SOCIAL MEDIA

Newsletter

PARTNER SITES
Select Language Select State

8th Pay Commission Update: 8వ వేతన సంఘం లేటెస్ట్ అప్‌డేట్.. రిటైర్డ్ ఉద్యోగులకు కనీస పెన్షన్ రూ.45,000 పెంచాలని డిమాండ్!

8th Pay Commission Pension Update: 8వ వేతన సంఘం ముందు కేంద్ర ప్రభుత్వ పెన్షనర్ల సంఘాలు కీలక ప్రతిపాదనలు ఉంచాయి. చివరి మూల వేతనంలో 67 శాతం పెన్షన్, కనీస పింఛను రూ. 45,000, కుటుంబ పింఛను 50 శాతానికి పెంచాలని భారత్ పెన్షనర్స్ సమాజ్ కోరింది. ఇవి ప్రస్తుతం డిమాండ్లు మాత్రమే. తుది ప్రయోజనాలు కమిషన్ సిఫార్సులు, కేంద్ర ప్రభుత్వ ఆమోదంపై ఆధారపడి ఉంటాయి.

Written By Harish Darla
Published: Nov 20, 2026, 14:56 IST | Updated: Nov 20, 2026, 14:59 IST
Join

8th Pay Commission Pension Update: కేంద్ర ప్రభుత్వ ఉద్యోగులు, రిటైర్డ్ సిబ్బంది, పెన్షనర్లకు సంబంధించిన ప్రయోజనాలపై 8వ వేతన సంఘం (8th Pay Commission) కసరత్తు కొనసాగుతోంది. ఈ నేపథ్యంలో పెన్షనర్ల ఆర్థిక భద్రతను మెరుగుపరిచేందుకు భారత్ పెన్షనర్స్ సమాజ్ కీలక ప్రతిపాదనలు సమర్పించింది. ముఖ్యంగా పెరుగుతున్న ధరలు, వైద్య ఖర్చులు, పదవీ విరమణ తర్వాత ఆదాయ అవసరాలను దృష్టిలో ఉంచుకుని పింఛను మొత్తాన్ని పెంచాలని కోరింది.

పెన్షనర్ల సంఘం ప్రధానంగా మూడు డిమాండ్లు చేసింది. ఉద్యోగి చివరిగా పొందిన మూల వేతనంలో ప్రస్తుతం 50 శాతంగా ఉన్న సాధారణ పెన్షన్‌ను 67 శాతానికి పెంచాలి. కనీస నెలవారీ పెన్షన్ రూ. 45,000గా నిర్ణయించాలి. అలాగే కుటుంబ పెన్షన్‌ను చివరి మూల వేతనంలో 30 శాతం నుంచి 50 శాతానికి పెంచాలని ప్రతిపాదించింది. ఈ మార్పులు అమలైతే రిటైర్డ్ ఉద్యోగులు, వారి కుటుంబాలకు ఆర్థికంగా మరింత ఊరట లభించవచ్చని సంఘం అభిప్రాయపడుతోంది.

ఉదాహరణకు, చివరి మూల వేతనం రూ. 44,900 ఉన్న ఉద్యోగికి ప్రస్తుతం 50 శాతం లెక్కన రూ. 22,450 ప్రాథమిక పెన్షన్ వస్తుంది. ప్రతిపాదిత 67 శాతం రేటు అమలైతే అది సుమారు రూ. 30,083కు చేరుతుంది. అంటే నెలకు దాదాపు రూ. 7,633 అదనంగా లభించే అవకాశం ఉంటుంది. అయితే ఈ లెక్క ప్రతిపాదన ఆధారంగా మాత్రమే రూపొందించబడింది.

కనీస పెన్షన్ రూ. 45,000 డిమాండ్ వెనుక ఉద్దేశం తక్కువ మూల వేతనంతో పదవీ విరమణ చేసినవారికి కూడా తగిన ఆర్థిక భరోసా కల్పించడం. కుటుంబ పెన్షన్ పెంపు ప్రతిపాదన కూడా ఆధారపడిన కుటుంబ సభ్యులకు ప్రయోజనం చేకూర్చేలా ఉంది.

అయితే ఈ డిమాండ్లు ఇంకా ప్రభుత్వ ఆమోదం పొందిన నిర్ణయాలు కావు. 8వ వేతన సంఘం పరిశీలన, సిఫార్సులు,  కేంద్ర ప్రభుత్వ తుది నిర్ణయం తర్వాతే పెన్షన్ విధానంలో మార్పులు స్పష్టమవుతాయి. గ్రాట్యుటీ పెంపు కూడా పెన్షన్ శాతం మారినంత మాత్రాన ఆటోమేటిక్‌గా జరగదు. దానికి ప్రత్యేక నిబంధనల సవరణ అవసరం కావచ్చు.

Add Zee News as a Preferred Source
TAGS:

About the Author

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నాకు 8 ఏళ్ల అనుభవం ఉంది. ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నాను. గతంలో ప్రముఖ మీడియా సంస్థల్లో పనిచేశాను.
Read More

ZEENEWS TRENDING STORIES