ఐఆర్‌సీటీసీ ఖాతాదారులకు అలర్ట్! నెలకు ఎన్ని టిక్కెట్లు బుక్ చేయవచ్చో తెలుసా? ఈ లిమిట్ దాటితే ఐడీ బ్లాక్!

IRCTC Ticket Booking Limit: సాధారణంగా రైలు ప్రయాణం కోసం రెండు నెలల ముందుగానే టికెట్లు రిజర్వేషన్ చేసుకోవాలి. ఒకవేళ హఠాత్తుగా ప్రయాణం చేయాల్సి వస్తే తత్కాల్ టికెట్లు అందుబాటులో ఉంటాయి. అయితే, మీరు నెలకు ఎన్నిసార్లు టికెట్లు బుక్ చేసుకుంటున్నారు? ఆ పరిమితి దాటితే మీ అకౌంట్ బ్లాక్ అవుతుందా? IRCTC అధికారిక వెబ్‌సైట్ లేదా యాప్ ద్వారా సులభంగా టికెట్లు బుక్ చేసుకోవచ్చు. కానీ, ప్రతి నెలా టికెట్ బుకింగ్‌పై కొన్ని పరిమితులు ఉన్నాయని మీకు తెలుసా? ఫ్రాడ్ ఏజెంట్ల బుకింగ్‌ను అరికట్టడానికి, కేవలం సాధారణ ప్రయాణికుల కోసం IRCTC వెరిఫైడ్ ఆధార్ ఖాతాదారులకు మాత్రమే టికెట్ బుకింగ్ సౌలభ్యాన్ని కల్పిస్తోంది. అయితే దీనికి కొన్ని నిబంధనలు కూడా ఉన్నాయి.

ప్రతి నెల ఎన్ని టికెట్లు బుక్ చేసుకోవచ్చు?
IRCTC వెబ్‌సైట్ ద్వారా ప్రతిరోజూ లక్షలాది మంది టికెట్లు బుక్ చేసుకుంటూ ఉంటారు. ఒకవేళ మీరు ఆన్‌లైన్‌లో బుక్ చేసుకునేటప్పుడు నెలవారీ పరిమితి ముగిసిపోతే, టికెట్లు పొందలేరు. బ్లాక్ మార్కెట్‌ను అరికట్టేందుకు ఆధార్ వెరిఫైడ్ అకౌంట్లకు కొన్ని పరిమితులను విధించారు.

మీ IRCTC యూజర్ ఐడి ఆధార్ కార్డుతో లింక్ అయి ఉంటే, ప్రతి నెల గరిష్టంగా 12 టికెట్లు బుక్ చేసుకోవచ్చు. గతంలో కేవలం తక్కువ పరిమితి మాత్రమే ఉండేది, కానీ భారతీయ రైల్వే తాజాగా ఈ పరిమితిని పెంచింది. ఒకవేళ మీ ఆధార్ లింక్ చేసిన ఖాతాతో 12 టికెట్లు బుక్ చేసుకోవాలనుకుంటే, ముందుగానే యూజర్ ఐడిని ఆధార్‌తో లింక్ చేసుకోవాలి. కొన్ని నిబంధనల ప్రకారం మీరు 12 టికెట్లు బుక్ చేసుకోవచ్చు.

తత్కాల్ టికెట్లు బుక్ చేసుకోవాలంటే, ఒక రోజులో గరిష్టంగా రెండు టికెట్లు మాత్రమే బుక్ చేసుకోవడానికి అవకాశం ఉంటుంది. వీటిని ఉదయం 10 గంటల నుండి 12 గంటల మధ్యలో బుక్ చేసుకోవాలి. IRCTC యాప్ లేదా వెబ్‌సైట్ ద్వారా కేవలం వెరిఫైడ్ ఆధార్ యూజర్లు మాత్రమే బుక్ చేయగలరు. జూన్ 2022 నుండి భారతీయ రైల్వే టికెట్ బుకింగ్ పరిమితిని పెంచింది. పర్సనల్ ఐడిని ఉపయోగించి ఇతరుల కోసం కమర్షియల్ ప్రయోజనాల కోసం టికెట్లు బుక్ చేస్తే చట్టపరమైన చర్యలు తీసుకోవడం జరుగుతుంది. IRCTC ఆధార్ వెరిఫికేషన్ ప్రకారం నెలలో గరిష్టంగా 12 టికెట్లు మాత్రమే బుక్ చేసుకోవాలి. అయితే, మీరు మీ కుటుంబ సభ్యుల కోసం బుక్ చేసుకుంటే ఎలాంటి ఇబ్బందులు ఉండవు.