ఈ రోజు Gold కొనొచ్చా? నేటి పసిడి ధరల్లో ఊహించని మార్పులు.. తులం బంగారం ఎంతంటే?

Gold Rate Today:  భారత బులియన్ మార్కెట్లో బంగారం ధరలు హెచ్చుతగ్గులకు లోనవుతున్నట్లు మనం గమనించవచ్చు. సోమవారం, మంగళవారాల్లో భారీగా తగ్గిన బంగారం ధర.. బుధవారం ఓ మోస్తరు స్థాయిలో పెరిగింది. ఫెడ్ వడ్డీ రేటు పెంపు అవకాశాలు ఉన్నా.. కొనుగోళ్లు మాత్రం కాస్త పెరగడంతో ధరలు ఓ స్థాయిలో పెరిగాయి. నేడు అక్టోబర్ 1వ తేదీ గురువారం హైదరాబాద్ బులియన్ మార్కెట్లో 24 క్యారెట్ల 10 గ్రాముల బంగారం ధర రూ. 1,49,580గా ట్రేడ్ అవుతోంది. 22 క్యారెట్ల బంగారం ధర రూ. 1,37,110 వద్ద ఉంది. 18 క్యారెట్ల గోల్డ్ రేట్ రూ. 1,12,190 పలుకుతోంది. ఇక నగరంలో కిలో వెండి ధర ప్రస్తుతం రూ. 2,45,100 పలుకుతోంది.

బంగారం ధరల ధోరణులను అర్థం చేసుకోవడానికి మూడు కీలక అంశాలు చాలా ముఖ్యమైనవి. అవి డాలర్ విలువ, యూఎస్ బాండ్ల రాబడులు, వడ్డీ రేట్లపై యూఎస్ ఫెడరల్ రిజర్వ్ వైఖరి. పెరుగుతున్న యూఎస్ బాండ్ల రాబడుల కారణంగా డాలర్ బలపడినప్పుడు, పెట్టుబడిదారులు బంగారం కంటే ఇతర పెట్టుబడి మార్గాలను మరింత ఆకర్షణీయంగా ఉన్నాయని చెప్పాలి. ఇది బంగారం ధరలపై ఒత్తిడిని పెంచే అవకాశం ఉంది.

బులియన్ మార్కెట్  నిపుణులు తెలిపిన వివరాల  ప్రకారం.. యూఎస్ ఫెడరల్ రిజర్వ్ వడ్డీ రేట్ల నిర్ణయాల ప్రభావాన్ని మార్కెట్ ప్రస్తుతం అంచనా వేస్తోంది. సెప్టెంబర్ 16న ఫెడ్ వడ్డీ రేట్లను 3.75శాతం–4.00శాతానికి పెంచుతుందని అంచనా వేస్తున్నారు. గత మూడేళ్లలో ఇది మొదటి పెంపు అవుతుందని చెప్పాలి.  అంతేకాకుండా, పెరుగుతున్న ముడి చమురు ధరలు,  భౌగోళిక రాజకీయ ఉద్రిక్తతలు ద్రవ్యోల్బణంపై ఆందోళనలను పెంచాయి. పెరుగుతున్న ద్రవ్యోల్బణం గురించిన భయాలు, వడ్డీ రేట్లు, బాండ్ల రాబడులకు సంబంధించి మార్కెట్ అంచనాలను మార్చి, బంగారం ధరలను ప్రభావితం చేసే అవకాశం ఉంటుందని మార్కెట్ నిపుణులు అంచనా వేస్తున్నారు.

బంగారం ధరలు... తగ్గుతాయా? లేక పెరుగుతాయా?

మరోవైపు, పండుగ సీజన్ కారణంగా, ప్రజలు ఇప్పుడు బంగారం కొనుగోలుపై అధిక ఆసక్తిని కనబరుస్తున్నారు. ప్రస్తుత తగ్గుతున్న ధరల కారణంగా ప్రజలు బంగారం కొనుగోలుపై ఎక్కువ ఆసక్తి చూపే అవకాశం ఉందని నగల దుకాణాల యజమానులు సంతోషంగా చెబుతున్నారు. చాలా కాలం తర్వాత బంగారం ధర రూ. 1.5 లక్షల కంటే తక్కువకు పడిపోవడం ఇదే మొదటిసారి. బంగారం ధరలు తగ్గుతుండటాన్ని చూసి, నగల దుకాణాల యజమానులు సానుకూల దృక్పథాన్ని వ్యక్తం చేస్తున్నారు. ప్రజలు మళ్లీ నగల దుకాణాలకు వస్తారని వారు అంచనా వేస్తున్నారు. ధరలు తక్కువగా ఉన్నందున, ప్రజలు, ముఖ్యంగా కుటుంబంలో పెళ్లిళ్లు ఉన్నవారు, ఇప్పుడు బంగారు ఆభరణాలు కొనడానికి ఆసక్తి చూపవచ్చు. అలాగే, చాలా మంది పెట్టుబడి ప్రయోజనాల కోసం భౌతిక బంగారాన్ని కొనుగోలు చేస్తారు. తగ్గుతున్న ధరల వల్ల వారు కూడా ప్రయోజనం పొందే అవకాశం ఉంది.