Tamil nadu: తమిళనాడులో అమానవీయం.. మూడేళ్ల బాలుడి చేతికి ప్లాస్టర్ చుట్టి పైశాచీకం.. వీడియో వైరల్..
Three years boy tortured in tamil nadu: ప్రీ కేజీ బాలుడు తన చేతికి చుట్టిన ప్లాస్టర్ తీసేయాలని అక్కడున్న సిబ్బందికి చెప్పిన కూడా పట్టించుకోలేదు. తమిళనాడులో చోటుచేసుకున్న ఈ ఘటనపై చర్యలు తీసుకొవాలని నెటిజన్లు డిమాండ్ చేస్తున్నారు.
Three years old prekg student tortured in tamil nadu school: చాలా మంది తల్లిదండ్రులు తమ పిల్లలను మంచి ప్రయోజకుల్ని చేయడానికి పగలనక, రాత్రనక కష్టపడుతుంటారు. కొంత మంది తమ పిల్లల్ని సర్కారు బడుల్లో చదివిస్తే, మరికొంత మంది ప్రైవేటు స్కూళ్లలో జాయిన్ చేస్తున్నారు. తమ పిల్లలకు మంచి చదువు చెప్పాలని, ప్రత్యేకంగా శ్రద్ద తీసుకొవాలని చెబుతూ టీచర్లకు రిక్వెస్ట్ లు చేస్తారు. అయితే.. ఇటీవల కొంత మంది ఉపాధ్యాయులు పవిత్రమైన వృత్తిలో ఉండి దానికి మాయని మచ్చగా మారుతున్నారు. స్కూల్ పిల్లల్ని వేధించడం, స్కూల్లో కొట్టడం , తప్పతాగి రావడం వంటివి చేస్తున్నారు. కొంత మంది ఇలాంటి పనులుచేసిన మొత్తంగా పవిత్రమైన వృత్తికే చెడ్డపేరు వచ్చేలా సిట్యువేషన్ మారిపోయింది. ఈ క్రమంలో తమిళనాడులోని తిరువారూర్ జిల్లాలో తీవ్ర విషాదం చోటు చేసుకుంది.
తమిళనాడులోని తిరువారూర్ జిల్లాలో షాకింగ్ ఘటన చోటు చేసుకుంది. తిరుత్తురైపూండిలోని ఒక ప్రైవేట్ పాఠశాలలో మూడేళ్ల ప్రీ-కేజీ బాలుడి పట్ల సిబ్బంది పైశాచీకంగా ప్రవర్తించారు. బాలుడి చేతికి కాళ్లు ప్లాస్టర్ లు చుట్టి వేధించారు. మరోవైపు క్లాసులో టీచర్ తన పనిలో బిజీగా ఉన్నారు. మహిళ అటెండర్ లను బాలుడు ప్లాస్టర్ తీసేయాలని చెప్పిన కూడా విన్పించుకోలేదు.
బాలుడికి చేతికి తీవ్ర గాయాలు కావడంతో తల్లిదండ్రులు స్కూల్ కు వచ్చి సీసీ ఫుటేజీ చూడగా ఈ ఘటన వెలుగులోకి వచ్చింది. తమ కొడునును వేధింపులకు గురిచేసిన స్కూల్ సిబ్బందిపై చర్యలు తీసుకొవాలని పోలీస్ స్టేషన్ కు వెళ్లి బాలుడి తల్లిదండ్రులు ఫిర్యాదు చేశారు. ఈ ఘటనపై పోలీసులు కేసు నమోదు చేసి విచారణ చేపట్టారు. ఈ వీడియో నెట్టింట వైరల్గా మారడంతో దీనిపై చర్యలు తీసుకొవాలని నెటిజన్లు విద్యాశాఖను డిమాండ్ చేస్తున్నారు.