Mohsin Naqvi Asia Cup: ఆసియా కప్‌లో నఖ్వీ ట్రోఫీ డ్రామా.. బీసీసీఐ ఘాటు స్పందనతో టీమ్ఇండియా సంచలన నిర్ణయం

Mohsin Naqvi Asia Cup BCCI: మహిళల ఆసియా కప్ టీ20 టోర్నమెంట్‌లో ఒక్క మ్యాచ్‌లో కూడా ఓటమి లేకుండా భారత మహిళల క్రికెట్ జట్టు అద్భుత ప్రదర్శనతో వరుసగా ఎనిమిదోసారి ఛాంపియన్‌గా నిలిచింది. ఆదివారం జరిగిన ఆసియా కప్ ఫైనల్ మ్యాచ్‌లో శ్రీలంకపై భారత్ 72 పరుగుల భారీ తేడాతో ఘన విజయం సాధించింది. ఈ మ్యాచ్‌లో భారత బ్యాటర్లు షెఫాలి వర్మ, స్మృతి మంధాన, తెలుగమ్మాయి శ్రీచరణి, దీప్తి శర్మ అత్యుత్తమ మెరుపులతో లంక జట్టును పూర్తిగా చిత్తు చేశారు.

నఖ్వీ చేతుల మీదుగా ట్రోఫీ నిరాకరణ..
టోర్నీ ముగిసిన అనంతరం జరిగిన బహుమతి ప్రదానోత్సవంలో ఏసీసీ అధ్యక్షుడు, పాకిస్థాన్ మంత్రి మోసిన్ నఖ్వీ వేదికపై ఉండటంతో ఆయన నుంచి ట్రోఫీని అందుకోవడానికి భారత జట్టు క్రీడాకారిణులు నిరాకరించారు. ఫైనల్ మ్యాచ్‌ను వీక్షించేందుకు హాజరైన బీసీసీఐ ఉపాధ్యక్షుడు రాజీవ్ శుక్లా, బీసీసీఐ కార్యదర్శి దేవజిత్ సైకియా కూడా ప్రెజెంటేషన్ పోడియంకు దూరంగా ఉండిపోయారు.

ఈ నాటకీయ పరిణామంపై భారత మహిళల జట్టు ప్రధాన కోచ్ అమోల్ మజుందార్ స్పందిస్తూ.. "భారత జట్టు ఆసియా కప్ ఛాంపియన్ అని స్కోర్ బోర్డుపై పెద్ద అక్షరాలతో అందరికీ కనిపించింది, అది చాలు. ట్రోఫీ తీసుకున్నా తీసుకోకపోయినా మాకు ఎలాంటి పట్టింపు లేదు. నఖ్వీ నుంచి ట్రోఫీని స్వీకరించకూడదనేది బీసీసీఐ స్పష్టమైన వైఖరి" అని తెలిపారు.

బీసీసీఐ కార్యదర్శి దేవజిత్ సైకియా వ్యాఖ్యలు..
ఈ వ్యవహారంలో బీసీసీఐ కార్యదర్శి దేవజిత్ సైకియా పూర్తి వివరాలను వెల్లడించారు. "గత ఏడాది పహల్గాం ఘటన తర్వాత పరిస్థితులు పూర్తిగా మారిపోయాయి. పొరుగు దేశంతో క్రికెట్ సంబంధాలు పెట్టుకోవద్దని ప్రజల నుంచి తీవ్ర ఒత్తిడి ఉంది. అంతర్జాతీయ టోర్నమెంట్లలో అన్ని దేశాలతో ఆడటం ప్రభుత్వ విధానమైనప్పటికీ, మన దేశ ప్రయోజనాలకు వ్యతిరేకంగా పనిచేస్తున్న నాయకుల చేతుల మీదుగా ట్రోఫీని తీసుకోలేము" అని స్పష్టం చేశారు.

గత ఏడాది పురుషుల ఆసియా కప్‌లో పురుషుల జట్టు తీసుకున్న నిర్ణయానికి మహిళల జట్టు కూడా పూర్తి సంఘీభావం తెలిపిందని, ఈ పరిణామం జట్టు సాధించిన విజయాన్ని లేదా ప్రదర్శనను ఏమాత్రం తగ్గించదని ఆయన పేర్కొన్నారు.

Also Read: US Open Final 2026: యూఎస్ ఓపెన్‌లో సంచలనం..సబాలెంకాను ఓడించిన కజకిస్థాన్ రిబాకినా..

Also REad: నేడు భారత్ Vs బంగ్లాదేశ్ మధ్య సెమీఫైనల్ మ్యాచ్..ఆసియా కప్‌ ట్రోఫీకి చేరువలో భారత్!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook