సింగరేణిలో నిలిచిన బొగ్గు ఉత్పత్తి.. ఎందుకో తెలుసా?

Manuguru Singareni Mines Telugu News: భద్రాద్రి కొత్తగూడెం జిల్లా మణుగూరు సింగరేణి ఏరియాలో విపరీతంగా పడిన వర్షం బొగ్గు ఉత్పత్తిపై తీవ్ర ప్రభావం చూపుతోంది. దాదాపు రెండు నుంచి మూడు రోజుల పాటు కురిసిన భారీ వర్షాలకు ఓపెన్ కాస్ట్ ప్రాజెక్టులు జలమయమయ్యాయి.. మణుగూరు పరిసరి ప్రాంతాల్లో ఏకంగా 80 మిల్లీమీటర్ల వర్షపాతం నమోదు కావడంతో గనుల్లో భారీ ఎత్తున వరద నీరు వచ్చి చేరంది. ఫలితంగా అటు బొగ్గు వెలికితీయడతో పాటు ఓవర్‌బర్డెన్ ఓబీ తొలగింపులను తీవ్ర ఆటంకం ఏర్పడింది.

మణుగూరు ఏరియాలో ఉన్న ఓపెన్ కాస్ట్ గనుల నుంచి సాధారణ రోజుల్లో రోజుకు 24 వేల టన్నుల బొగ్గు ఉత్పత్తిని అధికారులు లక్ష్యంగా చేసుకుని బొగ్గును తీస్తూ ఉంటారు.. అయితే, అకస్మాత్తుగా కురిసిన వర్షాల వల్ల గనుల్లోని పని చేసే చోట్లు అన్ని బురదమయంగా మారడంతో ప్రధాన క్వారీల్లో నీరు నిలవడం, యంత్రాల కదలిక పూర్తి ఆగిపోయాయి... దీంతో కేవలం 20 వేల టన్నుల బొగ్గును మాత్రమే వెలికితీయగలిగారని అధికారులు వెల్లడించారు. వర్ష ప్రభావంతో దాదాపు 4 వేల టన్నుల బొగ్గు ఉత్పత్తికి తక్షణమే గండి పడిన్నట్లు తెలుస్తోంది..

బొగ్గు వెలికి తీసేందుకు.. అత్యంత కీలకమైన మట్టి తొలగింపు ప్రక్రియ వర్షం కారణంగా పూర్తిగా స్తభించిపోయిన్నట్లు తెలుస్తోంది.. మణుగూరు ఏరియాలో ప్రతిరోజూ సుమారు 1.85 లక్షల టన్నుల మట్టిని తొలగించాల్సి ఉండగా.. వరద ప్రవాహం కారణంగా భారీ డంపర్లతో పాటు భారీ ఎక్స్‌కవేటర్లు, షవెల్స్ కదలలేని పరిస్థితి ఏర్పడింది. భారీ వర్షం కారణంగా రోడ్లు జారుడుబండలుగా మారడంతో కార్మికుల భద్రత దృష్ట్యా రవాణా.. ఆఫ్‌లోడింగ్ పనులను అధికారులు తాత్కాలికంగా నిలిపివేశారు.

గనుల్లోకి నిలిపోయిన వర్షపు నీటిని బయటకు పంపేందుకు సింగరేణి యంత్రాంగం యుద్ధప్రాతిపదికన రంగంలోకి దిగినట్లు తెలుస్తోంది.. గనుల అడుగు భాగంలో నిలిచిన లక్షలాది లీటర్ల వరద నీటిని బయటకు తోడేందుకు ప్రత్యేకంగా హై-కెపాసిటీ మోటార్లతో పాటు డీజిల్ పంపులను అమర్చిన్నట్లు అధికారులు వెల్లడించారు.. నీటిని యుద్ధప్రాతిపదికన తొలగిస్తూ.. బురదను సరిచేసి గనుల్లో సాధారణ పరిస్థితులు నెలకొల్పేందుకు ఇంజనీర్లు, కార్మికులు శ్రమిస్తున్నారట.. వర్షం పూర్తిగా తగ్గుముఖం పట్టి.. నీటి తోడివేత పూర్తయిన తర్వాతే ఉత్పత్తి పనులు పూర్తి స్థాయిలో ఊపందుకుంటాయని గని అధికారులు తెలిపారు.