కార్తీక మాసంలో ఉసిరి దీపం ఎందుకు వెలిగిస్తారు..! విశిష్ఠత ఇదే..!

Karthika Masam Usiri Deepam: కార్తీక దీపాలు అంటే సాధారణంగా ఒత్తులతో చేసి వెలిగించేవే. పత్తితో చేసిన వత్తులను ఆవు నెయ్యితో నానబెట్టి వాటిని అరటి డొప్పల్లో పెట్టి వెలిగిండం ఆనవాయితీగా వస్తోంది. ముఖ్యంగా కార్తీక మాసంలో ఉసిరి దీపాలకు ఎంతో ప్రాముఖ్యత ఉంది. ఉసిరి కాయతో దీపాలు పెడితే అన్ని శుభాలు జరుగుతాయనేది విశ్వాసం.

నవగ్రహ పరిహారం.. 
దీని వల్ల నవగ్రహ పరిహారం జరుగుతుందని చాలా మందికి తెలియదు. ఉసిరి కాయ గుండ్రంగా ఉండడం వల్ల దానిలో దీపం ఎలా పెట్టాలన్నది చాలామందికి సందేహంగా ఉంటుంది.మరి ఉసిరికాయతో దీపం ఎలా పెట్టాలో ఇప్పుడు తెలుసుకుందాం.

ఉసిరి దీపం అధిక ప్రయోజనాలు.. 
ఉసిరి దీపం వెలిగిస్తే అధిక ప్రయోజనాలుంటాయి. ఉసిరి చెట్టు సాక్షాత్తు ఈశ్వర స్వరూపంగానే కొలుస్తారు. ఉసిరిలో బ్రహ్మ శివకేవులతో పాటు సకల దేవతతో ఉసిరి చెట్టులో కొలువై ఉంటారని శాస్త్ర వచనం.మరీ ముఖ్యంగా దశమి, ఏకాదశి, సోమవారం, పౌర్ణమి తిథుల్లో ఉసిరి చెట్టు కింద దీపాలు వెలిగిస్తే మనకున్న సమస్త గ్రహదోషాలు తొలిగిపోతాయని మన పురాణాల్లో ఉంది. .

కార్తీక మాసం అంటేనే ఉసిరికి ప్రతీక.. 
కార్తీక పౌర్ణమీ రోజున ఉసిరికాయను తీసుకొని దాని మధ్యలో గుండ్రంగా కట్ చేయాలి. దీంతో దీపం తయారు అవుతుంది. ఇలా ఉసిరి దీపం వెలిగిస్తే శ్రీ మహావిష్ణువు, లక్ష్మీదేవి సంతోషిస్తారట.  మరి ముఖ్యంగా ఇంటికి నరదిష్టి తొలగిపోతుందని పండితులు చెబుతున్న మాట. మొత్తంగా కార్తీక మాసంలో ఉసిరితో దీపాలు పెడితే.. ఆయుర్ధాయంతో పాటు ఐశ్వర్యం పెరుగుతుంది.

Disclaimer: మేము ప్రస్తావించబడిన అంశాలు.. హిందూ ధర్మ శాస్త్ర గ్రంథాలు, పురాణాలు.. పీఠాధిపతులు, పండితులు చెప్పిన దాన్నే మేము ప్రస్తావించాము. జీ న్యూస్ ఈ వార్తను ధృవీకరించడం లేదు.