Rajasthan: వామ్మో.. స్కూల్ బస్సులో శ్వేత నాగు కలకలం.!. భయపడిపోయిన విద్యార్థులు.!.

5 foot long snake found in school bus in pali rajasthan: ఇటీవల పాములు ఎక్కువగా జనావాసాల్లోకి వస్తున్నాయి. ఎలుకలు, గుబురుగా చెట్లు, చెరువులు ఉన్న చోట కోబ్రాలు ఎక్కువగా ఉంటాయి. పాములతో చాలా జాగ్రత్తగా ఉండాలని నిపుణులు తరచుగా చెబుతుంటారు. ఏ మాత్రం అజాగ్రత్తగా ఉన్నాకూడా కోబ్రా కాటుకు గురౌతారు.

 ఈ నేపథ్యంలో పాములు కొన్నిసార్లు కార్ లు, వాహనాలు, బైక్ లు, షూస్ లలో కూడా దూరి దాక్కుంటాయి. చీకటిగా ఉండే ప్రదేశాల్లో కూడా ఆవాసం చేస్తాయి. ఈ నేపథ్యంలో పాలిలోని రాజస్తాన్ లో షాకింగ్ ఘటన వెలుగులోకి వచ్చింది. 

రాజస్థాన్‌లోని పాలి జిల్లాలో ఈ ఘటనచోటు చేసుకుంది. స్థానికంగా ఒక ప్రైవేట్ పాఠశాల బస్సులో విద్యార్థులు రోజులాగే తమ స్కూల్ కు వెళ్తున్నారు. ఇంతలో డ్రైవర్ బస్సులో 5 అడుగుల తెల్ల పామును చూశాడు. వెంటనే కంగారు పడకుండా బస్సును ఒక పక్కకు ఆపాడు.

ఆ తర్వాత స్నేక్ క్యాచర్ కు సమాచారం అందించాడు. దీంతో రంగంలోకి దిగిన స్నేక్ రెస్క్యూయర్ హనే సింగ్ పామును చాకచక్యంగా పట్టుకున్నాడు. ఆ తర్వాత దాన్ని దగ్గరలోని అటవీ ప్రాంతంలో విడిచిపెట్టాడు. పెద్దప్రమాదం నుంచి బైటపడటంతో బస్సులో ఉన్న విద్యార్థులు అరుపులు, కేకలు పెట్టారు. ఈ ఘటన ప్రస్తుతం వార్తలలో నిలిచింది.