జీ తెలుగు న్యూస్
/ఫోటోలు
/తిరుమల బ్రహ్మోత్సవాలు.. హంస వాహనంపై సరస్వతీ దేవి అలంకారంలో శ్రీ మలయప్పస్వామి దివ్యదర్శనం!

తిరుమల బ్రహ్మోత్సవాలు.. హంస వాహనంపై సరస్వతీ దేవి అలంకారంలో శ్రీ మలయప్పస్వామి దివ్యదర్శనం!

Published: Oct 14, 2026, 07:49 AM IST|Updated: Oct 14, 2026, 07:54 AM IST

తిరుమలలో భక్తుల రద్దీ కొనసాగుతోంది. నిన్న ఒక్కరోజే 84 వేల మందికి పైగా శ్రీవారిని దర్శించుకోగా, హుండీ ఆదాయం రూ. 3.1 కోట్లుగా నమోదైంది. ప్రస్తుతం శ్రీవారి దర్శనం కోసం భక్తులు మొత్తం 23 కంపార్ట్‌మెంట్లలో వేచి చూస్తున్నారు. తిరుమలలో నవరాత్రి ఉత్సవాలు జరుగుతున్న నేపథ్యంలో, నిన్న మలయప్ప స్వామి వారు హంస వాహనంపై, సరస్వతి దేవి అలంకారంలో భక్తులకు కనువిందు చేశారు.

1/5

హంస వాహనంపై శ్రీ మలయప్పస్వామి

నవరాత్రి బ్రహ్మోత్సవాల కారణంగా తిరుమలలో భక్తుల రద్దీ అధికంగా ఉంది. నవరాత్రుల భాగంగా రెండో రోజు రాత్రి శ్రీవారు వీణ ధరించి, సరస్వతి అలంకారంలో భక్తులను అలరించారు. విద్య, జ్ఞానం వివేకానికి ప్రతీకగా నిలిచిన స్వామి వారి ఈ దివ్య మంగళ రూపం భక్తులను విశేషంగా ఆకట్టుకుంది. ఈ వాహన సేవలో పలు రాష్ట్రాల కళాకారుల బృందాలు కూడా ప్రదర్శనలు ఇచ్చారు.

2/5

తిరుమల బ్రహ్మోత్సవాలు 2026

నవరాత్రి ఉత్సవాల్లో భాగంగా జరిగిన హంస వాహన సేవలో భారతీయ శాస్త్రీయ, జానపద కళారూపాలు భక్తులను మంత్రముగ్ధులను చేశాయి. డోగ్రి, చక్రి, ఛాత్‌ పూజ వంటి విశిష్ట కళారూపాలతో మాడవీధుల్లో సాంస్కృతిక వైభవం కనిపించింది.

3/5

సరస్వతీ అలంకారంలో శ్రీవారు

ఆంధ్రప్రదేశ్‌తో పాటు మొత్తం పది రాష్ట్రాల నుంచి వచ్చిన 16 కళాబృందాలకు చెందిన 443 మంది కళాకారులు ప్రదర్శనలు చేశారు. వీరు కూచిపూడి, భరతనాట్యం, డోలు, జమ్మూ కాశ్మీర్‌కు చెందిన ఢోగ్రీ నృత్యంతో భక్తులను అలరించారు.

4/5

తిరుమల తిరుపతి దేవస్థానం

ప్రస్తుతం తిరుమలలో భక్తుల రద్దీ ఎక్కువగా ఉండటంతో, శ్రీవారి దర్శనం కోసం మొత్తం 23 వెయిటింగ్ కంపార్ట్‌మెంట్లలో భక్తులు వేచి చూడాల్సి వస్తోంది. SSD టోకెన్లు లేకుండా సర్వదర్శనానికి సుమారు 10 గంటల సమయం పడుతోంది.

5/5