PM Kisan: పీఎం కిసాన్ ఈ-కేవైసీ అప్‌డేట్.. ఫోన్లోనే ఈజీగా పూర్తి చేసే సింపుల్ ప్రాసెస్.. ఇలా చేస్తే క్షణాల్లో పూర్తవుతుంది!
కేంద్ర ప్రభుత్వం దేశ ప్రజల కోసం ఎన్నో సంక్షేమ పథకాలను ప్రవేశపెట్టింది. ఇందులో ప్రధానంగా రైతులు మరియు మహిళల కోసం కీలకమైన పథకాలు ఉన్నాయి, వీటి వల్ల లక్షలాది మంది లబ్ధిదారులు ప్రయోజనం పొందుతున్నారు. ప్రతి ఏడాది రైతులకు 6,000 రూపాయలను డైరెక్ట్ బెనిఫిట్ ట్రాన్స్‌ఫర్ ద్వారా వారి ఖాతాల్లో జమ చేస్తారు. అయితే, ఈ నిధులు పొందాలంటే ఈకేవైసీ (e-KYC) తప్పనిసరి. ఇంటి వద్దే మొబైల్‌లో ఈ ప్రక్రియను ఎలా పూర్తి చేసుకోవాలో ఇప్పుడు స్టెప్ బై స్టెప్ తెలుసుకుందాం.
PM Kisan 24th Installment EKYC: ప్రధానమంత్రి కిసాన్ సమ్మాన్ నిధి ద్వారా ప్రతి ఏడాది రైతులకు రూ.6,000 అందిస్తారు. ప్రతి మూడు లేదా నాలుగు నెలలకు ఒకసారి రూ.2,000 చొప్పున రైతుల ఖాతాల్లో జమ అవుతాయి. అయితే, పీఎం కిసాన్ యోజన ప్రయోజనాలను పొందాలంటే రైతులు ముందుగానే ఈకేవైసీని పూర్తి చేయాలి. మోసపూరిత లావాదేవీలను నిరోధించడానికి కేంద్ర ప్రభుత్వం ఈ ప్రక్రియను తప్పనిసరి చేసింది. ఈకేవైసీ పూర్తి చేసిన వారికి మాత్రమే డైరెక్ట్ బెనిఫిట్ ట్రాన్స్‌ఫర్ ద్వారా నిధులు అందుతాయి.
ప్రధానమంత్రి కిసాన్ సమ్మాన్ నిధి నిబంధనలు..
ప్రధానమంత్రి కిసాన్ సమ్మాన్ నిధి పథకంలోని లబ్ధిదారులందరూ తప్పనిసరిగా ఈకేవైసీ పూర్తి చేయాలి. ప్రస్తుతం రైతులు 24వ విడత కోసం ఎదురుచూస్తున్నారు. అక్టోబర్ నెలలో ఈ నిధులు జమ అయ్యే అవకాశం ఉంది, అయితే ఈకేవైసీ పూర్తి చేసుకున్న వారికి మాత్రమే తదుపరి విడత నిధులు అందుతాయి.
ఈకేవైసీ పూర్తి చేసే విధానం..
ప్రధానమంత్రి కిసాన్ సమ్మాన్ నిధికి సంబంధించి ఈకేవైసీని మూడు పద్ధతుల్లో పూర్తి చేయవచ్చు. ఒకటి ఓటీపీ, రెండు బయోమెట్రిక్, మూడు ఫేస్ అథెంటికేషన్.
ఓటీపీ ద్వారా ఈకేవైసీ పూర్తి చేయడం..
అధికారిక వెబ్‌సైట్ pmkisan.gov.in ఓపెన్ చేసి, అందులో 'e-KYC' ఆప్షన్‌ను ఎంచుకోవాలి. మీ ఆధార్ నంబర్ ద్వారా వెరిఫికేషన్ చేసి, వచ్చిన ఓటిపిని నమోదు చేయడం ద్వారా మొబైల్‌లోనే సులభంగా ఈ ప్రక్రియను పూర్తి చేయవచ్చు.
ఫేస్ అథెంటికేషన్ ద్వారా ఈకేవైసీ పూర్తి చేయడం..
దీని కోసం పీఎం కిసాన్ మొబైల్ యాప్‌ను డౌన్‌లోడ్ చేసుకుని, లాగిన్ అయి మీ మొబైల్ నంబర్‌తో రిజిస్టర్ చేసుకోవాలి. ఆపై 'PM Kisan Beneficiary Status' విభాగంలోకి వెళ్లి, ఒకవేళ ఈకేవైసీ స్టేటస్ అప్‌డేట్ కాకపోతే, అక్కడ ఉన్న 'e-KYC' ఆప్షన్‌పై క్లిక్ చేసి మీ ఆధార్ ఫేస్ స్కాన్ ద్వారా ప్రక్రియను పూర్తి చేయవచ్చు.
ఈకేవైసీ పూర్తి చేసిన వారికి మాత్రమే నిధులు జమ అవుతాయి. మీ బ్యాంక్ ఖాతాలో డీబీటీ యాక్టివ్‌గా ఉందో లేదో ఒకసారి బ్యాంక్ శాఖకు వెళ్లి సరిచూసుకోండి. అలాగే NPCI లింక్ కూడా తప్పనిసరిగా ఉండాలి. మీరు 'Know Your Status' ఆప్షన్‌ను ఎంచుకోవడం ద్వారా మీ స్టేటస్‌ను సులభంగా తెలుసుకోవచ్చు.
ప్రధానమంత్రి కిసాన్ సమ్మాన్ నిధి 24వ విడత నిధులు అక్టోబర్‌లో విడుదలయ్యే అవకాశం ఉంది. దీనిపై కేంద్ర ప్రభుత్వం ఇంకా ఎలాంటి అధికారిక ప్రకటన చేయనప్పటికీ, ప్రతి నాలుగు నెలలకు ఒకసారి జరిగే పద్ధతిని బట్టి చూస్తే అక్టోబర్ లేదా నవంబర్ మొదటి వారంలో, అంటే దీపావళి సమయంలో నిధులు జమ అయ్యే అవకాశం ఉంది.
Also Read: Atal Pension Yojana: రూ.5,000 పెన్షన్‌ఫై కేబినెట్‌ కీలకనిర్ణయం.. 2031 వరకు గ్యారంటీ!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
.Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
