Maharashtra Bride Poison: భర్త, అత్తామామలకు అన్నంలో విషం పెట్టిన కొత్త పెళ్లికూతురు..పెళ్లైన రెండో రోజే ఎంత పని చేసింది!

Maharashtra Bride Poison News: మహారాష్ట్రలోని జల్గావ్ జిల్లాలో ఓ దారుణ ఘటన వెలుగులోకి వచ్చింది. ఓ నూతన వధువు తన పెళ్లి జరిగిన రెండు రోజులకే భర్తతో పాటు అతని కుటుంబసభ్యులకు ఆహారంలో విషం ఇచ్చింది. వారి చంపాలనే ఉద్దేశంతోనే తాను ఈ దారుణానికి ఒడిగట్టిందని అధికారులు చెబుతున్నారు.

అయితే ఈ ప్లాన్ బయటకు పొక్కిన తర్వాత ఆమె ప్రయత్నించినట్లు ఆరోపణలు ఎదుర్కొంటున్నట్లు పోలీసుల విచారణలో తేలింది. ఈ ఆరోపణల నేపథ్యంలో నూతన వధువుతో పాటు ఆమెకు సహకరించిన ఇద్దరు మహిళలను పోలీసులు అదుపులోకి తీసుకున్నారు. బాధితులైన కుటుంబ సభ్యులు అస్వస్థతకు గురికావడం వల్ల ఈ విషయం బయటకొచ్చింది. ఇది విషప్రయోగం అని అనుమానం రావడంతో ఆ మహిళలను అదృశ్యమయ్యేందుకు ప్రయత్నించారు. దీంతో విషయంలో తెలుసుకున్న పోలీసులు రంగంలోకి దిగి పలువుర్ని అరెస్టు చేశారు.

అసలేం జరిగిందంటే?
మహారాష్ట్రలోని జల్గావ్ జిల్లాలోని పరోలా తాలూకా వెల్హనే గ్రామంలో ఈ ఘటన జరిగింది. అధికారుల వివరాల ప్రకారం.. ఆ జంటకు అక్టోబర్ 7న వివాహం జరిగింది. ఆ తర్వాత మూడవ రోజైన అక్టోబర్ 9న ఈ విషప్రయోగం జరిగింది.

తన భర్త, అతని కుటుంబ సభ్యుల కోసం వండిన ఆహారంలో నవవధువు ఎలుకల మందు కలిపిందని పోలీసులు తెలిపారు. ఆ ఆహారం తిన్న తర్వాత, ఆమె మరో మహిళతో కలిసి, వివాహ సమయంలో వచ్చిన నగదు, కొంత నగలతో ఇంటి నుండి వెళ్లిపోయింది.

ఆహారం తిన్న తర్వాత కుటుంబ సభ్యులకు ఆరోగ్య సమస్యలు తలెత్తడంతో ఈ ఘటన వెలుగులోకి వచ్చింది. ఆ తర్వాత కుటుంబంలోని పెద్దలకు చికిత్స కోసం సమీప దూరంలో ఉన్న ప్రభుత్వ ఆస్పత్రికి తరలించినట్లు అధికారులు తెలిపారు. విషప్రయోగం జరిగిందన్న సమాచారం అందిన వెంటనే, పోలీసులు సంఘటనా స్థలానికి చేరుకుని దర్యాప్తు చేపట్టారు.

ఈ ఘటన కుటుంబ సభ్యులు, స్థానికులలో ఆగ్రహాన్ని కలిగించింది. వారు పోలీస్ స్టేషన్ బయట గుమిగూడి రోడ్డుపై రాస్తారోకో చేశారు. ఆ ఇద్దరు మహిళలను అరెస్టు చేయాలని, వారిపై తగిన కేసులు నమోదు చేయాలని వారు డిమాండ్ చేశారు.

నిందితుల ఆచూకీ కోసం పోలీసులు తమ ప్రయత్నాలను ముమ్మరం చేశారు. పారిపోవడానికి ప్రయత్నిస్తున్న ఆ ఇద్దరు మహిళలను చివరకు ధూలే జిల్లాలోని నిమ్గుల్ గ్రామం సమీపంలో అదుపులోకి తీసుకున్నట్లు అధికారులు తెలిపారు.

అరెస్టు తర్వాత, నిందితులైన మహిళల నేపథ్యానికి సంబంధించిన ప్రాథమిక వివరాలు వెలుగులోకి వచ్చాయి. సుమన్ సుభాష్ సాహ్నీగా గుర్తించిన నవవధువు జార్ఖండ్ నివాసి అని పోలీసులు కనుగొన్నారు. మరొక మహిళ, ఆర్తీ సూర్యాక్ష్ పటేల్ కూడా జార్ఖండ్‌కు చెందినవారేనని సమాచారం.

బాధితుడైన వరుడు రూ. 2.5 లక్షలు చెల్లించి సుమన్‌ను వివాహం చేసుకున్నట్లు కూడా తెలిసింది. పోలీసులు ఆ ఆరోపణలపై దర్యాప్తు చేస్తున్నారు. ఘటనకు సంబంధించిన వాస్తవ పరిస్థితులను నిర్ధారించడానికి మరిన్ని వివరాలను సేకరిస్తున్నారు.