CM Yogi Adityanath emotional in his mother final rites: ఉత్తర ప్రదేశ్ ముఖ్యమంత్రి యోగి ఆదిత్యనాథ్ తల్లి సావిత్రీ దేవీ ఇటివల శివైక్యం చెందారు. ఉత్తరాఖండ్ లోని పౌరీ గడ్వాల్ జిల్లాలోని ఆయన పూర్వీకుల గ్రామంలో అంత్యక్రియల్ని నిర్వహించారు. యూపీ తల్లి అంతిమ సంస్కారాలకు భారీగా బీజేపీ నేతలు, కార్యకర్తలు, గ్రామస్తులు తరలివచ్చారు. తన తల్లి పాడే మోసీ కన్నీళ్లు పెట్టుకున్నారు. ఈ క్రమంలో ఎక్స్ వేదికగా సీఎం యోగి ఆదిత్యనాథ్ భావొద్వేగంకు గురయ్యాడు. తల్లిని మించిన దైవంలేదని, నీడ, ఆశ్రయం, ప్రేమ గొప్పదని పేర్కొన్నారు.
ఢిల్లీకి రాజైనా తల్లికి కొడుకేగా... తన తల్లికి అంతిమ వీడ్కోలు పలుకుతూ, తీవ్ర భావోద్వేగానికిలోనై కంటతడి పెట్టిన ఉత్తరప్రదేశ్ ముఖ్యమంత్రి యోగి ఆదిత్య నాథ్ గారు. 💔🥺 https://t.co/kfilsMpEa1
— Saikumar Mittapelly (@SaiMittapelly) November 21, 2026
సావిత్రిబాయి 91 ఏళ్ల వయసులోతుదిశ్వాస విడిచారు. పంచూర్ లో కార్యక్రమాలు ముగిసిన తర్వాత పార్థివ దేహంను హరిద్వార్ లోని చండీ ఘాట్ కు తరలించి అంత్యక్రియలు నిర్వహించారు. ఆతర్వాత తన తల్లి శ్రీరాముడి పాదాల చెంతకు చేరుకున్నారని, ఆమె ఆత్మ శాంతిని ప్రసాదించాలని శ్రీరాముడ్ని ప్రార్థినట్లు చెప్పుకొచ్చారు. మరోవైపు పోలీసులు సైతం అప్రమత్తంగా ఉండి కట్టుదిట్టమైన భద్రతా ఏర్పాట్లు చేశారు.
ఉత్తరాఖండ్ ముఖ్యమంత్రి పుష్కర్ సింగ్ ధామితో సహా ఉత్తర ప్రదేశ్, ఉత్తరాఖండ్ రాష్ట్రాలకు చెందిన ప్రముఖ రాజకీయ నాయకులు, మంత్రులు, పార్టీ అధికారులు, సాధువులు, వివిధ సామాజిక సంస్థల ప్రతినిధులు ఘాట్ వద్ద హాజరయ్యారు. అంతే కాకుండా.. సంజయ్ నిషాద్ వంటి యూపీ సీనియర్ మంత్రులు, పలువురు సీనియర్ అధికారులు అంతిమ యాత్రలో పాల్గొన్నారు.
ప్రధానమంత్రి నరేంద్ర మోదీ, రక్షణ మంత్రి రాజ్నాథ్ సింగ్, కేంద్ర హోం మంత్రి అమిత్ షాతో పాటు పలువురు ముఖ్యమంత్రులు, సమాజ్వాదీ పార్టీ అధినేత అఖిలేష్ యాదవ్, సీనియర్ నాయకుడు అజం ఖాన్ వంటి అపోసిషన్ అగ్ర నాయకులు, బీఎస్పీ అధినేత్రి మాయావతి, యూపీసీసీ అధ్యక్షురాలు ఆరాధనా మిశ్రా మోనా వంటి కాంగ్రెస్ నాయకులు యోగి ఆదిత్యనాథ్ తల్లి మృతి పట్ల సంతాపం తెలిపారు.