- జీ తెలుగు న్యూస్
- /ఫోటోలు
- /శ్రీవారి సేవలో అద్భుతం.. ధనుర్భంగం ఘట్టాన్ని తలపిస్తూ దివ్యదర్శనం.. మార్మోగిన తిరుమల మాడ వీధులు!
శ్రీవారి సేవలో అద్భుతం.. ధనుర్భంగం ఘట్టాన్ని తలపిస్తూ దివ్యదర్శనం.. మార్మోగిన తిరుమల మాడ వీధులు!
Written ByRenuka Godugu
Published: Oct 15, 2026, 08:14 AM IST|Updated: Oct 15, 2026, 08:18 AM IST
తిరుమలలో నవరాత్రి ఉత్సవాలు అంగరంగ వైభవంగా జరుగుతున్నాయి. నిన్న బుధవారం మూడవ రోజున మలయప్ప స్వామి, శ్రీదే, భూదేవి సమేతంగా ముత్యపు పందిరిపై భక్తులకు దర్శనమిచ్చారు. ఈ సందర్భంగా ధనుర్భంగం ఘట్టాన్ని స్మరిస్తూ, శ్రీ రామచంద్ర మూర్తి, సీతారామ లక్ష్మణుల అలంకారంలో స్వామి వారు భక్తులకు కనువిందు చేశారు. ఆ దివ్యమంగళ రూపాన్ని దర్శించుకుని భక్తులు పరవశించిపోయారు.
1/5తిరుమల తిరుపతి దేవస్థానం
ముఖ్యంగా ముత్యపు పందిరిపై సీతారాముల అలంకారంలో, ధనుర్భంగం ఘట్టాన్ని తలపిస్తూ స్వామి వారు దివ్యదర్శనం ఇచ్చారు. ఆ ప్రాంతమంతా గోవింద నామస్మరణలతో మారుమోగిపోయింది. అక్కడ జరిగిన వాహన సేవలో కళాబృందాల ప్రదర్శనలు ప్రత్యేక ఆకర్షణగా నిలిచాయి.
2/5ముత్యపుపందిరి వాహన సేవ
పెద్ద సంఖ్యలో భక్తులు స్వామి వారిని దర్శించుకుని వీధుల్లోకి వచ్చారు. ఈ ముత్యపు పందిరి ప్రత్యేకత ఏమిటంటే, ముత్యాలు ప్రశాంతతకు ప్రతీకలుగా ఉండి చల్లదనాన్ని అందిస్తాయి. ముత్యపు పందిరిపై శ్రీ మలయప్ప స్వామిని శ్రీదేవి, భూదేవి సమేతంగా దర్శించుకోవడం వల్ల భక్తులకు సకల శుభాలు కలుగుతాయని వారి విశ్వాసం.
3/5తిరుమల నవరాత్రి ఉత్సవాలు
ఈ ముత్యపు పందిరి వాహన సేవలో జాతీయ కళారూపాల ఆధ్యాత్మిక వైభవం కూడా చోటుచేసుకుంది. మొత్తంగా తొమ్మిది రాష్ట్రాలకు చెందిన 16 కళాబృందాలు, 415 మంది కళాకారులు తమ ప్రదర్శనలతో కనువిందు చేశారు.
4/5తిరుమల వార్తలు
సనాతన ధర్మం, భారతీయ సంస్కృతి, సంప్రదాయాల సమ్మేళనంగా సాగిన ఈ వేడుకల్లో కేరళకు చెందిన మయూరి నృత్యం, ఒడిశా సంబల్పూరి నృత్యం, హిమాచల్ ప్రదేశ్ మణిపూరి నృత్యం, పశ్చిమ బెంగాల్, మహారాష్ట్రకు చెందిన కళా ప్రదర్శనలు విశేషంగా ఆకట్టుకున్నాయి.
5/5తిరుమల వేడుకలు
ఇక తిరుమల లో భక్తుల రద్దీ కొనసాగుతోంది నవరాత్రి బ్రహ్మోత్సవాల్లో భాగంగా ప్రతిరోజు ఒక్క అవతారంలో శ్రీవారు దర్శి దర్శించుకుంటున్నారు. నిన్న ఒక్కరోజే 84 వేల మందికి పైగా శ్రీవారిని దర్శించుకోగా అందులో 31 వేల మందికి పైగా తలనీలాలు సమర్పించారు.TAGS:
Trending
- News
- Photos
- Videos
)