• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Telugu
  • వార్తలు
  • ఫోటోలు
  • వీడియోలు
  • ఆంధ్రప్రదేశ్

  • తెలంగాణ

Add Zee Business As A Preferred Source
App
  • Live TV
  • ఆంధ్రప్రదేశ్
  • తెలంగాణ
  • జాతీయం
  • అంతర్జాతీయం
  • క్రీడలు
  • వినోదం
  • జీవనశైలి
  • ఆధ్యాత్మికం
  • జీ తెలుగు న్యూస్
  • /తెలంగాణ
  • /వరంగల్
  • /Karakagudem Maoist History: హింసను గెలిచిన శాంతి.. కొత్త చరిత్రకు నాంది.. తుపాకీ శబ్దాల నేలపై అభివృద్ధి వికాసం

Karakagudem Maoist History: హింసను గెలిచిన శాంతి.. కొత్త చరిత్రకు నాంది.. తుపాకీ శబ్దాల నేలపై అభివృద్ధి వికాసం

Karakagudem Maoist History: ఒకప్పుడు తుపాకీ శబ్దాలు.. మందుపాతరల పేలుళ్లు.. పోలీస్ స్టేషన్‌పై మెరుపు దాడులు! ఇవే భద్రాద్రి కొత్తగూడెం జిల్లా కరకగూడెం పరిస్థితులు. మావోయిస్టు ఉద్యమం ఉధృతంగా ఉన్న రోజుల్లో నెత్తుటి ఘటనలకు సాక్ష్యంగా నిలిచింది ఈ ప్రాంతం. కానీ, ఇప్పుడు కాలం మారింది! భయం నీడల నుంచి బయటపడి కరకగూడెం శాంతిభద్రతలు, అభివృద్ధి వైపు అడుగులు వేస్తోంది. కరకగూడెంపై జీ తెలుగు న్యూస్ స్పెషల్.

Written ByAshok Krindinti
Published: Sep 24, 2026, 16:49 IST|Updated: Sep 24, 2026, 16:51 IST
joinshare
Karakagudem Maoist History: హింసను గెలిచిన శాంతి.. కొత్త చరిత్రకు నాంది.. తుపాకీ శబ్దాల నేలపై అభివృద్ధి వికాసం
Image Credit: Karakagudem Maoist History

About the Author

Ashok Krindinti

Ashok Krindinti

అశోక్‌ క్రిందింటి జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. ఇక్కడ 2022 నుంచి స్పోర్ట్స్, వినోదం, క్రైమ్, రాజకీయ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో ఏడేళ్లకుపైగా అనుభవం ఉంది.
Read More

ట్రెండింగ్

  • వార్తలు
  • ఫోటోలు
  • వీడియోలు
పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

2

బయట ఫుడ్ తినకపోయినా ఫ్యాటీ లివర్ వస్తోందా? ఇంట్లో చేసే ఈ 5 పొరపాట్లే అసలు కారణమా?

3

Congress: సంక్రాంతి తర్వాత 'ప్రజా బలం' చేపడతాం.. నాయకులు గ్రామాలకు వెళ్లండి: రేవంత్‌ రెడ్డి

4

Revanth Reddy: 'ఎమ్మెల్యేలు అనిరుధ్, రాజగోపాల్ రెడ్డిలను ఈసారి క్షమించేద్దాం: రేవంత్ రెడ్డి

5

Kishan Reddy: రెబల్ స్టార్ ప్రభాస్‌తో భేటీ అయిన కేంద్ర మంత్రి కిషన్ రెడ్డి.. అసలు కారణం ఏమిటంటే..?..

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

Karakagudem Maoist History: భద్రాద్రి కొత్తగూడెం జిల్లాలోని మారుమూల ప్రాంతం కరకగూడెం. ఒకప్పుడు ఈ పేరు చెబితేనే చుట్టుపక్కల గ్రామాల ప్రజలు, పోలీసు అధికారులు వణికిపోయేవారు. మావోయిస్టుల సాయుధ కదలికలకు ఈ ప్రాంతం ప్రధాన కేంద్రంగా ఉండేది. 1997 జనవరి 9 అర్ధరాత్రి వేళ.. కరకగూడెం చరిత్రలోనే మర్చిపోలేని విషాదం జరిగింది. వందలాది మంది మావోయిస్టులు ఒక్కసారిగా పోలీస్ స్టేషన్‌పై విరుచుకుపడ్డారు. బాంబులతో స్టేషన్‌ను పేల్చివేసి జరిపిన కాల్పుల్లో 16 మంది పోలీసులు వీరమరణం పొందారు.

దాడి తర్వాత స్టేషన్‌లోని ఆయుధాలను మావోయిస్టులు ఎత్తుకెళ్లడం ఉమ్మడి రాష్ట్రవ్యాప్తంగా పెద్ద సంచలనం సృష్టించింది. అంతకుముందు 1992లో రాల్లవాగు దగ్గర జరిగిన మందుపాతర పేలుడులో 10 మంది పోలీసులు ప్రాణాలు కోల్పోయారు. ఈ వరుస ఘటనలతో కరకగూడెం చుట్టుపక్కల తీవ్ర భయానక వాతావరణం అల్లుకుంది. సాయంత్రం ఐదు దాటితే చాలు.. ఇళ్ల నుంచి బయటకు రావడానికి కూడా జనం వణికిపోయే పరిస్థితి ఉండేదని స్థానికులు గుర్తు చేసుకుంటున్నారు.

వరుస ఘటనలతో అప్రమత్తమైన ప్రభుత్వం కరకగూడెంలో భద్రతను పెంచేందుకు గట్టి చర్యలు చేపట్టింది. సాధారణ స్టేషన్ స్థానంలో దాడులను తట్టుకునేలా అత్యంత ఆధునిక 'బుల్లెట్ ప్రూఫ్ పోలీస్ స్టేషన్' నిర్మించింది. అదనపు బలగాల నియామకం, నిఘా వ్యవస్థ బలోపేతం, అడవుల్లో నిరంతర కూంబింగ్ ఆపరేషన్లతో మావోయిస్టుల కదలికలకు చెక్ పెట్టారు. మధ్యలో 2024 సెప్టెంబర్‌లో మోతే సమీపంలో జరిగిన ఎదురుకాల్పులు గతాన్ని గుర్తుచేసినప్పటికీ.. పోలీసులు నిరంతర నిఘాతో పరిస్థితులను పూర్తిగా అదుపులోకి తెచ్చారు.

శాంతిభద్రతలు అదుపులోకి రావడంతో పాటు తెలంగాణ రాష్ట్రం ఏర్పడ్డాక కరకగూడెం అభివృద్ధి బాట పట్టింది. ప్రజల దశాబ్దాల కల నెరవేరుస్తూ ప్రభుత్వం కరకగూడెంను ప్రత్యేక మండలంగా ప్రకటించింది. మండల కేంద్రంగా మారడంతో ప్రభుత్వ కార్యాలయాలు అందుబాటులోకి వచ్చాయి. మారుమూల గ్రామాలకు పక్కా రోడ్లు పడ్డాయి. విద్య, వైద్య వసతులు విస్తరించి వ్యాపారాలు ఊపందుకున్నాయి. అడవులకే పరిమితమైన ప్రాంతం.. ఇప్పుడు వేగంగా అభివృద్ధి చెందుతోంది. ఒకప్పుడు పోలీస్ స్టేషన్ చుట్టూ భద్రతా వలయాలు, అర్ధరాత్రి సైరన్ల శబ్దాలు ఉండే చోట.. ఇప్పుడు సాధారణ జనజీవనం కనిపిస్తోంది. పిల్లలు ప్రశాంతంగా బడులకు వెళ్తున్నారు, వ్యాపారాలు సజావుగా సాగుతున్నాయి. నెత్తుటి జ్ఞాపకాల నుంచి కరకగూడెం కోలుకుని శాంతికి ప్రతీకగా నిలిచింది. హింసను గెలిచి అభివృద్ధి వైపు అడుగులు వేస్తున్న కరకగూడెం.. చరిత్రలో కొత్త అధ్యాయాన్ని రాస్తోంది..!
 

Add Zee News as a Preferred Source
TAGS:
Telugu News
Telangana News
Warangal