Hyderabad: బొల్లారంలో దారుణం.. కిడ్నాప్ కు గురైన ఐదేళ్ల బాలిక దారుణ హత్య.. నీటి సంపులో రాయికి కట్టేసి..

Missing five years old girl found murdered in bollarum: సికింద్రాబాద్‌లోని బొల్లారంలో ఐదేళ్ల బాలిక అదృశ్యం కాస్త విషాదంతో ముగిసింది. కౌకూర్‌లోని విల్లా ఆర్చిడ్స్‌ అపార్ట్‌మెంట్‌కు చెందిన అరులియా మోజెస్‌ మృతదేహాన్ని పోలీసులు సెల్లార్‌లో  గుర్తించారు.ఈ క్రమంలో సెక్యూరిటీ గార్డుగా పనిచేస్తున్న విక్రమ్‌ బాలికను.. డబ్బుల కోసం బాలికను కిడ్నాప్‌ చేసి, అనంతరం హత్య చేసినట్లు పోలీసులు ప్రాథమికంగా అంచనా వేస్తున్నారు.విల్లా ఆర్కిడ్స్  అపార్ట్ మెంట్ వాసులు దాండియా ఆడుతుండగా కన్పించకుండా పోయింది. దీనిపై పోలీసులకు సమాచాం ఇచ్చారు. తొలుత కిడ్నాప్ కోణంలో విచారణ చేపట్టారు.

పోలీసులు సెక్యూరిటీ గార్డు గా పనిచేసిన విక్రమ్ పై అనుమానంవ్యక్తం చేశారు. అతని పోన్ లొకేషన్ సికింద్రాబాద్ రైల్వే స్టేషన్ దగ్గర్లో ఎండ్ కావడంతో పోలీసులు టీములుగా ఏర్పడి గాలింపు  చేపట్టారు. అలాగే డ్రోన్స్ సహాయంతో సెర్చ్ ఆపరేషన్ చేపట్టారు.

సీసీ కెమెరాలు చెక్ చేసిన పోలీసులకు పాప ఉంటున్న విల్లా ఒకే ఎంట్రెన్స్ ఉండడంతో  మొత్తం ఫుటేజీని జల్లెడపట్టారు. దానిలో సెక్యురీటీ గార్డ్ ఒక్కడే బైటకు రావడం రికార్డు అయ్యింది.

పాప ఉండే విల్లా కాలనీ మొత్తం తోపాటు సికింద్రాబాద్ రైల్వే స్టేషన్..లాడ్జీలను జల్లాడ పట్టారు..కాని పాప ఉంటున్న ఇంటికి దగ్గర్లో క్లబ్ హౌజ్ మాత్రం ఎవరు చెక్ చేయలేదు.  అయితే.. క్లబ్ హౌజ్ దగ్గరే పాప వాడే సైకిల్ ఉండటంతో.. అనుమానం వచ్చిన పోలీసులు విల్లా క్లబ్ హౌజ్ ను క్షుణ్ణంగా తనిఖీ చేయగా అదే బిల్డింగ్ సెల్లార్ నీటిలో పాప డెడ్ బాడీని పోలీసులు కనుగొన్నారు. 

కిడ్నాపర్ సెక్యూరిటీ గార్డు విక్రమ్ పాప కాళ్ళు చేతులు కట్టేసి నోట్లో బట్టలు కుక్కి తల్లిదండ్రులకు ఫోన్ చేసి 20 లక్షలు డిమాండ్ చేసి ఉండవచ్చనిపోలీసులు అనుమానిస్తున్నారు.

 ఈ క్రమంలో పాప మృతదేహాన్ని స్వాధీనం చేసుకున్న పోలీసులు క్లూస్ టీం చెకింగ్ అనంతరం పోస్టుమార్టం నిమిత్తం డెడ్ బాడీని గాంధీ ఆసుపత్రికి తరలించారు. నిందితుడు విక్రమ్ కోసం  మల్కాజ్ గిరి జోన్ పోలీసులు గాలిస్తున్నారు.