Radhika Apte: యాక్షన్ సీన్ పేరుతో అలాంటి డిమాండ్.. బోల్డ్ సీన్లు చేస్తానని ఏ సీన్‌కైనా ఒప్పుకుంటానా..రాధికా ఆప్టే ఫైర్!

రాధికా ఆప్టే లేటెస్ట్ న్యూస్

వైవిధ్యమైన పాత్రలకు పేరు తెచ్చుకున్న రాధికా ఆప్టే సినిమాల ఎంపికలో చాలా జాగ్రత్తగా ఉంటారు. పాత్రకు ప్రాధాన్యం ఉన్న సినిమాల్లో నటించేందుకు ఆమె ఎక్కువగా ఆసక్తి చూపిస్తుంటారు. బోల్డ్ పాత్రలు చేయడంలో కూడా ఆమెకు అభ్యంతరం లేదు. అయితే కేవలం ప్రేక్షకుల దృష్టిని ఆకర్షించడానికి అవసరం లేని సన్నివేశాలను పెట్టడాన్ని మాత్రం ఆమె అంగీకరించరని తాజా వ్యాఖ్యల ద్వారా తెలుస్తోంది.

బాలీవుడ్ హీరోయిన్ రాధికా ఆప్టే

తన కెరీర్‌లో ఎదురైన ఓ అనుభవాన్ని రాధికా ఆప్టే తాజాగా గుర్తుచేసుకున్నారు. ఒక సినిమాలో యాక్షన్ సీన్ కోసం తన దుస్తుల విషయంలో ఓ వ్యక్తి కొన్ని సూచనలు చేశారని ఆమె తెలిపారు. ఆ సన్నివేశంలో షర్ట్ బటన్లు విప్పి నటించాలని అడిగారని చెప్పారు. యాక్షన్ సీన్‌కు అలాంటి దుస్తులు సౌకర్యంగా ఉండవని తాను చెప్పినప్పటికీ, మరో విధంగా ఆ సన్నివేశం చేయాలని కూడా సూచించారని ఆమె వెల్లడించారు. చివరికి ఆ సన్నివేశంలో నటించేందుకు తాను అంగీకరించలేదని చెప్పారు.

బోల్డ్ సీన్స్

ఒకసారి బోల్డ్ సీన్‌లో నటించినంత మాత్రాన ప్రతి సినిమాలో, ప్రతి సన్నివేశానికి ఓకే చెబుతారని అనుకోవడం సరికాదని రాధిక స్పష్టం చేశారు. కథలో భాగంగా, పాత్రకు అవసరమైన సన్నివేశం అయితే చేయడానికి తనకు అభ్యంతరం లేదని చెప్పారు.

రాధికా ఆప్టే యాక్షన్ సీన్

అలాగే కొందరు మేకర్స్ బోల్డ్ సన్నివేశాలను చాలా సాధారణ విషయంగా చూస్తారని ఆమె పేర్కొన్నారు. ఉదాహరణకు చిన్న కిస్ సీన్ కాబట్టి చేసేయొచ్చనే విధంగా మాట్లాడటం తనకు ఆశ్చర్యంగా అనిపిస్తుందని తెలిపారు. ఏ సన్నివేశమైనా కథకు ఉపయోగపడేలా ఉండాలని ఆమె అభిప్రాయపడ్డారు.

సినిమా షూటింగ్ అనుభవం

రాధికా ఆప్టే ప్రస్తుతం 'లస్ట్ స్టోరీస్ 3'లో కనిపిస్తున్నారు. ఆమె చేసిన ఈ వ్యాఖ్యలు సినీ వర్గాల్లో చర్చకు దారితీశాయి.