దసరా అడ్వాంటేజ్‌ను క్యాష్ చేసుకుంటున్న జైలర్ 2, రణబాలి..

Jailer 2 Ranabaali Box Office Rampage: విజయదశమి కానుకగా  బరిలో దిగిన రజినీకాంత్ ‘జైలర్ 2’, విజయ్ దేవరకొండ ‘రణబాలి’ చిత్రాలు రెండు వారంలోకి ఎంట్రీ ఇచ్చాయి. మొదటి వారం రెండు చిత్రాలు  బాక్సాఫీస్ దగ్గర రఫ్పాడించాయి. జైలర్ 2 సినిమా తెలుగులో ఏకంగా బ్రేక్ ఈవెన్ పూర్తి చేసుకుంది. అంతేకాదు ప్రపంచ వ్యాప్తంగా రూ. 304 కోట్ల షేర్ (రూ. 600 కోట్ల గ్రాస్ ) వసూళ్లను రాబట్టాయి. ఓవరాల్‌గా ‘జైలర్ 2’ మూవీ ఎనిమిది రోజుల్లో బ్రేక్ ఈవెన్ పూర్తి చేసుకొని లాభాల్లో ఎంట్రీ ఇచ్చింది. మొత్తంగా రజినీకాంత్ .. చొక్కా నలగకుండా ఈజీగా రూ. 600 రాబట్టాడరు.

ఇక విజయ్ దేవరకొండ హీరోగా నటించిన పీరియాడిక్ బ్యాక్ డ్రాప్ మూవీ ‘రణబాలి’ కూడా రూ. 80 కోట్ల గ్రాస్ (రూ. 42 కోట్ల షేర్)తో ఈ సినిమా మిక్స్‌డ్ టాక్‌తో బ్రేక్ ఈవెన్ పూర్తి చేసుకున్నట్టు ట్రేడ్ వర్గాలు చెబుతున్నాయి. మొత్తంగా దసరా కానుకగా విడుదలైన ఈ రెండు చిత్రాలు ఇపుడు రెండో వారంలో కూడా బాక్సాఫీస్ దగ్గర వసూళ్లను రాబట్టడం విశేషం. ఈ నేపథ్యంలో ఈ రోజు అనంతరపురంలో గ్రాండ్ థ్యాంక్స్ మీట్ నిర్వహిస్తున్నారు.

ఈ వారం రేసులో లేని బడా చిత్రాలు.. 
ఈ వారం బాక్సాఫీస్ రేసును చూసుకుంటే.. పెద్దగా పోటీనిచ్చే చిత్రాలేవి విడుదల కాలేదు. దాంతో రణబాలి, జైలర్ 2లకు మరో వారం పాటు కలెక్షన్స్ రాబట్టుకునే ఒక సూపర్ అడ్వాంటేజ్ దొరికినట్లు అయింది.

ఈ శుక్రవారం  మైత్రీ మూవీ మేకర్స్ నిర్మించిన ‘418’ సినిమా రిలీజ్ అవ్వగా..  కోర్ట్ హీరోయిన్ శ్రీదేవి నటించిన ‘హైకు’ అనే చిన్న సినిమాతో  పాటు ‘జయహో రామానుజా’ సినిమా  కూడా థియేటర్లలోకి రాబోతుంది. ఈ సినిమాలు మినహా పెద్ద ఆప్షన్స్ లేకపోవడంతో.. పండుగ సినిమాల థియేటర్స్ కౌంట్ ఎక్కడా తగ్గే ఛాన్స్ అయితే కనిపించడం లేదు. మొత్తానికి ఎలాంటి అడ్డంకుల్లేకుండా ఈ వీకెండ్ బాక్సాఫీస్ దగ్గర పూర్తిగా దసరా సినిమాల హవానే కొనసాగబోతోన్నట్టు తెలుస్తుంది.