SOCIAL MEDIA

Newsletter

PARTNER SITES
Select Language Select State

తెలంగాణ ప్రజలకు రేవంత్ సర్కార్ భారీ శుభవార్త.. 4.63 లక్షల మందికి కొత్త పెన్షన్లు, నవంబర్ 19న నేరుగా ఖాతాల్లోకి నగదు!

తెలంగాణలో చేయుత పెన్షన్ లబ్ధిదారులకు రాష్ట్ర ప్రభుత్వం గుడ్ న్యూస్ చెప్పింది. రాష్ట్రంలోని పేదలు, మహిళలు, వివిధ రంగాల కార్మికులకు చేయూత పథకం కింద కొత్తగా 4,63,857 మందికి సామాజిక భద్రత పెన్షన్లను ప్రభుత్వం మంజూరు చేసింది. ఎంపికైన లబ్ధిదారులకు ఈ నెల 19 నుంచి నేరుగా వ్యక్తిగత బ్యాంకు ఖాతాల్లోకి పెన్షన్ నగదు జమ చేయనున్నారు. ఇందుకోసం అధికారులు ఏర్పాట్లు పూర్తి చేశారు. ఇప్పటికే అధికారికంగా సీఎం రేవంత్ రెడ్డి పెన్షన్ల మంజూరు పత్రాల పంపిణీని ప్రారంభించారు. రాష్ట్రవ్యాప్తంగా వివిధ ప్రాంతాల్లోని ఎమ్మెల్యేలు కూడా అర్హులైన లబ్ధిదారులకు మంజూరు పత్రాలను అందజేస్తున్నారు.

Written By Renuka Godugu
Published: Nov 16, 2026, 08:57 IST | Updated: Nov 16, 2026, 08:59 IST
Image Credit: Cheyutha Pensions:
Join

Cheyutha Pensions: చాలా కాలంగా పెన్షన్ల కోసం ఎదురుచూస్తున్న అర్హులను గుర్తించి ప్రభుత్వం తుది జాబితాను విడుదల చేసింది. ప్రభుత్వం ప్రకటించిన ఈ కొత్త పెన్షన్ల జాబితాలో ప్రధానంగా ఐదు వర్గాలకు ప్రాధాన్యత ఇచ్చారు. వితంతువులు, దివ్యాంగులు, ఒంటరి మహిళలతో పాటు కులవృత్తులపై ఆధారపడి జీవిస్తున్న గీత కార్మికులు, చేనేత కార్మికులను అర్హులుగా ఎంపిక చేసి వారికి ఆర్థిక భరోసా కల్పించారు. ప్రభుత్వ నిర్ణయంతో లక్షలాది పేద కుటుంబాలకు ఆర్థిక ఊరట లభించనుంది.

రాష్ట్రంలో అత్యధికంగా హైదరాబాద్ జిల్లాలో 35,730 మంది కొత్త పెన్షన్లకు అర్హత సాధించారు. రంగారెడ్డి జిల్లాలో 30,232 మంది, నల్గొండ జిల్లాలో 26,546 మంది లబ్ధిదారులు ఎంపికయ్యారు. ఇతర జిల్లాలతో పోలిస్తే తక్కువ జనాభా కలిగిన ఏజెన్సీ జిల్లాల్లో లబ్ధిదారుల సంఖ్య తక్కువగా నమోదైంది. ములుగు జిల్లాలో 4,087 మంది, జయశంకర్ భూపాలపల్లి జిల్లాలో 6,457 మంది కొత్త పెన్షన్కు ఎంపికైనట్లు ప్రభుత్వం వెల్లడించింది.

కొత్త పెన్షన్ల పంపిణీ ప్రక్రియ రాష్ట్రవ్యాప్తంగా సజావుగా కొనసాగుతోంది. మంజూరు పత్రాలు అందుకున్నవారికి నవంబర్ 19న వ్యక్తిగత ఖాతాల్లో పెన్షన్ నగదు బదిలీ చేసేందుకు సెర్ప్ ఏర్పాట్లు పూర్తి చేసింది. నగదు బదిలీకి ఆర్థిక శాఖ ఆమోదం తెలిపింది, అందుకోసం అదనపు బడ్జెట్ కూడా మంజూరు చేసింది. కొత్త పెన్షన్లలో 2,77,894 మంది వితంతువులు, 1,24,xxx మంది దివ్యాంగులు, 27,44x మంది గీత కార్మికులు, 4,451 మంది చేనేత కార్మికులు, 53,844 మంది ఒంటరి మహిళలు ఉన్నారు. గత ప్రభుత్వ హయాంలో ఆగిపోయిన ఈ పెన్షన్ల కోసం సుదీర్ఘకాలం ఎదురుచూసిన వారికి ఇది ఊరట కలిగించనుంది.

కులవృత్తులపై ఆధారపడిన వారిలో పేదరికంలో ఉన్నవారిని ప్రధానంగా అర్హులుగా గుర్తించారు. ఆర్థిక ఆధారం లేని, వయసు పైబడిన వారికి సహాయం అందించేలా ఈ పథకం రూపొందించారు. గీత కార్మికులు, చేనేత కార్మికుల్లో పని చేసుకోలేని స్థితిలో ఉన్నవారిని, ముఖ్యంగా వయసు పెద్దవారిని, ఆర్థిక భరోసా లేనివారిని అర్హులుగా ఎంపిక చేశారు. దివ్యాంగులు, ఒంటరి మహిళలు, వితంతువులు మినహా మిగతా వర్గాలకు వయసును కూడా పరిగణనలోకి తీసుకుంటున్నారు. పని చేసుకోగలిగే స్థితిలో ఉన్నవారికి ఈ పెన్షన్ ఇవ్వరు. పూర్తి అర్హత ఉన్నవారినే ఎంపిక చేసి పెన్షన్ మంజూరు చేస్తారు.

రాష్ట్రంలోని ఇతర జిల్లాలతో పోలిస్తే, ఏజెన్సీ ప్రాంతాల్లో తక్కువ జనాభా ఉన్న జిల్లాల్లో లబ్ధిదారుల సంఖ్య తక్కువగా నమోదైంది. ములుగు జిల్లాలో రాష్ట్రంలోనే అత్యల్పంగా 4,087 మంది, జయశంకర్ భూపాలపల్లి జిల్లాలో 6,457 మంది మాత్రమే కొత్త పెన్షన్లకు ఎంపికైనట్లు ప్రభుత్వం వెల్లడించింది.

Add Zee News as a Preferred Source
TAGS:

About the Author

రేణుక గొడుగు జీ తెలుగు డిజిటల్ మీడియాలో సబ్ ఎడిటర్‌గా 2024 నుంచి పనిచేస్తున్నారు. హెల్త్‌, లైఫ్‌స్టైల్‌, ఆస్ట్రోలజీ, బ్రేకింగ్, వైరల్‌ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన 6 ఏళ్ల అనుభవం ఉంది.
Read More

ZEENEWS TRENDING STORIES