Union minister kishan reddy meets with hero Prabhas: దేశంలో ఎక్కడ చూసిన కొంత మంది యువతీ, యువకులు మత్తులో పడి తమ జీవితాల్ని నాశనం చేసుకుంటున్నారు. సోషల్ మీడియాలో ఇటీవల ఇలాంటి ఘటనలు ఎక్కువగా వైరల్ గా మారుతున్నాయి. లిక్కర్, గంజాయి, డ్రగ్స్.. మొదలైన మత్తు పదార్థాల బారిన పడి ఎంతటి దారుణాలకైన వెను కాడటంలేదు.ఈ క్రమంలో దీనిపై కేంద్రం ఉక్కుపాదం మోపుతుంది. దీనిలో భాగంగానే నషాముక్త్ భారత్ కార్యక్రమంను తీసుకొచ్చింది. దీన్ని ఎంతో ప్రతిష్టాత్మకంగా తీసుకొచ్చిన ప్రజల్లో అవగాహన కల్పిస్తుంది. దీనిలో భాగంగా కేంద్ర మంత్రి ఇటీవల వరుసగా టాలీవుడ్ హీరోలతో భేటీ అయ్యారు. ఈ కార్యక్రమంకు తమ మద్దతు ప్రకటించాలని కోరారు.
Union Minister Kishan Reddy met India's biggest superstar #Prabhas and invited him to support the Centre's nationwide campaign against drug abuse. https://t.co/TMGYsNRjdD
— Prabhas Bookings (@BookingsPrabhas) November 22, 2026
కేంద్ర మంత్రి కిషన్ రెడ్డి హీరో ప్రభాస్ ఇంటికి వెళ్లి ఆయనతో భేటీ అయ్యారు. డ్రగ్స్ నిర్మూలన కోసం కేంద్రం ఎంతో ప్రతిష్టాత్మకంగా చేపట్టిన నషాముక్త్ భారత్ కార్యక్రమానికి తమ మద్దతు ఇవ్వాలని కోరారు. అంతే కాకుండా..ఈ నెలలో జరిగే నషాముక్త్ భారత్ కార్యక్రమంకు రావాలని కోరారు. దీనిలో భాగంగా హీరో ప్రభాస్ తో కలిసి , కేంద్ర మంత్రి కిషన్ రెడ్డి కార్యక్రమంపై ప్రత్యేక టీషర్ట్లను ఆవిష్కరించారు.
ఈ నెల 25, 26, 27 తేదీల్లో హైదరాబాద్ లో నషాముక్త్ భారత్ కార్యక్రమం జరగనుంది. ఇందులో భాగస్వాములు కావాలని వివిధ రంగాల ప్రముఖులను ఇప్పటికే రావాలని కేంద్ర మంత్రి కిషన్ రెడ్డి ఆహ్వనించిన విషయం తెలిసిందే. చిరంజీవి, నాగార్జున, సుకుమార్, బోయపాటి శ్రీను, వెంకటేష్ లను కూడా కలిసి ఈ కార్య క్రమంలో హజరు కావాలని కోరారు. నషాముక్త్ భారత్ కార్యక్రమంలో పాల్గొని డ్రగ్స్ వ్యతిరేక ప్రచారానికి మద్దతు ఇవ్వాలని కేంద్ర మంత్రి కిషన్ రెడ్డి కోరారు.