పాకిస్థాన్, తుర్కియేలకు హౌతీ రెబల్స్ ఓపెన్ వార్నింగ్!

Houthi Rebels Warn Pakistan And Turkiye: పచ్చిమాసియాలో ఉద్రుక్తతలు మరోసారి పరాకాష్టానికి చేరుకున్నాయని భావించవచ్చు.. యమన్‌కు చెందిన హౌతీ రెబల్స్ సౌదీ అరేబియాపై దాడులను తీవ్రతను చేసిన నేపథ్యంలో.. ఇతర ముస్లిం దేశాలకు గట్టి హెచ్చరికలు జారీ చేశారు.. సౌదీ అరేబియా వ్యవహారాల్లో జోక్యం చేసుకుంటే తీవ్రమైన పరిణామాలు ఉంటాయని పాకిస్తాన్తో పాటు తుర్కియేలను నేరుగా హౌతీ రెబల్స్ హెచ్చరించారు. ఒకవేళ ఆ రెండు దేశాలు సౌదీకి మద్దతుగా తమ సైనిక బలగాలను రంగంలోకి దించితే ప్రతీకార దాడులు తప్పకుండా ఉంటాయని తేల్చి చెప్పారు..

హౌతీ రెబల్స్ పాలనలో ఉన్న ధమార్ ప్రావిన్స్ గవర్నర్ అహ్మద్ ఆల్ బుకైటి ఈ మేరకు అధికారిక ఒక ప్రకటన విడుదల చేస్తూ ఘాటుగా స్పందించారు.. సౌదీ అరేబియా విషయంలో పాకిస్తాన్ తో పాటు తుర్కియేలు అనవసరంగా తల దూర్చవద్దన్నారు. అంతేకాకుండా తమ పోరాటంలోకి మధ్యవర్తులుగా వచ్చిన.. లేదా సౌదీకి అండగా సైన్యం మొహరించిన వారిని ఉక్కు పిడికిలితో అణచివేస్తామని.. వారి సైనిక సత్తా ఏమిటో చూపించి.. ఆ రెండు దేశాలకు తగిన గుణపాఠం నేర్పిస్తామంటూ.. బుకైటి స్పష్టం చేశారు..

ఈ హెచ్చరిక వెనక సౌదీ రాజధాని రియాద్‌పై జరిగిన తాజా దాడులను నేపథ్యం ఉంది.. అంతకుముందు రోజు హౌతీ రెబల్స్ రియాద్ను లక్ష్యంగా చేసుకొని బాలిస్టిక్ క్షిపణులతో పాటు ఆత్మాహుతి ద్రోణులతో విరుచుకుపడ్డారు. ఈ దాడుల తర్వాత సౌదీ అరేబియా కు రక్షణ కల్పించేందుకు సాంప్రదాయ మిత్రులు దేశాలైన పాకిస్తాన్ తో పాటు తుర్కియేలు తమ దళాలను పంపే అవకాశాలు ఉన్నాయన్న సంకేతాలు అందడంతో అప్రమత్తమైన హౌతీ రెబెల్స్ ముందుగానే బహిరంగ హెచ్చరిక జారీ చేయడం విశేషం..

సౌదీ అరేబియాతో పాకిస్తాన్‌కు ఎన్నో ఏళ్లుగా బలమైన సైనిక, రక్షణ సంబంధాలు ఉన్నాయి. గతంలోనూ సౌదీ సరిహద్దు రక్షణ కోసం పాక దళాలు సేవలందించాయి.. మరోవైపు, ప్రాంతీయంగా బలమైన శక్తిగా ఎదిగేందుకు ప్రయత్నిస్తున్న తుర్కియే కూడా గల్ఫ్ భద్రతలో క్రియాశీలక పాత్ర పోషిస్తున్న సంగతి తెలిసిందే. అయితే, ఇప్పుడు ఈ తిరుగుబాటుదారులు ఏకంగా ఈ రెండు సైనిక శక్తులనే హెచ్చరించడం అంతర్జాతీయ దౌత్య వర్గాల్లో తీవ్ర చర్చనీయాంశంగా మారింది.. ఒకవేళ ఇస్లామా బాధతో పాటు అహంకార ఈ అంశంపై దూకుడుగా వ్యవహరిస్తే..యెమెన్ యుద్ధ సంక్షోభం మరింత విస్తరించి పూర్తిస్థాయి అంతర్జాతీయ యుద్దంగా మారే ప్రమాదం ఉందని విశ్లేషకులు సైతం భావిస్తూ వస్తున్నారు..