iPhone 18, ఐఫోన్ 18e వచ్చేస్తున్నాయ్.. 4430mAh బ్యాటరీతో అదరగొట్టనున్న Apple ఫోన్లు!

iPhone 18: ప్రముఖ టెక్‌ దిగ్గజం ఆపిల్ త్వరలోనే తమ కస్టమర్స్‌కి గుడ్‌ న్యూస్‌ తెలపబోతోంది.. ఐఫోన్ 18 సిరీస్‌లోని బేస్ మోడల్స్‌ను అందుబాటులోకి తీసుకు వచ్చేందుకు సిద్ధమైంది.. ఈ మోడల్స్‌ను కంపెనీ వచ్చే సంవత్సరం మార్కెట్‌లోకి విడుదల చేయబోతున్నట్లు మార్కెట్‌లో చర్చ నడుస్తోంది. అంతేకాకుండా ఈ మోడల్స్‌ కూడా గత స్మార్ట్‌ఫోన్స్‌ కంటే చాలా అద్భుతంగా ఉండబోతున్నట్లు తెలుస్తోంది.. ఇప్పటికే ఈ స్మార్ట్‌ఫోన్స్‌కి సంబంధించిన ఫీచర్స్‌ లీక్‌ అయ్యాయి.. ఈ ఐఫోన్ 18తో పాటు అత్యంత తక్కువ ధరకే ఐఫోన్ 18e స్మార్ట్‌ఫోన్‌ మోడల్‌ను అందుబాటులోకి తీసుకు రాబోతున్నట్లు తెలుస్తోంది. అంతేకాకుండా ఈ రెండు స్మార్ట్‌ఫోన్స్‌ అద్భుతమైన బ్యాటరీ సెటప్‌ను కలిగి ఉండబోతున్నట్లు తెలుస్తోంది.. ఐఫోన్ 18 ప్రో కంటే స్టాండర్డ్ మోడల్ బ్యాటరీ పెద్దదిగా ఉండే అవకాశం ఉందని లీకైన వివరాలు స్పష్టం చేస్తున్నాయి.

యాపిల్ కంపెనీ ఐఫోన్ 18 మోడల్‌కు టేకాన్ (V67K) అని.. అలాగే ఐఫోన్ 18e మోడల్‌కు  నెవెరా (V69) అనే కోడ్‌నేమ్‌లు ఖరారు చేసినట్లు తెలుస్తోంది. అంతేకాకుండా బ్యాటరీ విషయానికి వస్తే.. ఐఫోన్ 18లో 4430mAh భారీ బ్యాటరీని అందుబాటులోకి తీసుకు వచ్చే అవకాశాలు ఉన్నట్లు సమాచారం. గత ఐఫోన్ 17లో ఉన్న 3671mAh బ్యాటరీతో పోలిస్తే.. ఇది ఏకంగా 20 శాతం కంటే ఎక్కువ సామర్థ్యం కలిగి ఉండడం విశేషం.. రోజంతా హెవీ యూసేజ్ ఉన్నప్పటికీ..  ఛార్జింగ్ సమస్యలు లేకుండా ఉండేలా యాపిల్ ఈ మార్పు చేపడుతున్నట్లు తెలుస్తోంది..

బడ్జెట్ యూజర్లను ఆకట్టుకునేందుకు రాబోతున్న ఐఫోన్ 18e కూడా బ్యాటరీ పరంగా గతంలో విడుదల చేసిన ఐఫోన్ 17e కంటే 10 శాతం పెద్ద బ్యాటరీని కలిగి ఉండబోతున్నట్లు తెలుస్తోంది. ఇది కూడా 4430mAh బ్యాటరీతోనే అందుబాటులోకి రావడం విశేషం.. ఇక కెమెరా వివరాల్లోకి వెళితే.. ఐఫోన్ 18e వెనుక భాగంలో ఒకే ఒక వైడ్ కెమెరా సెటప్‌ను కూడా కలిగి ఉంటుంది..  ఐఫోన్ 18 మోడల్‌లో గతంలో సెన్సార్ రిజల్యూషన్‌ను కొనసాగిస్తూనే... సూపర్ వైడ్, వైడ్ కెమెరాలతో కూడిన డ్యూయల్ రియర్ కెమెరా సెటప్‌ను కూడా అందించినట్లు తెలుస్తోంది..

గతంలో లీక్‌ అయిన వివరాల ప్రకారం.. ఐఫోన్ 18 మోడల్‌లో 1.5K రిజల్యూషన్‌తో పాటు 120Hz రిఫ్రెష్ రేట్‌కు సపోర్ట్ చేసే 6.3-అంగుళాల OLED డిస్‌ప్లేతో అందుబాటులోకి రాబోతున్నట్లు తెలుస్తోంది.. మల్టీ టాస్కింగ్‌ కోసం ఈ ఫోన్‌ను ఆపిల్ నెక్స్ట్-జెన్  A20 చిప్‌సెట్‌తో విడుదల కాబోతున్నట్లు తెలుస్తోంది. సిగ్నేచర్ డైనమిక్ ఐలాండ్ డిజైన్‌ను కలిగి ఉండడమే కాకుండా.. ఈ లైనప్‌లో ఐఫోన్ ఎయిర్ 2 మోడల్‌ను కూడా అందుబాటులోకి రాబోతున్నట్లు తెలుస్తోంది..