Uttar Pradesh: రెచ్చిపోయిన ఏనుగు.. ఇనుప గొలుసును తెంచుకుని మావటిపై దాడి.. షాకింగ్ వీడియో..

Mahout injured in elephant attack on ramlila in Varanasi: సాధారణంగా చాలా మంది  ఉత్సవాలు, పండగల నేపథ్యంలో ఇటీవల ఏనుగులను తీసుకొని వస్తున్నారు. ఇటీవల ఏనుగుల కొన్ని సార్లు జనాలకు భయపడి దాడులు చేస్తున్నాయి. టపాకాయల చప్పుళ్లు, డ్రమ్ ల శబ్దాలకు ఏనుగులు బెదిరిపోయి చుట్టుపక్కల ఉన్న వారిపై దాడి చేసిన ఘటనలు కొకొల్లలు. అయితే కొన్ని సందర్భాల్లో ఏనుగులను కంట్రోల్ చేయడానికి చూసిన మావటి వాళ్లను కూడా ఈడ్చి పడేస్తున్నాయి. ఈ క్రమంలో తాజాగా.. ఉత్తర ప్రదేశ్ లోని వారణాసిలో ఒక ఏనుగు బీభత్సం సృష్టించింది.

🐘 ఇనుప గొలుసు తెంచుకుని.. గంటలపాటు ఏనుగు బీభత్సం 🔹 వారణాసి రామ్‌నగర్ రామలీలా కోసం అజమ్‌గఢ్ నుంచి తెచ్చిన ఏనుగు ధనరాజ్, ఆదివారం ఉదయం 10 గంటల ప్రాంతంలో పంచవటి మైదానంలో చెట్టుకు కట్టిన ఇనుప గొలుసు తెంచుకుంది. 🔹 అదుపు చేయబోయిన మావటి ఛాప్లూను తొండంతో ఎత్తి గోడకు కొట్టి, కింద పడేసి ఛాతీ, తొడ, చేతిపై తొక్కడంతో అతడు తీవ్రంగా గాయపడి, BHU ట్రామా సెంటర్‌లో పరిస్థితి విషమంగా ఉంది. 🔹 పంచవటి-లంక రోడ్డుపైకి దూసుకెళ్లి మార్కెట్ గేట్‌ను పగలగొట్టి, రెండు కరెంట్ స్తంభాలను పెకిలించి, చిన్న దుకాణాలు, టిన్ షెడ్లను నాశనం చేయడంతో కరెంట్ సరఫరా ఆగిపోయింది. 🔹 పోలీసులు, ఫారెస్ట్, NDRF సహా 200 మంది సిబ్బంది రంగంలోకి దిగగా, గోరఖ్‌పూర్ జూ నిపుణులు జైలాజిన్ ట్రాంక్విలైజర్‌తో మత్తు ఇచ్చి రాత్రి ఆలస్యంగా దాన్ని అదుపులోకి తెచ్చారు. #Varanasi #UttarPradesh

— ముచ్చట్లు | Stories • Voices • Views (@muchatlu_) October 21, 2026

ఉత్తర ప్రదేశ్ లోని వారణాసి రామ్ నగర్ లో ఏనుగు రెచ్చిపోయింది.  దసరా నేపథ్యంలో రామ లీలా కోసం 
అజమ్‌గఢ్ నుంచి తెచ్చిన ఏనుగు ధనరాజ్ ఒక్కసారిగా రెచ్చిపోయింది.అప్పటి వరకు కూల్ గా ఉన్న ఏనుగు కాస్త ఇనుప గొలుసును తెంచుకుంది.అక్కడున్న వస్తులను తన తొండంతో ఎత్తిపడేసింది. ఇంతలో మావటి వాడు ఏనుగును కంట్రోల్ చేద్దామని చూడగా అతనిపై కూడా దాడి చేసింది.

 మావటిని తొండంతో ఎత్తి పడేసి, అతని ఛాతీపై తొక్కింది. దీంతో అతను తీవ్రంగా  గాయపడ్డాడు. ఆ తర్వాత ఏనుగు అక్కడి నుంచి వెళ్లిపోవడంతో స్థానికులు అతడ్ని ఆస్పత్రికి తరలించారు.  అతని పరిస్థితి విషమంగా ఉంది. మరోవైపు  ఆ తర్వాత ఏనుగు పంచవటి-లంక రోడ్డుపైకి దూసుకెళ్లింది. 

మార్కెట్ గేట్‌ను పగలగొట్టి, రెండు కరెంట్ స్తంభాలను పెకిలించి వేసింది. దీంతో చిన్న దుకాణాలు, టిన్ షెడ్లను నాశనం చేయడంతో కరెంట్ సరఫరా నిలిచిపోయింది. వెంటనే  పోలీసులు, ఫారెస్ట్, NDRF సహా 200 మంది సిబ్బంది రంగంలోకి దిగారు. గోరఖ్‌పూర్ జూ నిపుణులు ప్రత్యేకంగా గంటల వ్యవధిలో అక్కడకు వచ్చి జైలాజిన్ ట్రాంక్విలైజర్‌తో ఏనుగుకు మత్తు ఇచ్చి అదుపులొకి తెచ్చారు. ఈ ఏనుగు బీభత్సంకు చెందిన వీడియో ప్రస్తుతం వైరల్గా మారింది.