Hyderabad: హైదరాబాద్‌లో పెను విషాదం.. బంగారం షాపులో రెండేళ్ల చిన్నారి మృతి.. అసలేం జరిగిందంటే..?

Two years girl dies in gold shop in chintal Hyderabad: హైదరాబాద్ లోని జీడిమెట్లలో తీవ్ర విషాదం వెలుగులోకి వచ్చింది. చింతల్ లో  స్థానికంగా ఉన్న  విష్ణు జ్యువెలరీ షాప్‌కు  గోపీకృష్ణ, జానకి అనే దంపతులు వెళ్లారు. ఈ క్రమంలో వీళ్ల చిన్నారి మిషా షాపు లో తల్లి బంగారం చూస్తుండగా షాపు అంతా తిరుగుతు అల్లరి చేసింది. అయితే.. తల్లి షాపులోనే ఉందని భావించి గోల్డ్ కొనడంలో బిజీ అయిపోయింది. కానీ చిన్నారి బంగారం షాపు నుంచి బైటకు వచ్చి అక్కడ పెట్టిన గోల్డ్ ను మెరుగు చేసే సైనెడ్ ను బెల్లం అనుకుని తింది. 

వెంటనే కడుపులో మంట మొదలు కావడంతో రెండెళ్ల చిన్నారి మిషా తల్లి వద్దక వచ్చి పట్టుకుని ఏడ్చింది. నిముషాల వ్యవధిలోనే అస్వస్థతకు గురైంది. తల్లిదండ్రులు హుటా హుటీన పాపను ఆస్పత్రికి తరలించారు. ఈ క్రమంలో వైద్యులు బాలికను అడ్మిట్ చేసుకుని చికిత్స అందిస్తుండగానే  మృతి చెందింది. 

అప్పటికే సైనెడ్ ఆమె శరీరంలో వ్యాపించిందని వైద్యులు వెల్లడించారు. మరోవైపు అప్పటి వరకు వారితో ఉన్న బంగారు షాపు ఓనర్, సిబ్బంది పాప చనిపోయిందని తెలియగానే పరారయ్యారు. 

సైనెడ్ ను నెగ్లిజెన్సీగా బైటపెట్టి తన చిన్నారి ప్రాణాలు పోవడానికి కారణమైన గోల్డ్ షాపు ఓనర్ పై చర్యలు తీసుకొవాలని చిన్నార తల్లిదండ్రులు, బంధువులు షాపు వద్ద నిరసనలకు దిగారు. దీంతో చింతల్ లో ఉద్రిక్తత నెలకొంది. బాధితుల ఫిర్యాదుమేరకు పోలీసులు కేసు నమోదు చేసుకుని విచారణ చేపట్టారు.