్టీలో ఉంటూ పలు పదవులు పొందారు. అంతేకాదు ఎన్టీఆర్ మంత్రి వర్గంలో లా అండ్ మున్సిపల్ అడ్మినిస్ట్రేషన్ డెవలప్‌మెంట్ మినిస్టర్‌గా పనిచేశారు. 1985-89 వరకు ఎన్టీఆర్ మంత్రి వర్గంలో సహకార శాఖ మంత్రిగా పనిచేశారు.

14వ శాసన సభ స్పీకర్‌గా బాధ్యతలు..

1994లో 14వ శాసనసభకు ఉమ్మడి ఆంధ్ర ప్రదేశ్ స్వీకర్‌గా బాధ్యతలు నిర్వహించారు. ఎన్టీఆర్ ను ముఖ్యమంత్రి పదవీచ్యుతుడు అయ్యే సమయంలో ఆయనే స్పీకర్‌గా  ఉన్నారు. 1999-2004 మధ్య చంద్రబాబు నాయుడు మంత్రివర్గంలో  ఉమ్మడి ఆంధ్ర ప్రదేశ్ ఆర్ధిక , ప్రణాళిక, శాసన సభ వ్యవహారాల మంత్రిగా పనిచేశారు. 2013లో శాసన మండలి సభ్యుడిగా ఎన్నికయ్యారు. అంతేకాదు 2014 -2019 మధ్య  విభజిత ఆంధ్ర ప్రదేశ్‌లో చంద్రబాబు నాయుడు మంత్రివర్గంలో ఆర్ధిక, శాసనసభ వ్యవహారాల మంత్రిగా పనిచేశారు.