బెంగళూరు ట్రాఫిక్ దెబ్బ.. విద్యార్థులు ఏడాదికి 53 స్కూల్ డేస్ రోడ్లపైనే!

Students Losing School Days In Bengaluru: మన దేశ ఐటీ రాజధాని బెంగళూరులో ట్రాఫిక్ రద్దీ సమస్య రోజురోజుకు విపరీతంగా పెరుగుతూ వస్తుంది. ఐటీ ఉద్యోగులతో పాటు సాధారణ ప్రయాణికులనే కాకుండా ఇప్పుడు చిన్నారుల విద్యభ్యాసాన్ని.. వారి విలువైన సమయాన్ని కూడా ఈ ట్రాఫిక్ కష్టాలు మింగేస్తూ వస్తున్నాయి.. ప్రతిరోజు బడికి వెళ్లి రావడానికి విద్యార్థులు గంటలకు బస్సుల్లో బందీలుగా మారాల్సిన అవసరం ఏర్పడుతోంది. తాజాగా ఈస్ట్ బెంగుళూరు లోని స్టేట్ హైవే 35 కారిడార్ పరిధిలో నిర్వహించిన ప్రత్యేకమైన మొబిలిటీ అధ్యయనం ఈ వాస్తవాలను వెలుగులోకి తీసుకువచ్చింది. ఈ అధ్యయనంలో భాగంగా ఉన్న వివరాలు మనం ఇప్పుడు తెలుసుకుందాం..

ఈ అధ్యయనం కోసం 61 స్కూల్ బస్సుల నుంచి సేకరించిన జిపిఎస్ డేటాను నిపుణులు క్లుప్తంగా విశ్లేషించినట్లు తెలుస్తోంది. ఈ మార్గం పరిధిలోని దాదాపు 42 పాఠశాలలు, వాటిలో చదివే దాదాపు 40000 మంది విద్యార్థుల ప్రయాణ సమయాన్ని పరిశీలించారు. ఈ అధ్యయనంలో వెళ్ళడైన వివరాలు తల్లిదండ్రులతో పాటు విద్యావేత్తలను కూడా ఊహించని స్థాయిలో ఆశ్చర్యానికి గురి చేసేలా చేస్తున్నాయి.

ఈస్ట్ బెంగుళూరు పరిధిలోని పాఠశాలలకు వెళ్లే విద్యార్థులు రోజు రానుపోను దాదాపు రెండు గంటలు కేవలం ప్రయాణానికే కేటాయించాల్సి వస్తుందట.. ఈ కాలాన్ని సంవత్సరంలోని మొత్తం రోజులు లెక్కిస్తే.. ఒక విద్యా సంవత్సరంలో చిన్నారులు దాదాపు 374 గంటల సమయాన్ని రోడ్లపైనే గడుపుతున్నట్లు అధ్యయనంలో తేలింది. అంటే దాదాపు 53 పాఠశాలల పని దినాలు పైనే.. రోడ్ల పైన గడుపుతున్నట్లు అధ్యయనంలో ఆధారాలు చెబుతున్నాయి.. అంటే పిల్లల విలువైన సమయం ట్రాఫిక్ లోనే వృధా అవుతుందని ఈ నివేదికలు స్పష్టం చేస్తున్నాయి..

మరీ ముఖ్యంగా.. వర్తూరు- మంజూరు మార్గంలో ట్రాఫిక్ తీవ్రత పరాకాష్టానికి చేరుతూ వస్తోంది. కొన్ని రోజుల్లో కేవలం నాలుగు కిలోమీటర్ల దూరాన్ని దాటడానికి ఒక స్కూల్ బస్సు కు ఏకంగా రెండున్నర గంటల పాటు సమయం పట్టడం ఆశ్చర్యం కలిగిస్తోంది.. ఈ మార్గంలో బస్సు సగటు వేగం గంటకు కేవలం రెండు. తొమ్మిది కిలోమీటర్లు ఉండడం మరీ విశేషం.. తీవ్ర రద్దీ ఉండే కొన్ని ప్రాంతాల్లో ఈ వేగం ఏకంగా గంటకు ఆరు పాయింట్ నాలుగు కిలోమీటర్ల కనిష్ట స్థాయికి పడిపోతూ వస్తోంద.. ఇది ఒక సాధారణ మనిషి నడిచే వేగం కంటే చాలా తక్కువగా చెప్పొచ్చు..

ప్రతిరోజు ఉదయం, సాయంత్రం బస్సుల్లో గంటల తరబడి కూర్చోవడం వల్ల విద్యార్థులు తీవ్ర శరీర అలసటతో పాటు కొంతమంది విద్యార్థుల్లో మానసిక ఒత్తిడి సమస్యలు. దీని ప్రభావం వారి చదువులపై పడటమే కాకుండా ఏకాగ్రతపై పడి, శారీరక ఆరోగ్యం పై నేరుగా ప్రభావం పడుతుందని తల్లిదండ్రులు తీవ్ర ఆవేదన వ్యక్తం చేస్తూ వస్తున్నారు. పాఠశాలల సమయాల్లో ట్రాఫిక్ క్రమబద్దీకరణకు ప్రత్యేకమైన ప్రణాళికలు రూపొందించాలని.. రోడ్ల విస్తరణతో పాటు అద్భుతమైన ట్రాఫిక్ నిర్వహణ చర్యలు చేపట్టాలని విద్యార్థుల తల్లిదండ్రులు ప్రభుత్వానికి విజ్ఞప్తి చేస్తూ వస్తున్నారు..