Paranshala: పర్ణశాల నుంచి జిమ్ జిమ్ తార పూర్తి పాట విడుదల.. సోషల్ మీడియాలో మళ్లీ వైరల్!

Paranshala: జిమ్ జిమ్ తార పాటకు ప్రేక్షకుల నుంచి మంచి స్పందన వస్తోంది. పూర్తి పాట విడుదల కాకముందే దీనికి సంబంధించిన వీడియోలు, బాణీ సోషల్ మీడియాలో విస్తృతంగా ప్రచారంలోకి వచ్చాయి. చాలామంది ఈ పాటను ఉపయోగించి రీల్స్, వీడియోలు రూపొందించారు. కొందరు సెలబ్రిటీలు కూడా తమ సోషల్ మీడియా కంటెంట్‌లో ఈ పాటను ఉపయోగించడం విశేషం. దీంతో ఈ పాటకు మరింత గుర్తింపు లభించింది.

తాజాగా పూర్తి పాట విడుదల కావడంతో నెటిజన్లు మరోసారి దీనిపై దృష్టి పెట్టారు. పాటకు వస్తున్న స్పందన చిత్ర బృందంలో ఆనందాన్ని నింపుతోంది. ఈ పాట సినిమా ప్రచారానికి కూడా ఉపయోగపడుతోంది. పాటకు లభిస్తున్న ఆదరణతో పర్ణశాల సినిమాపై ప్రేక్షకుల్లో ఆసక్తి పెరుగుతోంది.

ఈ సందర్భంగా దర్శకుడు వై.జి. భరత్ తన ఆనందాన్ని వ్యక్తం చేశారు. జిమ్ జిమ్ తార పాటను రాసి, పాడిన జి. లక్ష్మిదేవికి ప్రేక్షకుల నుంచి మంచి స్పందన రావడం సంతోషంగా ఉందని తెలిపారు. పూర్తి పాటను ఆదిత్య మ్యూజిక్ ద్వారా అధికారికంగా విడుదల చేయడం ఆనందంగా ఉందన్నారు. ఇకపై కూడా ప్రేక్షకులు ఈ పాటను ఆదరిస్తారని ఆశిస్తున్నట్లు పేర్కొన్నారు.

 
ఎస్‌ఎల్‌టీ ఫిలిమ్స్ బ్యానర్‌పై ఈ సినిమా రూపొందుతోంది. మంచి వెంకట్ నిర్మాతగా వ్యవహరిస్తుండగా, వై.జి. భరత్ దర్శకత్వం వహిస్తున్నారు. హారర్ కామెడీతో పాటు సస్పెన్స్ థ్రిల్లర్ అంశాలను కూడా ఈ సినిమాలో చూపించనున్నారు. ప్రేక్షకులకు కొత్త అనుభూతిని అందించేలా చిత్రాన్ని తెరకెక్కిస్తున్నారు.

వినూత్న ప్రచార కార్యక్రమాలతో ఇప్పటికే వార్తల్లో నిలుస్తున్న పర్ణశాల సినిమాకు జిమ్ జిమ్ తార పాట మరింత ప్రచారాన్ని తీసుకొస్తోంది. సోషల్ మీడియాలో ఈ పాటకు వస్తున్న ఆదరణ సినిమా మీద అంచనాలను పెంచుతోంది. మరి ఈ పాటకు థియేటర్లలో ఎలాంటి స్పందన వస్తుంది? సినిమా ప్రేక్షకులను ఎంతవరకు ఆకట్టుకుంటుంది? అనేది చూడాలి.

Read More: Mamitha Baiju Dating: టాలీవుడ్ యంగ్ హీరోతో మమితా బైజు ప్రేమాయణం..డిసెంబరులో పెళ్లికి లగ్గం..?

Read More: Ranabaali First Review: కత్తెర పడలేదు.. యూఏ సర్టిఫికెట్ వచ్చేసింది.. రణబాలి గురించి సెన్సార్ ఏమనిందంటే!