HMD నుంచి అదిరిపోయే 4G ఫ్లిప్ ఫోన్.. 2 డిస్‌ప్లేలు, SOS బటన్‌తో సరికొత్త ఫీచర్లు!

Hmd 2320 Flip Phone: ప్రస్తుత స్మార్ట్‌ఫోన్ల యుగం నడుస్తోంది.. ఇదిలా ఉంటే.. ఇప్పుడు కీప్యాడ్‌తో పాటు ఫ్లిప్ ఫోన్లకు ఉండే ఆదరణ కూడా ఏమాత్రం తగ్గలేదు.. ముఖ్యంగా సెకండరీ ఫోన్‌గా వాడేవారికి.. పెద్దవారికి ఇవి ఎంతో సౌకర్యవంతంగా ఉంటున్నాయి. అందుకే ఇప్పటికీ చాలా మంది వీటిని కొనుగోలు చేసేందుకు ఆసక్తి చూపుతూ వస్తున్నారు.. ఇదిలా ఉంటే.. ప్రముఖ మొబైల్ తయారీ సంస్థ హెచ్ఎండీ.. వినియోగదారుల కోసం మరో సరికొత్త ఫ్లిప్ ఫోన్‌ను మార్కెట్లోకి తీసుకు వచ్చేందుకు సిద్ధమైనట్లు తెలుస్తోంది.. HMD 2320 ఫ్లిప్ 4G పేరుతో అందుబాటులోకి రాబోతున్న ఈ ఫోన్‌ సంబంధించిన ఫీచర్స్‌తో పాటు స్పెషిఫికేషన్స్‌ ఆన్‌లైన్‌లో లీక్ అయ్యాయి. అయితే, దీనికి సంబంధించిన అన్ని వివరాలు ఇప్పుడు మనం తెలుసుకుందాం..

లీక్ అయిన సమాచారం ప్రకారం.. HMD 2320 ఫ్లిప్ 4G చూడటానికి ఎంతో స్టైలిష్‌గా ఉండబోతున్నట్లు తెలుస్తోంది.. ఇందులో లోపలి వైపు 2.4 అంగుళాల LCD ప్రధాన డిస్‌ప్లేను కూడా కలిగి ఉంటుందని లీక్‌ అయిన వివరాలు చెబుతున్నాయి.. అంతేకాకుండా ఫోన్ మూసి ఉన్నప్పుడు టైమ్‌తో పాటు నోటిఫికేషన్లు చూసుకోవడానికి వీలుగా బయటి వైపు 1.77 అంగుళాల చిన్న కవర్ డిస్‌ప్లేను కూడా కంపెనీ అందిస్తూ వస్తోంది.. ఇక ఫోటోగ్రఫీ కోసం.. వెనుక భాగంలో 0.3MP ప్రధాన కెమెరా కూడా ఉన్నట్లు లీక్‌ అయిన వివరాలు తెలుపుతున్నాయి..

ఈ ఫ్లిప్ ఫోన్  యూనిసోక్ T127 (Unisoc T127) ప్రాసెసర్‌తో పనిచేస్తుందని లీక్‌ అయిన వివరాలు తెలిపాయి. ఇందులో 64MB ర్యామ్‌తో పాటు 128MB ఇంటర్నల్ స్టోరేజ్‌ను కూడా అందించిన్నట్లు సమాచారం. పాటలు, ఇతర ఫైల్స్ దాచుకోవడానికి మైక్రో ఎస్డీ కార్డ్ స్టోరేజ్‌ను 32GB వరకు పెంచుకునే వెసులుబాటును కూడా అందిస్తోంది..ఈ ఫోన్‌లో అనేక కనెక్టివిటీ ఫీచర్లు కూడా లభిస్తున్నట్లు తెలుస్తోంది. ఇది 4G LTE క్యాట్ 4 నెట్‌వర్క్‌కు సపోర్ట్ చేస్తుందని సమాచారం. దీనికి తోడు Wi-Fi, బ్లూటూత్ 5.0, GPS వంటి అనేక ఫీచర్స్‌ కూడా లభిస్తున్నట్లు తెలుస్తోంది..

ఇందులో 1450mAh బ్యాటరీని కూడా కలిగి ఉంటుంది. ఇందులో కంపెనీ చాలా ప్రత్యేకంగా ఇందులో ప్రత్యేకంగా SOS బటన్ సపోర్ట్‌ను కూడా అందిస్తోంది. దీంతో పాటు పుష్-టు-టాక్, డాక్ ఛార్జింగ్ సపోర్ట్‌ను కూడా అందిస్తోంది. ఇవే కాకుండా ఎన్నో రకాల ప్రీమియం ఫీచర్స్‌ అందుబాటులో ఉన్నట్లు తెలుస్తోంది. అయితే, భారత్‌లో ఈ మొబైల్‌ త్వరలోనే విడుదలయ్యే ఛాన్స్‌లు ఉన్నట్లు తెలుస్తోంది. దీనికి సంబంధించిన అధికార ప్రకటన త్వరలోనే కంపెనీ చేసే అవకాశాలు కూడా ఉన్నాయి.