8th Pay Commission: కేంద్ర ఉద్యోగులకు భారీ గుడ్‌న్యూస్.. HRA వల్ల జీతం ఎంత పెరుగుతుందో తెలుసా?

8th Pay Commission:ప్రస్తుతం కేంద్ర ఉద్యోగులకు నగరాల కేటగిరీ ఆధారంగా HRA అందుతోంది. X కేటగిరీ నగరాల్లో 30 శాతం, Y కేటగిరీ నగరాల్లో 20 శాతం, Z కేటగిరీ నగరాల్లో 10 శాతం HRA ఉంది. ఉద్యోగ సంఘాలు ఈ రేట్లను పెంచాలని డిమాండ్ చేస్తున్నాయి.

నేషనల్ కౌన్సిల్-జాయింట్ కన్సల్టేటివ్ మెషినరీ (NC-JCM) X, Y, Z నగరాలకు వరుసగా 40 శాతం, 35 శాతం, 30 శాతం HRA ఇవ్వాలని కోరుతోంది. అయితే ఇవి ప్రస్తుతం కేవలం డిమాండ్లు మాత్రమే. ప్రభుత్వం ఇంకా తుది నిర్ణయం తీసుకోలేదు.

లెవల్-1 ఉద్యోగికి ఎంత పెరగొచ్చు?

ప్రస్తుతం లెవల్-1 ఉద్యోగి ప్రారంభ బేసిక్ జీతం రూ.18,000. X కేటగిరీ నగరంలో 30 శాతం HRA ప్రకారం రూ.5,400 వస్తుంది. ఒకవేళ 2.1 ఫిట్‌మెంట్ ఫ్యాక్టర్ అమలైతే బేసిక్ జీతం ఉదాహరణకు రూ.37,800 కావచ్చు. దీనిపై 30 శాతం HRA లెక్కిస్తే రూ.11,340 వస్తుంది. HRA 35 శాతానికి పెరిగితే రూ.13,230 అవుతుంది.

లెవల్-10 ఉద్యోగికి HRA ఎంత?

లెవల్-10 ఉద్యోగి ప్రస్తుత ప్రారంభ బేసిక్ జీతం రూ.56,100. ప్రస్తుతం X కేటగిరీ నగరంలో 30 శాతం HRA అంటే రూ.16,830. Y కేటగిరీలో రూ.11,220, Z కేటగిరీలో రూ.5,610 వస్తుంది. 2.57 ఫిట్‌మెంట్ ఫ్యాక్టర్‌ను ఉదాహరణగా తీసుకుంటే బేసిక్ జీతం రూ.1,44,177 కావచ్చు. దీనిపై 40 శాతం HRA లెక్కిస్తే రూ.57,671 వస్తుంది. అయితే రూ.57,671 అనేది ఖరారైన మొత్తం కాదు. ఇది కేవలం ఒక అంచనా మాత్రమే. 8వ వేతన సంఘం ఫిట్‌మెంట్ ఫ్యాక్టర్, HRA రేట్లపై ఇంకా తుది నిర్ణయం తీసుకోలేదు.

అందువల్ల ప్రస్తుతం 2.1, 2.28 లేదా 2.57 ఫిట్‌మెంట్ ఫ్యాక్టర్, అలాగే 40, 35, 30 శాతం HRA రేట్లను అంచనాలుగానే చూడాలి. తుది సిఫారసులు, ప్రభుత్వ ఆమోదం తర్వాతే కేంద్ర ఉద్యోగుల బేసిక్ జీతం, HRA, మొత్తం జీతంలో నిజంగా ఎంత మార్పు వస్తుందో స్పష్టమవుతుంది.

Also Read: మహిళలకు గుడ్ న్యూస్.. ఫెడ్ కీలక నిర్ణయం.. తగ్గిన బంగారం ధర.. నేడు సెప్టెంబర్ 19వ తేదీ ధరలివే..!!

Also Read: తాపీ మేస్త్రీకి 'డాక్టరేట్.. కష్టాలను జయించి ఉస్మానియాలో Phd సాధించిన వలిగొంగ నరసింహ..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి