బతుకమ్మ, దసరా ఎఫెక్ట్.. ప్రయాణికులతో కిక్కిరిసిన హైదరాబాద్ బస్టాండ్లు, రైల్వే స్టేషన్లు!

Telangana Dasara Holidays: తెలంగాణలో అతి పెద్ద పండుగగా భావించే బతుకమ్మ, దసరా పర్వదినాలను పురస్కరించుకొని నగరంలో ఉద్యోగాల కోసం వచ్చిన  వారు తమ స్వగ్రామాలకు పయనమవుతున్నారు. పాఠశాలలతో పాటు కళాశాలలు, అన్ని విద్యాసంస్థలు, కార్యాలయాలకు ప్రభుత్వం వరుస సెలవులు ప్రకటించడంతో హైదరాబాదులో పండగ సందడి ఒక్కసారిగా పెరిగిపోయింది.. కుటుంబ సమేతంగా పండగ జరుపుకునేందుకు ప్రజలు పెద్ద ఎత్తున సొంత ఊర్లకు వెళ్లడంతో సికింద్రాబాద్లోని జూబ్లీహిల్స్ బస్ స్టేషన్, సికింద్రాబాద్ ప్రధాన రైల్వే స్టేషన్ లు ప్రయాణికులతో కిటకిటలాడిపోతున్నాయి.. ఎటు చూసినా ప్రయాణికులే కనిపిస్తున్నారు..

ఉత్తర తెలంగాణ జిల్లాలైన.. ఉమ్మడి కరీంనగర్‌తో పాటు నిజామాబాద్ ఆదిలాబాద్, మెదక్, వరంగల్ ప్రాంతాలకు వెళ్లే వేలాదిమంది ప్రయాణికులు ఉదయం నుంచి జూబ్లీహిల్స్ బస్ స్టేషన్ కు చేరుకుంటున్నారు. ముఖ్యంగా పిల్లాపాపలతో లగేజీ సంచులతో బస్టాండ్ ప్రాంగణాలు పూర్తిగా నిండిపోయాయి. ప్రయాణికులు తమ ప్రాంతాలకు వెళ్లే బస్సుల కోసం ప్లాట్ఫామ్స్ పై వేసి చూస్తూ ఉన్నారు. వాటి సికింద్రాబాద్ రైల్వే స్టేషన్ లోనూ.. ఆంధ్రప్రదేశ్ తో పాటు తెలంగాణలోని వివిధ దూర ప్రాంతాలకు వెళ్లే రైళ్లన్నీ ప్రయాణికులతో కిక్కిరిసిపోతున్నాయి.. జనరల్ బోగీలతో పాటు రిజర్వేషన్ కోచ్‌లలోనూ విపరీతమైన రద్దీ కనిపిస్తోంది.

పండగ సీజన్లో ప్రయాణికులకు ఎలాంటి ఇబ్బందులు తలెత్తకుండా తెలంగాణ ప్రభుత్వం తో పాటు కేంద్ర ప్రభుత్వ కింద పని చేస్తే దక్షిణ మధ్య రైల్వే అధికారులు విస్తృతమైన ఏర్పాట్లు చేసినట్లు తెలుస్తోంది. ముఖ్యంగా టీజీఎస్ఆర్టీసీ ప్రయాణికుల రద్దీని ఎప్పటికప్పుడు సమీక్షిస్తూ డిపోల నుంచి తనకు బస్సులను కూడా రోడ్లపైకి తీసుకొస్తున్నారు.. రద్దీ ఎక్కువగా ఉన్న రూట్లలో సాధారణ సర్వీసులతో పాటు ప్రత్యేక బస్సులను నడుపుతున్నారు.

సుదూర ప్రాంతాలకు వెళ్లే వారి సౌకర్యార్థం దక్షిణ మధ్య రైల్వే పలుమార్గాల్లో ప్రత్యేకమైన రైలును కూడా అందుబాటులోకి తీసుకువచ్చినట్లు తెలుస్తోంది. టికెట్ కౌంటర్ల వద్ద రద్దీని నియంత్రించేందుకు అదనపు బుకింగ్ కౌంటర్ల తో పాటు ప్రత్యేకమైన ప్లాట్ఫాములపై ప్రయాణికులకు మార్గదర్శం చేసేందుకు ప్రత్యేకమైన సిబ్బందిని కూడా నియమించినట్లు తెలుస్తోంది.. భారీ రద్దీ నేపథ్యంలో బస్టాండ్లతో పాటు రైల్వేస్టేషన్లో ఇలాంటి అవంచనీయ ఘటనలు.. చోరీలు జరగకుండా పోలీసు తో పాటు సెక్యూరిటీ సిబ్బంది కట్టుదిట్టమైన భద్రతా చర్యలు చేపట్టినట్లు తెలుస్తోంది. ప్రయాణికులు సైతం తొందరపడకుండా అధికారుల సూచనలు పాటించి.. సురక్షితంగా తమ గమ్యస్థానాలకు చేరుకోవాలని రవాణా విభాగం అధికారులు సూచిస్తూ ఉన్నారు..