రైల్వేలో భారీ నోటిఫికేషన్ విడుదల.. 5,236 NTPC ఉద్యోగాలు, డిగ్రీ, ఇంటర్ అర్హతతో భర్తీ! పరీక్ష విధానంలో కీలక మార్పులు ఇవే!
డిగ్రీ ,12వ తరగతి ఉత్తీర్ణులైన వారికి రైల్వే రిక్రూట్‌మెంట్ బోర్డ్ నుండి భారీ శుభవార్త. రైల్వే విభాగంలో మొత్తం 5236 ఖాళీలను భర్తీ చేసేందుకు నోటిఫికేషన్ విడుదలైంది. ఇందులో భాగంగా 3,548 ఉద్యోగాలను గ్రాడ్యుయేట్ స్థాయి అభ్యర్థుల కోసం, అలాగే 1688 ఉద్యోగాలను 12వ తరగతి పాస్ అయిన వారి కోసం కేటాయించారు. ఈ ఉద్యోగాలకు సంబంధించిన పూర్తి అధికారిక నోటిఫికేషన్ PDF ప్రస్తుతం రైల్వే వెబ్‌సైట్‌లో అందుబాటులో ఉంది. ఈ నోటిఫికేషన్‌లోని సమగ్రమైన వివరాలను ఇప్పుడు వివరంగా తెలుసుకుందాం.
RRB NTPC Recruitment 2026: రైల్వేలో ప్రభుత్వ ఉద్యోగం సాధించాలని ఆశించే నిరుద్యోగులకు ఇది ఒక గొప్ప అవకాశం. మీరు డిగ్రీ లేదా ఇంటర్మీడియట్ పూర్తి చేసి ఉంటే, ఈ బంపర్ రిక్రూట్‌మెంట్‌ను తప్పక పరిశీలించాలి. ఆర్‌ఆర్‌బీ బోర్డు గ్రాడ్యుయేట్, 12వ తరగతి అభ్యర్థుల కోసం విడివిడిగా ప్రత్యేక నోటిఫికేషన్లను కూడా విడుదల చేసింది. ఆసక్తి గల అభ్యర్థులు సంబంధిత PDF ఫైల్‌ను డౌన్‌లోడ్ చేసుకుని, దరఖాస్తు చేసుకునే ముందు అప్లికేషన్ నిబంధనలను క్షుణ్ణంగా చదువుకోవాలి. ఇది సెంట్రలైజ్డ్ ఎంప్లాయిమెంట్ నోటిఫికేషన్ (CEN) 06/2026 (గ్రాడ్యుయేట్ స్థాయి పోస్టుల కోసం), 07/2026 (12వ తరగతి పోస్టుల కోసం).
పరీక్షా విధానంలో కొన్ని కీలకమైన మార్పులు కూడా చోటుచేసుకున్నాయి. 12వ తరగతి అభ్యర్థులు దరఖాస్తు చేసుకునే పోస్టుల విషయంలో టైపింగ్ స్కిల్ టెస్ట్‌ను తొలగించారు. ఈ మార్పు ముఖ్యంగా అకౌంట్స్ క్లర్క్ కమ్ టైపిస్ట్, జూనియర్ క్లర్క్ కమ్ టైపిస్ట్ వంటి పోస్టులకు వర్తిస్తుంది. అలాగే, గ్రాడ్యుయేట్ స్థాయి పోస్టులలో స్టేషన్ మాస్టర్ ఉద్యోగాలకు సంబంధించి 06/2026 నోటిఫికేషన్‌లో కాకుండా, ప్రత్యేకంగా మరో నోటిఫికేషన్ విడుదల చేశారు. ప్రస్తుత పోస్టల్ లిస్టు నుండి ట్రాఫిక్ అసిస్టెంట్ పోస్టులను , CBAT అవసరం లేని కొన్ని గ్రాడ్యుయేట్ స్థాయి పోస్టులను కూడా తొలగించారు.
గ్రాడ్యుయేట్ స్థాయి పోస్టుల వివరాలు:
మొత్తం 3,548 గ్రాడ్యుయేట్ పోస్టుల భర్తీకి అర్హత ఏమిటంటే, అభ్యర్థి గుర్తింపు పొందిన విశ్వవిద్యాలయం నుండి డిగ్రీ పట్టా కలిగి ఉండాలి. వయోపరిమితి విషయానికి వస్తే, అభ్యర్థుల వయస్సు 18 నుండి 33 ఏళ్ల మధ్య ఉండాలి. ఖాళీల వివరాలు ఇలా ఉన్నాయి:
- గూడ్స్ ట్రెయిన్ మేనేజర్: 200 పోస్టులు
- ట్రాఫిక్ డిపార్ట్‌మెంట్: 750 పోస్టులు
- చీఫ్ కమర్షియల్ కమ్ టికెట్ సూపర్వైజర్: 127 పోస్టులు
- జూనియర్ అకౌంట్స్ అసిస్టెంట్ కమ్ టైపిస్ట్: 300 పోస్టులు
- సీనియర్ క్లర్క్ కమ్ టైపిస్ట్: 371 పోస్టులు
మొత్తంగా ఈ విభాగంలో 3,548 పోస్టులు ఉన్నాయి.
ఇంటర్మీడియట్ స్థాయి పోస్టుల వివరాలు:
12వ తరగతి ఉత్తీర్ణులైన అభ్యర్థులకు కనిష్ట వయస్సు 18 ఏళ్లు, గరిష్ట వయస్సు 30 ఏళ్లు ఉండాలి.
- ట్రైన్స్ క్లర్క్: 188 పోస్టులు
- కమర్షియల్ కమ్ టికెట్ పోస్టులు: 700 పోస్టులు
- అకౌంట్ క్లర్క్ కమ్ టైపిస్ట్: 200 పోస్టులు
- జూనియర్ క్లర్క్ కమ్ టైపిస్ట్: 600 పోస్టులు
మొత్తంగా ఇంటర్ స్థాయిలో 1688 పోస్టులు అందుబాటులో ఉన్నాయి.
ఎంపిక ప్రక్రియ:
ఆర్‌ఆర్‌బీ ఎన్టీపీసీ ఎంపిక విధానం ప్రకారం మూడు దశల్లో పరీక్షలు నిర్వహిస్తారు:
1. మొదటి దశలో కంప్యూటర్ ఆధారిత పరీక్ష (CBT 1) ఉంటుంది.
2. రెండో దశలో కూడా కంప్యూటర్ ఆధారిత పరీక్ష (CBT 2).
3. అనంతరం డాక్యుమెంట్ వెరిఫికేషన్, మెడికల్ ఎగ్జామినేషన్ నిర్వహించి అభ్యర్థులను ఎంపిక చేస్తారు.
జీతం ఇతర ప్రయోజనాలు:
ఎంపికైన అభ్యర్థులకు 7వ పే కమిషన్ ప్రకారం జీతం లభిస్తుంది. దీనితో పాటు డీఏ (DA), ట్రాన్స్‌పోర్ట్ అలవెన్స్, హౌస్ రెంట్ (HRA), పెన్షన్, మెడికల్ బెనిఫిట్స్ వంటి అనేక ఇతర సౌకర్యాలను కూడా పొందుతారు.
Read Also: కేంద్ర ప్రభుత్వ ఉద్యోగాల వేటలో ఉన్నారా? రైల్వేలో 3,477 భారీ ఖాళీలు.. జీతం ఎంతంటే?
నెట్ జీతం వివరాలు:
- జూనియర్ క్లర్క్ కమ్ టైపిస్ట్: రూ.19,900
- అకౌంట్స్ క్లర్క్ కమ్ టైపిస్ట్: రూ.19,900
- ట్రైన్స్ క్లర్క్: రూ.19,190
- కమర్షియల్ కమ్ టికెట్: రూ.21,700
- గూడ్స్ ట్రెయిన్ మేనేజర్: రూ.29,200
- చీఫ్ కమర్షియల్ కమ్ టికెట్ సూపర్వైజర్: రూ.35,400
- సీనియర్ క్లర్క్ కమ్ టైపిస్ట్: రూ.29,200
- జూనియర్ అకౌంట్స్ అసిస్టెంట్ కమ్ టైపిస్ట్: రూ.29,200
