శరన్నవరాత్రుల్లో అఖండ దీపం వెలిగిస్తున్నారా? దిశ, నూనె, వత్తుల విషయంలో ఈ జాగ్రత్తలు తప్పనిసరి!

Akhand Deepam Rules 2026: నవరాత్రల్లో అఖండ దీపం వెలిగిస్తారు. ఈసారి దసరా పండుగ 2026 అక్టోబర్‌ 20వ తేదీన జరుపుకోనున్నారు. దీనికి ముందుగానే నవరాత్రులు అక్టోబర్‌ 11వ తేదీనే ప్రారంభం అవుతాయి. ఒక్కోరోజు ఒక్కో దుర్గాదేవి అవతారాలను పూజిస్తారు. అయితే, నవరాత్రులను అత్యంత భక్తి శ్రద్ధలతో చేసుకుంటారు. ఈ నవరాత్రులకు మీ ఇంట్లో అఖండ దీపం వెలిగిస్తున్నారా? ఇది తప్పనిసరి. చెడుపై మంచి విజయానికి ప్రతీక. అఖండ జ్యోతి 9 రోజులపాటు వెలుగుతూ ఉండాలి. ఈ పండుగ మన ఇంటికి సుఖసంతోషాలను అందిస్తుంది. అయితే, ఇంట్లో అఖండ జ్యోతి వెలిగించినప్పుడు కొన్ని వాస్తు నియమాలను అనుసరించి పెట్టాలి. తద్వారా ఆ ఇల్లును దుర్గామాత పాజిటివ్‌ ఎనర్జీతో నింపుతుంది. శరన్నవరాత్రులు కలశస్థాపన కూడా చేస్తారు. దసరాతో ఈ నవరాత్రులు ముగుస్తాయి. అయితే, ఈ నవరాత్రుల మొదటిరోజు అఖండ జ్యోతి వెలిగించాలి. తొమ్మిదిరోజులపాటు వెలిగిస్తారు. దీనివల్ల ఇంట్లో నెగిటివ్‌  ఎనర్జీ కూడా తొలగిపోతుంది.

వాస్తు నిపుణుల ప్రకారం అఖండ జ్యోతి వెలిగించడానికి కొన్ని నియమాలు ఉన్నాయి.. వాటిని అనుసరించి వెలిగించాలి. ఇంట్లో కలశంతోపాటు ఈ అఖండ దీపం ఇంటికి ఒక సానుకూల వాతావరణాన్ని తీసుకువస్తుంది.

అయితే, ఈ అఖండ జ్యోతి వెలిగిస్తే స్వచ్చమైన నెయ్యి వాడాలి. నెయ్యితో అఖండ జ్యోతి వెలిగిస్తే దుర్గామాతకు కుడివైపున పెట్టాలి. ఒక వేళ నూనెతో వెలిగిస్తే ఎడమవైపున ఏర్పాటు చేసుకోవాలి. అంతేకాదు ఈ అఖండ దీపం అడుగు భాగంలో కూడా కాస్త బియ్యం, నల్ల నువ్వులు, మినపప్పు కూడా వేసి పెట్టాలి. ఈ దీపం తూర్పు, పడమర, ఉత్తరం దిక్కున ఉండేలా చూడాలి. దక్షిణం దిశగా పొరపాటున కూడా పెట్టుకూడదు.

దీపం పెట్టేముందు నెయ్యి లేదా నూనె నిండుగా వేయాలి. తద్వారా దీపం కొండెక్కకుండా ఉంటుంది. అయితే, దీపం పెట్టి దానిపై ఒక గాజు చిమ్మి కూడా పెడితే గాలికి అఖండ దీపం కొండెక్కకుండా ఉంటుంది.

ఎందుకంటే నవరాత్రుల్లో తొమ్మిదిరోజులపాటు ఈ దీపం కొండెక్కకుండా జాగ్రత్త తీసుకోవాలి. ఒకవేళ పొరపాటున దీపం కొండెక్కితే అమ్మవారికి మనస్పూర్తిగా పూజించి, క్షమించమని అడిగి.. మరో వత్తి వేసి వెలిగించండి. అయితే, అఖండ జ్యోతి తొమ్మిది రోజులు గడచిన తర్వాత కూడా వెలుగుతుంటే పొరపాటున కూడా ఆర్పకండి. నూనె లేదా నెయ్యి పూర్తవ్వనివ్వండి.

నవరాత్రల్లో తొమ్మిది రోజులపాటు ఈ అఖండ దీపం వెలిగిస్తే ఇంట్లో నెగిటివ్‌ ఎనర్జీ తొలగిపోతుంది.  ఎలాంటి కష్టాలు వచ్చినా తొలగుతాయి. ఆర్థిక స్థిరత్వం పొందుతారు. ఇంట్లో సుఖసంతోషాల వాతావరణం నెలకొంటుంది. ఇలా దీపం వెలిగించడం వల్ల ఇంట్లో ఉన్నవారికి కూడా విజయం వరిస్తుంది. (Disclaimer: ఇక్కడ అందించిన జ్యోతిష్య సమాచారం సాధారణ నమ్మకాలు, పంచాంగాలు, జ్యోతిష్య అభిప్రాయాల ఆధారంగా మాత్రమే ఇవ్వబడింది. దీనిని శాస్త్రీయంగా నిర్ధారించబడిన సమాచారంగా పరిగణించరాదు. ఈ సమాచారాన్ని మా Zee Telugu News స్వతంత్రంగా ధృవీకరించలేదు.)