SOCIAL MEDIA

Newsletter

PARTNER SITES
Select Language Select State

Diviki Diviki Song: లంగాఓణీల్లో కీర్తి సురేష్, కృతి శెట్టి అదిరిపోయే స్టెప్పులు.. అనిల్ రావిపూడి సినిమా నుంచి 'డివికి డివికి' పాట రిలీజ్!

Diviki Diviki Song Released అనిల్ రావిపూడి దర్శకత్వంలో వెంకటేష్, నందమూరి కల్యాణ్ రామ్ కలిసి నటిస్తున్న 'జనవరి 12 విడుదల' సినిమా నుంచి తొలి పాట 'డివికి డివికి' విడుదలైంది. అనిల్ రావిపూడి దర్శకత్వంలో తెరకెక్కుతున్న ఈ చిత్రంలో కీర్తి సురేష్, కృతి శెట్టి పండుగ వాతావరణంలో ఆకట్టుకునే డ్యాన్స్ చేశారు. జీవీ ప్రకాష్ కుమార్ సంగీతం అందించిన ఈ సినిమా 2027 సంక్రాంతికి థియేటర్లలో సందడి చేయనుంది.

Written By Harish Darla
Published: Nov 21, 2026, 12:54 IST | Updated: Nov 21, 2026, 15:07 IST
Join

Diviki Diviki Song Released: తెలుగు ప్రేక్షకులకు సంక్రాంతి వినోదాన్ని ముందుగానే పరిచయం చేస్తూ దర్శకుడు అనిల్ రావిపూడి తన తదుపరి సినిమా 'జనవరి 12 విడుదల' మ్యూజికల్ ప్రమోషన్స్‌ను ప్రారంభించారు. విక్టరీ వెంకటేష్, నందమూరి కల్యాణ్ రామ్ తొలిసారి కలిసి నటిస్తున్న ఈ మల్టీస్టారర్‌పై ఇప్పటికే మంచి అంచనాలు నెలకొన్నాయి. తాజాగా ఈ సినిమా నుంచి 'డివికి డివికి' అనే తొలి పాట పూర్తి లిరికల్ వీడియోను చిత్రబృందం విడుదల చేసింది.

పండుగ సంబరాలు, కుటుంబ అనుబంధాలు, తోడికోడళ్ల మధ్య సరదా క్షణాలను ప్రతిబింబించేలా ఈ పాటను రూపొందించారు. ఇందులో కీర్తి సురేష్, కృతి శెట్టి సంప్రదాయ లంగా ఓణీల్లో కనిపిస్తూ తమ డ్యాన్స్‌తో ఆకట్టుకున్నారు. రంగురంగుల సెట్లు, పూల అలంకరణలు, పండుగ వాతావరణం, ఉత్సాహభరితమైన కొరియోగ్రఫీ పాటకు ప్రత్యేక ఆకర్షణగా నిలిచాయి. మహిళలు, యువతను దృష్టిలో పెట్టుకుని రూపొందించిన ఈ గీతం సినిమాపై ఆసక్తిని మరింత పెంచుతోంది.

ఈ పాటకు సంగీత దర్శకుడు జి.వి. ప్రకాష్ కుమార్ తనదైన స్టైల్లో పెప్పీ ట్యూన్, ఫోక్ బీట్‌లను మేళవించారు. అనంత శ్రీరామ్ అందించిన సాహిత్యానికి మధుప్రియ, అశ్విని తమ గాత్రాలతో అందమైన రూపాన్ని తీసుకొచ్చారు. పాటలోని సంగీతం, డ్యాన్స్, విజువల్స్ కలిసి సంక్రాంతి వేడుకను గుర్తు చేసేలా ఉన్నాయి.

'జనవరి 12 విడుదల' సినిమాను షైన్ స్క్రీన్స్ బ్యానర్‌పై సాహు గారపాటి నిర్మిస్తున్నారు. సురేష్ ప్రొడక్షన్స్, జీ స్టూడియోస్ ఈ చిత్రాన్ని సమర్పిస్తున్నాయి. 'బావ బామ్మర్ది సౌజన్యంతో' అనే ఆసక్తికరమైన ట్యాగ్‌లైన్‌తో తెరకెక్కుతున్న ఈ సినిమాలో వెంకటేష్, కల్యాణ్ రామ్ పాత్రలు ప్రేక్షకులకు నవ్వులు పంచనున్నాయి. వెంకీ కామెడీ టైమింగ్, కల్యాణ్ రామ్ ఎనర్జీ, అనిల్ రావిపూడి వినోదాత్మక దర్శకత్వం ఈ ప్రాజెక్టుకు ప్రధాన బలాలుగా భావిస్తున్నారు.

సంక్రాంతి సినిమాల పోటీకి ముందుగానే పాటల ప్రచారం ప్రారంభించిన ఈ చిత్రబృందం, తొలి సింగిల్‌తో ప్రేక్షకుల్లో మంచి క్రేజ్‌ను సృష్టిస్తోంది. 2027 జనవరి 12న ప్రపంచవ్యాప్తంగా థియేటర్లలో విడుదల కానున్న ఈ ఫ్యామిలీ ఎంటర్‌టైనర్ బాక్సాఫీస్ వద్ద ఎలాంటి మ్యాజిక్ చేస్తుందో చూడాలి.

Add Zee News as a Preferred Source
TAGS:

About the Author

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నాకు 8 ఏళ్ల అనుభవం ఉంది. ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నాను. గతంలో ప్రముఖ మీడియా సంస్థల్లో పనిచేశాను.
Read More

ZEENEWS TRENDING STORIES