Danam Nagender: రెచ్చిపోయిన దానం నాగేందర్.. హైదరాబాద్ ఎన్నికల కార్యాలయంపై వివాదాస్పద వ్యాఖ్యలు.. వీడియో వైరల్..

Danam nagender sensational comments on Hyderabad election commission office:
తెలంగాణ రాజకీయాల్లో ప్రస్తుతం ఖైరతాబాద్ ఉపఎన్నికల అంశం రాజకీయంగా హాట్ టాపిక్ గా మారింది. ఇటీవల తెలంగాణ హైకోర్టు దానం నాగేందర్ పై అనర్హత వేటు వేసిన విషయం తెలిసిందే. దీనిపై స్టే విధించాలని దానం నాగేందర్ సుప్రీంకోర్టుకు వెళ్లిన అక్కడ కూడా చేదు అనుభవం ఎదురైంది. ఈ క్రమంలో అన్నిపార్టీలు కూడా ఈసీ షెడ్యుల్ ను ఎప్పుడు ప్రకటిస్తుందో అని ఎదురు చూస్తున్నాయి. 

హైదరాబాద్ ఎన్నికల కమిషన్ కార్యాలయం తగలబెడతాం

దానం నాగేందర్ మరోసారి వివాదాస్పద వ్యాఖ్యలు

ఓట్ల తొలగింపులో ఎన్నికల కమిషన్ వైఖరి మార్చుకోకపోతే ఎన్నికల కమిషన్ కార్యాలయంతో పాటు హైదరాబాద్ నగరం తగలబడిపోతుంది 

ఎన్నికల కమిషన్ అధికారులు బీజేపీతో కలిసి మా ఓట్లు తీయించారు.. ఎన్నికల కమిషన్… pic.twitter.com/I8N2u6BRHB

— Telugu Scribe (@TeluguScribe) October 1, 2026

పలువురు నేతలు తామే బరిలో ఉంటామని కూడా ప్రచారం చేసుకుంటున్నారు. ఈ క్రమంలో ఖైరతాబాద్ లో మరల తానే పాగా వేస్తానని దానం నాగేందర్ స్పష్టం చేశారు. కానీ ఏ పార్టీ నుంచి బరిలో ఉంటారో మాత్రం చెప్పలేదు. ఎన్నికలు ఎప్పుడు జరిగిన గెలిచేది తాననంటూ ధీమా వ్యక్తం చేశారు.  ఈ నేపథ్యంలో  దానం నాగేందర్ తాజాగా.. కేంద్ర ఎన్నికల సంఘంపై మండిపడ్డారు. ముఖ్యంగా సర్ ప్రక్రియతో హిమాయత్ నగర్ డివిజన్ లో ఏకంగా 20 వేల ఓట్లను తొలగించారంటూ చెప్పుకొచ్చారు. 

ఎన్నికల కమిషన్ ఈసీతో కుమ్మక్కై మరీ ఓట్ల చోరీకి పాల్పడిందని మండిపడ్డారు. ఓట్ల తొలగింపులో ఎన్నికల కమిషన్ వైఖరి మార్చుకోకపోతే ఎన్నికల కమిషన్ కార్యాలయంతో పాటు హైదరాబాద్ నగరం తగలబడిపోతుందంటూ వివాదాస్పద వ్యాఖ్యలు చేశారు. 

సర్ ప్రక్రియలో అక్రమాలకు పాల్పడిన వారిపై క్రిమినల్ చర్యలు తీసుకొవాలని డిమాండ్ చేశారు. కేంద్ర ఎన్నికల సంఘం తగిన విధంగా చర్యలు తీసుకొకపోతే నిరసనలను తీవ్రతరం చేస్తామని దానం నాగేందర్ తెల్చి చెప్పారు. ఇక అన్ని పార్టీలు కూడా ఖైరతాబాద్  ఉపఎన్నికలో ఎలాగైన పాగా వేయాలని పావులు కదుపుతున్నాయి.