భాగ్యనగరంలో రెండు రోజులపాటు భారత్ సమ్మిట్.. నేడు నగరానికి రాహుల్ గాంధీ..

AICC With Telangana Government: తెలంగాణ రాష్ట్ర ప్రభుత్వం.. కాంగ్రెస్ పార్టీతో కలిసి భాగ్యనగరంలో పండిత్ నెహ్రూ జయంతి సందర్బంగా భారత్ సమ్మిట్‌ను అట్టహాసంగా నిర్వహిస్తోంది. దీనికి సంబంధించి అన్ని ఏర్పాట్లు పూర్తయ్యాయి.  ఈ సమ్మిట్ కు ప్రపంచ వ్యాప్తంగా సుమారు 70 దేశాలకు చెందిన ప్రముఖులు, విధాన నిర్ణేతలు, ప్రతినిధులు హాజరు కానుండటంతో జాతీయ స్థాయిలో రాజకీయ ఆసక్తి నెలకొంటోంది.

చీఫ్ గెస్ట్‌లుగా మల్లిఖార్జున ఖర్గే, రాహుల్ గాంధీ, ప్రియాంక గాంధీ, కేసీ వేణుగోపాల్.. 
ప్రజాస్వామ్య పరిరక్షణ, సామాజిక న్యాయం, అంతర్జాతీయ అభివృద్ధి, సమకాలీన భౌగోళిక రాజకీయ అంశాలపై లోతైన చర్చలు జరిపేందుకు ఈ సదస్సు ఒక కీలక వేదికగా నిలవనుందని కాంగ్రెస్ ముఖ్య నేతలు తెలిపారు. అంతే కాకుండా ఏఐసీసీ అధ్యక్షుడు మల్లికార్జున ఖర్గే, లోక్‌సభ ప్రతిపక్ష నేత రాహుల్ గాంధీ, ఎంపీలు ప్రియాంక గాంధీ వాద్రా, శశి థరూర్, కేసీ వేణుగోపాల్ వంటి అగ్రనేతలు హాజరు కానున్నారు. భారీ ఎత్తున

మోహరించిన పోలీసు భద్రత బలగాలు.

అలాగే, అన్ని రాజకీయ పార్టీల నేతలకు ఆహ్వానాలు పంపినట్లు నిర్వాహకులు తెలిపారు. రెండు రోజుల పాటు జరగనున్న ఈ సమ్మిట్‌కు భారీ ఎత్తున అతిథులు హాజరు కాబోతున్న నేపథ్యంలో పోలీసులు అలర్ట్ అయ్యారు. ఎటువంటి అవాంఛనీయ ఘటనలు జరగకుండా భారీ ఎత్తున పోలీసు బలగాలను మోహరించారు.